اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 9 mai 2007

......حديث فلاحي....يا فلاّح


انا ماهو توّى كيف جيت, توّى كي حطيت ساقي في عالم البلوغوات و الربوخات و الجيغاوات ( مش متاع الضو) , و مازلت تقول انتي برّاني و الغريب غريب المال , عاد قلت مافاها باس الواحد يعمل دورة.. ياخذ كلمة و يعطي كلمة مع خلق ربّي, و هاني حاجة و حويجة منها الواحد يبدل الجو و منها يتعرف علي
les gens biens


انا دخلت لبلوق محترم , نلقاها لاحمة.. كولني ناكلك..كان البونية تعيّط ( بالكلام بالطبيعة) و ناس بكري قالو الكلمة تهد بعير...
من غير ما ندخل في الديتاي.. الاول قال اللي العريبة متاع البلوغو زقوقو(حقوق بيغ تراب بوي محفوظة) خارجين من البيوت المكيفة
الاخر ما فهم شي في بالو يتمسخر عليه و تنبز من الكلمة هاذي فرجّع عليه قالو تقول عليا طالع من البيت المكيفة يا فلاح ..ايجا للميتاب متاعنا توى تشوف شكون الفلاح..

يبارك في ترابك يا تونس

انا باش نقلو السيد متاع الميتينغات لوكان يخطاك الفلاح الا ما تولي كعبة الدانات بخمسة الاف ... توا مازال تلقى الباقات و البانات, و حتى البيرة و الشراب الا ما نوليو نستوردوهم .. ما نحكيش على زيت الزيتون و الدجاج العربي و دجاج الحاكم و الحليب و العظم و البيتزا و الجبن و الاسكالوب و حتى البريك متاع حلق الواد يولي بحق فسبا..تولّي كي تمشي للمكتب تهز معاك قدمة خبز يابس لمجة
اما باش نهزلك المورال كون متاكد انو الناس لكل باش تولّي ستيل....من الشرّ...

2 commentaires:

Sami III a dit…

inchallah yéfhmouk, ama rahou ma dhahérli, él 7a9ra ma tétna77ach bi shoula rahou :)

Clandestino a dit…

merci Sami ,
il parait que c'est difficile, voir impossible de reduire ce genre de comportement..seulement on dois pas rester passif à regarder sans reagir