اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

jeudi 5 juin 2008

بالله حد ينوّرنا ؟وين ماشية البلاد ؟؟


شكونو اللي مات في السبيطار متاع قفصة؟؟
هل هو مرافق الشهيد هشام اللي دخل في الغيبوبة و الا شخص آخر يقال انو توفي من ضرب المطراك؟
شنية حكاية السيد اللي رمى روحو من فوق المغازة العامة في المتلوي ؟
شنية حكاية تجار المازوط متاع الدزاير في فريانة ؟
و شكونو المسؤول اللي قاللهم باش يحرقو لايطاليا اذا موش عاجبهم الوضع ؟؟
و شكونو البيّاض اللي صب السيرفاسار على راس المعتمد ؟؟ و علاش يبيّض في صلعة المعتمد ؟؟
و شنية حكاية الشانطي متاع البريتش قاز في الصخيرة ؟
و علاش مواطنين من المحرس و الصخيرة موقفين الاشغال ؟؟




17 commentaires:

Antigone a dit…

تسمع بيه الهفهوف؟
تسمع بيها الهاوية؟
تسمع بيه الدّاموس؟
وتسمع بيه المثل العزوزة هازها الواد وهي تقول العام صابة؟

Big Trap Boy a dit…

في بالي في حيط

FarFar a dit…

لا با س عليها لبلاد و خانتها ذراعها قالت مسحورة

أعملونا محكمة دولية للشهيد هشام علي وزن الشهيد رفيق الحريري

3amrouch a dit…

شنيه حكاية البنك التونسي؟
وشنية حكاية التحضير لتمرير الكورة

Anonyme a dit…


هيا ولات لي بالمكشوف هنا ؟
ما مات حد و ما تولد حد و حتى العروسات مازالوا و الي يحب وحيدة
chez nous
يشد قاعة تمسكيل من التوه

ديما لاباس
و كل واحد يتلهى في روحه في كريدياته و فواتيره و مشاريع حرقانه
هيا انتوما مشى لومار درتوا على بعضكم
باللازمة لما نرجعوهولكم ماسيوا ليمار

Stupeur a dit…

قالك كل ما تحل الإذاعة الوطنية تسمع التعليلة
لا إله إلا الله والفرح واتانا
كل من عادانا جانا و هنانا

و يرحم من زار و خفف

3amrouch a dit…

ستيبور
زار وخفف؟؟
وين تشوف فيها الخفة؟
تي هاذي هي كبرنا مع توم

Stupeur a dit…

و شبنا معاه
واحنا ماشين و توم قريب يعمل كلوناج باش يزيد يكبش

Clandestino a dit…

@antigone & btb:
اذا كان الطولة صحيحة و الشاسي ماهوش مضروب راهو البلاد موش باش يجرالها شي كان دخلت في حيط و الا طاحت في الفوسي

كانت طلعت كلها ادابتابل و القطايع زادة مضروبة و سلعة ليبيا , ربي و رحمتو, مشينا

@stup:
على سلامتك
:))))
جماعة الاذاعة هذوكم ديما فرحانين
مانعرفش علاش و اللي يسمع يقول الكل عندهم فيلات على البحر و ياخذو في مليون شهرية
@3amrouch:
انا البانكة عهدي بيها راس الشهر
و ثقافتي البنكية تاعبة ياسر
نكذب عليك كان نقلك راني نفهملها في دومان البنوك
...
و التمريرة اللي تحكي عليها تمريرة قصيرة و الا في شكل توزيعة ؟؟؟
و الملاعبي اللي باش يركّح الكورة زعمة ملاعبي معروف و الا صاعد حديثا من اصناف الشبّان ؟

3amrouch a dit…

توزيعة بالتراضي وعلى العينين وبره
ملاعبي قديم يثبت على عتوقة
اهوكه اكثر واحد يمشي ستاجات وديما ديبلسمان

Stupeur a dit…

سمعت بيه الكوارجي القديم هاذاكا
عبعب عو عو

قالك يعمل عو خير مالي يضربوها الصحاح

3amrouch a dit…

وهو كذلك ستيبور
ضحكتني والله

Anonyme a dit…

على آش نوّه تحكيوا....
البلاد...
آه على الكرهبة الّي الشّاسي متاعها صحيح ...
زعمه مزّالة موجودة...
سمعت باعوها...؟

Stupeur a dit…

الكرهبة راس حصان
والبلاد مبنية على راس كلب
و ما يطيح راس البصل كان راس الثوم
وآحنا باش يعطيونا راس العصبة

Anonyme a dit…

بعد ما قريت كلام الشباب ما جاء على لساني كان
منيوكة ومليانة بالنيك جمام
وكان طوّل ربي في عمرك مازال النيك القدّام
alibaba

Big Trap Boy a dit…

هههه
ما أبلدك يا ستيبور

حاسيلو حكاية لا راس ولا ساس

هههه

RedPrince a dit…

على حد علمي ما فما حد مات في سبيطار قفصة, إلى حد الآن فما ثلاثة ماتو: هشام, و اللي مات بالكرطوش (الحفناوي) و واحد طاح من سطح دار كيف تخنق بالكريموجان. النقطة الثانية ماهمش تجار متاع مزوط, الكلمة المناسبة هي كناترية (مهربين) و ماهمش في فريانة بالأحرى في ماجل بن عباس. و النقطة الثالثة, فما قرابة 180 شاب سهلتلهم أجهزة الأمن باش يحرقو لإيطاليا عندهم قرابة ال3 أشهر أغلبهم من شباب المتلوي, أغلبهم تشدو لدى وصولهم (حوالي 120 تشدّو)

Powered By Blogger