اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

dimanche 10 juin 2007

fantasmes...


نحبّ ناخذ ...بنيّة ...لاهي كبيرة لاهي صغيرة
لاهي تروريست ...لاهي انتي تروريست *
كيف نصيح عليها ...تقلّي سامحني
كي نتغشش عليها تقلي...يا سيدي

كي نخزرلها...تهبّط عينيها و تتبسّم

نحبّ بنيّة تحبّني ...
و تكره الفلوس
بنيّة ...تعجبني من غير ماكياج...
تشاورني قبل ما تخرج ...
و إذا روّحت ماخّر ما تسالنيش فين كنت
تخاف مني كيما بوها ... تحبّني أكثر من روحها


نلوّج على أمّي سيسي...
أما كيف تلقى 10الاف قدام الدّار ...
تسالني
"حاجتك بيه الكاغط"

13 commentaires:

Anonyme a dit…

:))))

كان تحبها تونسية آفيك سا تتعب شوية
..
انجم نشوفلك وحدة من بر الانقليز حط فمة تلقى فمة ..هكاكة تضرب عصفورين بحجرة
..

آبري تو ماك تحب تحرق؟

Adem Salhi a dit…

لا مانع من الحلم؛ اما يبطى شوية
:D

هناء a dit…

اللي يسمع يقول ما عادش فيه بنات بهذه المواصفات
الحقيقة ان وين هو الراجل الي يستاهل واحدة هكذا
لازم تعملو مجهود و تحسن من ارواحكم باش تلقاو ما يليق بيكم
و الطيور على اشكالها تقع ....

Clandestino a dit…

@tarek:
لا يا ولدي, اخطانا من الانقليز...نحبّها عربية محرحرة مش صفرة تقولش طايبة بالكركم...توّة ريتش سردوك عربي يتبّع في دجاجة متاع حاكم

Sonya a dit…

ahaya clandestion...
lahna :
http://mes-folies-artistiques.blogspot.com/search/label/sculpture
ama lazem etrakbilha des piles bech etfi9lek ...
fantasmi 5ouyA... koulou béhi.

Une question : ni grande ni petite??? Par rapport à quoi ?? À toi ? À ton âge ou a ta taille? :p
7louwa fazet el sardouk el arbi ou djejet el hakem :D

Tess a dit…

هاذي موش موجودة لا تقول في بلاد لنقليز لا غيرهم...

Unknown a dit…

Wallahi, je connais une femme qui correspond à tout cela. Mai elle a épousé un imbécile qui n'a pas compris sa valeur. Elle a divorcé.

En plus, elle est jolie, très bien élevée et instruite.

Sonya a dit…

يف نصيح عليها ...تقلّي سامحني
كي نتغشش عليها تقلي...يا سيدي

ya massir si la femme que tu connais avait ces qualités c'était alors évident que son mari était imbécile... il n’a pas su sa valeur parce qu’elle n’a pas su la dégager !!
La femme des rêves de clandestino est une femme effacée :)
tal3eb biha echwya puis te9le9
...
Donc lazmek ta3mel tan9i7 clandestino
Elle doit être compréhensive au lieu de soumise

Clandestino a dit…

تنقيح ؟؟
بالكشي قانون المالية هو ...
يا سوسو عيّش اختي خلّي الواحد يحلم...
ياخي باش تحرّمو علينا حتى الحلم

@massir:
بالطبيعة الرجال الكل مش كيف كيف
و مرا كيما اللي نحبّها انا ... اندثرت من القرون الوسطى و ممكن مازالت موجودة في اليابان( اللي رغم التطور و التكنولوجيا مزالت المرا مرا و الراجل راجل)...
ي
و لسوء الحظ المرا اليابانية زادا نحطها مع الانقليزية في خانة دجاج الماكينة.

Lobs a dit…

la femme de sarkozy n'a pas voté pour lui.

Sonya a dit…

ahh mella clandestino ... madamek mazelet ma7ra9tech ou madamni fi tunis neda5el ou noss lool
berrasmi makarnich !! alah ghaleb a3dawni ejma3a :D ama promis ma3atech en3awed sane3ti :p

Clandestino a dit…

:D
انا دابيتيد مانحبّش الطفلة اللي تدخل روحها في كل شي...سيرتو في الاحلام متاعي اللي هوما ملكي وحدي
امّا إنتي ميسالش
3andek autorisation spéciale, mana3refch 3lech manajamch netghachech mennek ..

Mka3bara Zay el Batata a dit…

...
أما كيف تلقى 10الاف قدام الدّار ...
تسالني
"حاجتك بيه الكاغط"

Behi ya sidi li naftaredh ennou tel9aha hedhi ommi sissi...normalement ommi sissi tokness tokness...lekin tawa bech tal9a wa7da t3addi l'apirateur 9odddem el dar? behi we you7lou el 10 alef fel aspirateur? trassilek tsalla7 fih eb au moins 40 dinars...ettaba3 fel 7keya wella la? behi...hani skett 7atta ena ech mdakhalni n7ott fi commentaire...nemchi nechri msal7a we ne9ef 9oddem darkom...

Powered By Blogger