اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

lundi 15 juin 2009

العيب فيه هوّ


زوز أصحاب يمشيوا في الشارع، عرضتهم بنيّة ، كيما البنات الكل لابسة دجين و مريول ، ممكن طالبة في الجامعة ، ممكن تخدم ، ، ممكن قاعدة في الدّار ...
- تفرّج ، شوف هاك المشية ، هاك الستيل ، هاك الاحترام ...والله بنية تعمل الكيف
- احترام ؟؟وين ترا فيه الاحترام ؟؟ الشّعر مسيّب للريح و تقلّي احترام ؟؟ ملّا...

سكت صاحبو ، و تلفّت وراه شيّع البنيّة بعينيه ...و كملو ثنيتهم.

عرضتهم بنيّة أخرى ، تشبّه للبنيّة الاولى ، تقريبا نفس الطول ، نفس المشية ، نفس اللبسة (دجين و مريول) أمـّا حاطة فوق راسها فولارة ...
- آه ، وهاذي ؟؟؟ محترمة و الا لا ؟؟اش قولك ؟؟
- أمممممم ...ملا احترام
- هاي مغطية شعرها
- و برّة مغطية شعرها ...ما ريتش البقية ؟؟؟ السروال مسكين باش يطرشق ... و المريول قريب يقول الشفاعة ...مسكين ماعادش ينجّم
-توة فين المشكلة بالضبط ؟؟ قلت الشعر لا و الفولارة لا ؟؟؟ امالا اش تحب ؟؟
- مانحبّ شيء ...اما انا انسان نعتقد أنو المراة ما يلزمش تجلب الفتنة في الشارع... المراة ما يلزمهاش تخلي العينين تلصلص في جرّتها، ما يلزمهاش تكون مغرية ...

صاحبو المسكين بلع السكينة بدمّها و سكت ...و اقتنع اللي المراة ما يلزمهاش تكون مصدر اغراء ... و كمّل معاه.

هوما يمشيو و عرضتهم مرا (او هكذا ظهرلهم) ، يمكن سايحة من بلاد عربية ، ممكن شخصية متاع مسلسل تاريخي و الا بطلة من بطلات الكاميرا الخفية متاع رمضان الجاي ... لابسة (حاجة) واسعة ...كحلاء ... حاطة فوق راسها فولارة ...طويلة عريضة... في الاكحل كذلك .... و شيء ما يظهر ... ما تعرفش الكائن هذاية لا ذكر لا انثى ... ماتعرفش عمرها ... في العشرين لا في الخمسين ... هي تمشي و هاك الخمسين ميترو قماش اللي فوقها طايرين مع النسمة ...

- شبيها هاذي ؟؟؟ تقول درابو متاع دخلة الدربي... (يتلفت لصاحبو) شنوة رايك ؟؟ زيد قلي تعملك في الفتنة و الإغراء ... حتى هاذي مغرية ؟؟
(صاحبو يطلّع عينو و يهبّطها يتأمل في الدرابو الاكحل اللي قدّامو ، فـينتبه لليد البيضاء الخارجة من تحت السواد ، و يبقى يثبّت في البياض و النعومة متاع اليد)
- أعوذ بالله من ها العشوية الكلبة ... كلّها جرايرك ...و الا انا اش مدخّلني في الدّورة و المحواس في الكياسات ... من مصيبة لمصيبة ...
- عجايب !!!ماتقوليش حتى هاذي زادة عندها في الفتنة و الحسن و الجمال ؟؟؟
- اللهم لا تؤاخذنا بما فعل السّفهاء منــّا ...


ة

4 commentaires:

Gouverneur de Normalland a dit…

هههههههههههه

المشكلة يضهرلي في العينين

جريدة الصباح العربي a dit…

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

esprit primal a dit…

Je ne sais pas pourquoi on parle de la femme en tant qu'objet de désir, alors que l'homme l'est aussi... Nous aussi on regarde les hommes (certes les pantalon serrés c'est pas très jolis, ça fait penser à la petite soeur) mais je peux t'assurer qu'un jeune homme avec une barbe et une jellaba des fois ça suscite la curiosité et ça laisse libre court à l'imagination... je me demande ce que ça donnerait la même situation sous ta plume Clando mais en inversant les rôles.
@ gouverneur :il mouchkil mich fil 3inin gouverneur, mais dans l'équilibre du mécanisme désir/ frustration... et mich nourmal la frustration de notre société, je ne parle pas de la frustration sexuelle car ce n'est qu'un exemple parmi d'autre, mais une frustration générale qui vient des rêves avortés et des déceptions de tout genre dont les hommes sont les victimes avant les femmes... Eduqués dans une société où enfant on leur apprend qu'il sont le centre du monde gâtés par des mères protectrices quand ils grandissent ils se trouvent complètement décentrés concurrencés et devancés par des femmes qui elles par contre n'ont pas été gâtés et qui ont dû se battre pour s'imposer et faire oublier qu'elles sont femmes... tu n'as qu'à voir le nombre de divorce dans notre pays qui des fois surviennent au bout de quelques mois de mariage. Ajoute à tout cela le manque de liberté, l'incapacité à faire face à un régime totalitaire, le chômage... l'homme ne trouve plus qu'un seul être sur lequel déverser sa colère et ses frustrations: la femme, soit on voulant la dénuder en croyant qu'en la libérant il se libérera lui aussi ou en la cachant et la dominant ce qui lui donne une illusion de pouvoir... dans les deux cas ce sont deux malades, et Clando l'a bien montré dans ce post.

Clandestino a dit…

@esprit primal:
مسألة الاغراء نسبية
و كيما المراة حتى الراجل ينجم يكون جذّاب

و للاسف انا مانجمش نصور الامور من الزاوية هذيكة لأسباب عندها علاقة بالسروال الضيّق و العقليات الضيّقة لبعض الناس