اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

jeudi 14 juin 2007

كلّها شربة...

نكمّل الحكاية:

بعد ما دق الحاجب الباب و اعلن الزيارة الفجئيّة للملك المظفّر, حلّت المرا الباب و دخل سيدنا و في جرّتو الغلمان هازين الهدايا و العطايا و الكادوات.
المرا مسكينة حلّت فمّها في الشي اللي داخل عليها و بهتت في الصياغات و الضخامات و الفلوس و الحوايج... راجلها خدّام حزام نهار يصوّر الجورناطة و نهارين لا و عايشين كيما يقول المثل "ليلة حشيش و ليلة دشيش وليلة بين الليالي ذاهبة"*

"ربّي يطوّل عمرك سيدي و بارك الله فيك "
"هذاي ما يمثّل حتى شيء مقارنة باللي يستنّى فيك ..."
" ياخي انا شنوّة عملت باش نستحق كرم سيدنا "
"اش معناها؟ انا ما نوزّع الجوائز كان للي عملو حاجة ..."
"حاشاك سيدي , نعرف اللي الكرم متاعك غامر المملكة الكل اما ما فهمتش علاش انا بالذات ؟"

(تبسّم السلطان و لمعت عينيه و صفّق بيديه , حطّ العبيد اللي في ايديهم و خرجو...
مشى و قعد على كرسي في الكوان , و مدّ يدّو للمرا و ناداها باش تجي تقعد بحذاه , المرا ما جاش على بالها شي مشات و قعدت في الكرسي مقابلو و حطت يدها بين ايديه)

"على خاطر عينيك الملاح ... و على خاطر القد الميّاس و الستيل اللي ما ريتش كيفو في البلاد...نعطي المملكة باللي فيها"
سكتت الوليّة و خافت (توة هذا السلطان و اللي يعكسو يعدي عمرو فار حبس او يذبّولو راسو جملة, و من جهة اخرى هي راضية بمكتوبها و مش مستعدة تبدل مولى بيتها بأي راجل في الدنيا )
حاولت تجبد يدّها ياخي السلطان كبس عليها و ما حبّش يسيّبها ,
"لا لا سيدي مش هذا قصدي أما راهو الفطور على النار , نمشي نحط الفطور ناكلو و من بعد نحكيو "
تفرهد السلطان و خلاها تدخل للكوجينة و قام من كرسيه و مشى للباب يطل على الكياس ...
الوزراء اللي متسرسطين تحت الحيط يتكيّفو و يترشفو في الكابوسان قامو -"سايي سيدي ؟ ريقلت الأمور ؟؟" - و قامت الفرقة متاع الحرس تأدي في التحيّة , و بدات الهتافات من المسؤولين و بعض المواطنين اللي تلمّو بالمناسبة :
"ما شاء الله على سيدنا... "
"هذايا روكور يتسجل لسيدي السلطان ..."
"اما زايد مش صدفة انك ارجل واحد في المملكة ..."
"هاذي الرجولية و ال بلاش ..."
"الله ينصر سيدنا ..."

مدّ السلطان وجهو من الباب و صاح فيهم "سكّرو افّامكم يا بهايم ...مازلت مازلت ..."

بدات الناس تصيح "ربّي معاك يا سيدنا " "انشا الله مربوحة " " ما تحط شي في بالك..." " العيب منها هي "
زاد السلطان تغشّش و طارتلو " اللي باش يحل جلغتو لسانو نقصّهولو "
و خزر للوزير الاوّل " ايجا انتي , توّى تمشي للدبّو و تجيبلى البربر (بوات) و الرجرج و تعدّى للقمرق جيبلي باكو "كامال" مطبوع" يا لاّ تحرّك فيسع ".

كيف رجع لداخل يلقى المرا حطت الفطور : ميدة منصوبة فيها ما تشتهى العين و القلب ...

جابتلو الماء غسل ايديه و شمّر اكمامو و تربّع قدام الميدة
" بسم الله الرحمان الرحيم "
شاف الصحن الاول يلقى فيه شربة فريك تعمل الكيف ,
عصر القارس و عمل مغيرفات
"ملا شربة هاذي يلزم نبدّل الطباخ متاعي "
تعدى للصحن الثاني فيه مرقة ذاقها يلقاها كيف كيف ...نفس مطعم الصحن الاول ...
تعدّى للصحن الاخر ...
ذاق ...
هي بيدها نفس الريحة و نفس المطعم ...
"شنوّة الحكاية ؟؟ ياخي الماكلة هاذي الكل كيف كيف ؟؟ كلّها شربة ؟؟"
تتبسّم الوليّة...
"هكاكة النساء..."
ء





5 commentaires:

kmaira a dit…

blida w hlowa ama ya hassra 3lik swabe3 idiik mouch kad kad

3amrouch a dit…

te rappelle tu une chanson qui a cartonner a tunis dans les année 96/97 le refrain"ahhh heilla yesser echorba hethi" ca te dis quelque chose cette chanson...
enna fi beli les femmes jeyinn mel les fruits de mer cad talk we7dda sardine ,l'autre bouri l'autre saumon etc ect.
enna na3chek el maneni.
p.s:je dis n'importe quoi je sais je suis calquer c pour ca

naufrage a dit…

wemba3ed??? e9tana3 ?? kif erjel el koll :D

Clandestino a dit…

mba3d rja3 elmartou ou ektana3 ennha hia maktoubou , ou ennsa elkol kif kif ou elli bech itabe3 el madaher rahou bech yehbel ou ma 3adch yemlalou 3inou hatta chay...

enfin il faut avouer que la chorba est toujours delicieuse en plus il y en a plusieur saveur a la chorba, y'en a bedjej, belham, belhout, lsan asfour, chorba frik ...

FarFar a dit…

cette hsitoire clandestino m'a rappelé deux choses , une blague au debut ..ki 9olt lemra mchai rajelha el barra et une petie histoire écrite par taher el faze3 ..
la blague peut etre ta3ref8a , c'est:
thamma rajel esmou khmayess , 7oumtou el kol 7ar9et ltalia , 93ad ken houa..7assha meskine..
l9a 7all, kallem martou , 9alelha ..
esma3 yai mra, hani bech netla3 essedda, no93ed ghadi 3ame kaimel , lai nrake lai trani ..welli yes2el 3laya , 9ollou , khmyess , 7ra9 ltalia..
wel mekla , ahawka 7ott8a fi 9offa et aina ntalla3ha be7bal lessedda..
et hadhaika elli sare..
finou el khmayess..7ra99 ltalia.. fe7 lekhbar fel 7ouma..
lemra meskina mahi ella l7am wdame..ma3atech tnajjem tosber..et 3and8a besoin d'un homme à ses coté ..
7assilou nhare jai le plombier ..bech iriguel sabbaila t9atter ..daret bihe.. men kelma el kelma ..l9aw rwe7hom fou9e el farch..
khmayess yesma3 fel 7ess messedda..
dare el martou sa7e 3liha ..yai mra stanna nahbet men talia tawa nji ******
******: c'est faire l'amour avc sa mère bedderja :d

sinon pr l'histoire mta3 taher el faize3
c l'histoire d'un medecin fel rife , houa mel 3asma ..7assilou 3aytoulou marra bech idawi 7achaikom une prostiuée fel carti mta3 eddachra hadhika ..
la patronne..3jebha ettbibe ..et 7abbet tkhallsou..9atlou choisir la fille ke tu veux..le medecin mai 7abbech et a hésité un peu..
daretlou , la patronne 9atlou:
tu ais mon fils , les femmes sont comme les oeufs.. , tu trouves la ronde , la moins rondes ..la blanche , la brune..mais au gout ils sont tous pareilles..

ahawka clandestino , chayakhtek , preske deux post 9am9oumine ,ds un seul commentaires..:p
ta7iyaiti :)