اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 17 juin 2008

Deux jours après la bataille...





بعد شبه الاجماع حول نضج المشهد التدويني التونسي و بلوغ المدونات التونسية "سن الرشد" و الانتقال الى المستوى التالي من حيث المواضيع و القضايا المطروحة , يبدو اننا رجعنا (بالتوالي) الى الـ"المعبوكة" , الحكاية القديمة , الموضوع الأوحد الواحد الأحد, جواز السفر الى عالم المفكّرين و نادي المثقّفين "المتثقّفين" ... الموضوع (الكليشي) الذي افرغ من محتواه ليتمّ تكراره و اجتراره بموجب و بدون موجب و من ثمّة استهلاكه بالكامل في النقاشات التدوينية السابقة ( استعملت خلالها كل الحجج و البراهين و الاحذية الرياضية و الشلايك قياس 44 ) حول موضوع الدين و اشكاليات الحداثة و العلمانية ...

و بعد انجلاء غبار المعركة (التدوينية ) و انحسار المدّ الذي اغرق الفضاء التدويني بموجات (تسونامي) هائلة من النصوص المتتالية و المتشابهة في معظمها من الجانبين حبّيت نستغل الهدوء الذي يعم جبهات القتال باش نسأل المشاركين و غير المشاركين في هذه الحملة (على فكرة هي حملة من الجانبين فرغم كون "حلف الأنصار " كان المبادر و المنظّم لهذا الحدث إلا أن الحلف المقابل استثمر كما يجب هذا اليوم و شارك و لو بطريقة غير معلنة بالحملة المضادة ) برشة اسئلة حول حصيلة ما سمّي بـ"يوم الإسلام" :

هل دخل اللادينيون دين الإسلام ؟
هل اقتنعوا بضرورة وقف "هجماتهم " و "تدويناتهم الاستفزازية " و امضوا على معاهدة تضمن احترامهم لمشاعر النّاس ؟

هل ارتدّ "حلف الأنصار" ؟
هل تبيّن لهم انهم "غالطين على طول الخط" ؟
هل اقتنعو بأن الاسلام هو دين "مفاخذة الرضيعة " و دين "التخلّف و الإرهاب و العمى الفكري و الحضاري" و من ثمّة اقرّوا بأنهم كانوا على خطأ و انهم استفاقوا من "العصاب الجماعي" الذي كان يصيبهم ؟

هل ان الدفاع عن الاسلام يستحق يوما واحدا ؟؟ يبدأ عند الصباح و ينتهي بإعلان ختامي من احد الأطراف؟
هل أن النقاش يكون بقصّ النصوص و لصقها من المدونات العربية و غير العربية ؟
هل ان اسلوب تتابع و توالي النصوص و تشابهها في الطول المفرط و غياب المنهجية من كلا الجانبين كفيل بضمان النّصر ؟؟
هل أن النقاش حول الدين يتطلّب وجوبا عدم وجود خطّ واضح للنقاش و التركيز على استقطاب المصوّتين و احتساب الاصوات لفرض وجهة النظر الخاصّة من طرف كل جانب؟



13 commentaires:

mandela a dit…

بعد تهافت الغباء على البلوغوسفير أثناء حملة شيوخ حلف قمبطة حفظهم الله ورعاهم ظهرت بعض الكتابات هنا وهناك تدعو إلى ضبط النفس وعدم الإنسياق وراء تيار التراشق بالشتائم و تبادل السباب ومزيد تشليك الخطاب البلوغوسفيري المشلك بطبعه
كما نبهت مدونات صديقة أخرى إلى أنه من غير المعقول أن ندير أظهرنا لإخواننا و رفاقنا في الحوض المنجمي و أن نشغل أنفسنا بمعارك افتراضية لم ولن تحل...ورغم اني كنت نبهت إلى هذه النقطة في تدوينة سابقة فإني لم أنتهج تكتيك الركشةإلى حدود مرور عاصفة شيوخ الغباء ثم خرجت متأنيا داعيا إلى ضبط النفس
فشخصيا كانت رؤيتي وقد أكون مخطئا في ذلك أن نوقف الأغبياء عند حدهم و أن نرفض منطق الوصاية الإفتراضية وفي نفس الوقت متابعة كل ما يجري في الحوض المنجمي الذي لم تتوقف فيه المداهمات يوما واحداواستفزاز المواطنين مما حول بعض الأحياء مثل حي الطرابلسية وحي المغرب وحي النزلة وحي سيدي عبد القادر إلى مدن أشباح كما تم تمشيط الصحاري والجبال المحيطة بالرديف بحثا عن قائمة متكونة من 250 مطلوب القبض عليهم

abunadem a dit…

بعد هدوء العاصفة ندعو لا الى تقييم بل الى تكوين لجنة تقصي حقائق لمعرفة عدد الضحايا وتحميل المسؤولية لاصحابها وتقديم فتوات الحارة الى العدالة حتى يقول فيهم الناظر او الجبلاوي نفسه قولته الاخيرة .
تحياتي

titof a dit…

صديقي كلندو ردا على بعض ماجاء في تدوينتك
هل ان الدفاع عن الاسلام يستحق يوما واحدا ؟؟ يبدأ عند الصباح و ينتهي بإعلان ختامي من احد الأطراف؟
لا يا صديقي الحملة بدات نهار 15جوان و اهيكة مستمرة على الفايس بوك
اما احنا وخرنا خطوة الى الوراءباش لحكاية متكبرش واستجابة لندءات التهدئة و اثبات حسن النية يعني مناش خونة واهدافنا تعكير الجو كما ادعى العديد
و الصدام كان نتيجة عادية للكم الهائل من الاستفزازات الي وجهناها قبل وانتي تعرفها
و الاستفزازات مزالت تتواصل
يسكتو فينا باش يحكيو على قفصة وهاو نهارين الناس تحكي علينا
على كل انتي الوحيد الي ريتك موضوعي في الطرح
يعطيك الصحة

titof a dit…

ابو الناظم سيدي الفاضل
بعد ان ان اتهمتنا بالتوطىء مع جهات مشبوهة
و باننا متطرفون وتكفريون
ونسبتنا الى الجماعات التي نعرفها والتي لا نعرفها
تلقبنا اليوم بفتوة الحارة
؟؟؟؟؟؟؟؟؟؟؟؟؟؟

Werewolf a dit…

خويا كلاندو هاذي يلزمها ليبيلي "لا" بما أنو الأسئلة الكل اللي طرحتهم، الاجابة عليهم هي النفي و مافيها باس تزيدنا ليبيلي "ميزيريا كلبة"
ا

triangle de panne a dit…

كل شئ ولى ماسط ..حتى الجنة اللي نستناو فيها بفارغ الصبر كيما الشهرية ..هاو قالك ما عندكمش فيها حق على خاطر نحنه مهشنا خوانجية..كان يطلع ها الكلام صحيح ..رحنا في داهية..وربي يستر و برّه

kmaira a dit…

mdrrrrrrrrrrrrrrrrrrrrr
mat3ak fi tlala3 w mabldek
ki rit tssawer tdhakert, kad mata hamza..........

هناء a dit…

انا نضيف سؤال لاسلتك، علاش الحديث عن الجنس و الافلام و النظام حرية التعبير و الحديث عن الدين يا اما تخلف او تعصب
انا عن نفسي ما شتمت حد لانه مش مستواي و لما كانت تجيني شتائم كنت ما نردش عليها لاني لما كتبت عن الاسلام قلت انه يجب ان يعطي المسلم صورة جميلة عن الاسلام من خلاتل تهذيب نفسه، و ين التخلف و لا التعصب في كلامي
اذا كان اسلوبهم في الرد هو الشتم فانا اتعفف من الرد على ناس حجتها و برهانها الكلام الناقص
لما تسال اذا كان احنا جبنا نتيجة احنا ما كناش نحاول نأثر على حد باش نقعد نحصي في النتائج ، احنا ردينا على شتم رسولنا و الاستهزاء بديننا و ما كنا نستنى في حد يتوب لاننا مش دعاة، و ايضا حتى نقول انه مش كل الجيل تافه لما ما يلقاش شي يتكلم فيه يسب الاسلام و يولي هو سبب التخلف
فيه ناس واعية تحب دينها مقتنعة بيه من حقها ترد على الناس الي تشتمه

abunadem a dit…

يا تيتوف
راني نفدلك مع كلاندو كي ردها حكاية معركة بين الانصر واش اسمهم
اي عاد المعرك الكبيرة قتلو ما تكمل في العادة كان بلجنة تقصي حقائق اما حكاية فتوات الحرة هذية متاع نجيب محفوظ في اولاد حارتنا ماهي الدنيا ردها حرب بين فتوات
المسالة من باب الفدلكة
وحكاية التخوين ماهي تفاهنا فيها نبقوش نرجعو لتالي

علي بابا a dit…

هيا السلام عليكم
افهموا يا جماعة اللي المعركة في مجتمعنا ما هياش بين الإسلام والكفر ولكن المعركة الحقيقية بين الإستبداد والحريات على خاطر اللي خرب البلاد موش الكفر وموش الإيمان بل الإستبداد هو اللي قاعد يضرب في المسلم والكافر من غير ما يسأل على دينهم وإلا ملتهم. سيبوا عليكم من ها النقاشات الغوغائية وخليكم واعيين بالمرحلة. ماشفتوش كيفاش محمد الشرفي اللي عدى حياته يحارب في ما يسميه الفكر الديني كيفاش انتهى وبقي الفكر الديني وما شفتوش كيفاش بعض الإسلاميين اللي عاشوا يحاربوا في العلمانية رحلوا وبقيت العلمانية
الفكر لا يمكن استئصاله ولكن المطلوب استئصاله هو الإستبداد حتى يعيش العلماني والإسلامي وغيرهم بالطريقة اللي تعجبهم على خاطر في ظل الإستبداد الكل خاسر
اللهم هل بلغت اللهم فاشهد

Ghoul a dit…

يا علي بابا علاش مش الستبداد عندو علاقة بالإسلام : رب واحد , دين واحد , رسول واحد, كتاب واحد, راي واحد, ملك واحد, رايس واحد, حزب واحد, كلمه وحده, فكره وحده, وهلم جر من انواع التوحيد....

alopex a dit…

برجوليّة شيّ يكرّز ولاّت الحكاية نفخان في نفخان كيما شكون جاء قبل الدجاجة ولاّ العضمة؟ اقتراح علاش الي يحبوا يحسّنو التصويرةبالزازة ما يبداوش بأرواحهم وحولهم

eagleeyez a dit…

kelamek s7i7 "ghoul", el estebdad fe ch3oubena, 3andou marja3iya diniya, weli 5alana fe tounes nardhaw bel estebdad, howa 5awefna men estebdad akthar batech wa 9ame3.

mo5 el hadra, fel estebdad ma 3andek ma te5tar :D

ena kan na3ref eli eslamiyine eli yatm7ou bech ya3mlou dawela eslamiya, 3andehom kelma we chorafa2, enehom yetnazelou 3al 7okem law kan tajrebetehom athbtet fachaleha fe moda mo7adeda, rani aydetehom, 3al a9al yewariwena el 3iniya el illahiya kifah bech t7awel el "Islam howa al 7al", al chi3ar, le 7al fe3li yerta9i bina bemahoum al erti9a al fe3li betbi3a, moch kifama houma bech ye2awelou el kelma, we nerta9iw betwali.

el 3elmaniya ma tetnafach me3a 7a9 el afrad fel dine, we 7ad ma bech yeji yedo9 3ala babek nehar ye9olek ija 3ana ejtima3 dra wine le3badet el 3elem aw al 3a9el, we kan ma tjich yesir fik ... , ama el 3akess moch s7i7, we houni el wa7la.