اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 15 août 2007

و فـي الأزمات تعـرف الرجـال




و انا نتفرج في نشرات الاخبار , انتبهت لخبر في عقاب الموجز (يعني موش مهم برشة ) وهو يخص الكارثة اللي تعاني منها موريطانيا , وهي كارثة انسانية بكل المقاييس , الاف المشرّدين في الخلاء, حجم دمار هائل (منازل و مدارس و طرقات ...) , و عجز حكومي عن التدخل و اغاثة اللاجئين (اللي حسب رايي امر طبيعي نظرا لمحدودية الامكانيات و طبيعة البلاد الصحراوية اللي تخلي كوارث من النوع هذا نادرة جدا و بالتالي مافماش استعداد مسبق لمواجهاتها ).
اكثر حاجة تحز في النفس و تشعر الواحد بالخزي هو النداء الي توجهت بيه الحكومة الى المجموعة الدولية للمساعدة على تجاوز مخلفات الأزمة .
رد فعل طبيعي و مسؤول من حكومة تشعر بالعجز و في نفس الوقت تعجز على الوقوف موقف المتفرج من معاناة الناس في المقاطعات المنكوبة , انا اللي حزّ في خاطري مش النداء في حد ذاتو , اما النفاق متاع المجموعة الدولية , اللي تخزر للوجوه و تفرق اللحم و تسحلل ديما للواقف :
علاش تبقى موريطانيا تواجه مصيرها للاخر, علاش توصل باش تصيح من الغلبة "بااااع راني ماعادش انجم لله يا محسنين يا ذوي القلوب الرحيمة ",
فيني الاخوة العربية المغاربية , فينهم منظمات الاغاثة , فينو الاتحاد الاوروبي و فرانسا اللي تحسب موريطانيا و افريقيا عامة تابعة رزق الوالد .
علاش في 2005 بعد اعصار كاترينا , ما بقاتش حتى دولة في العالم الا و قدمت مساعدتها لأمريكيا, حتى من كوريا و كوبا و فينيزويلا و ايران قدمو مساعدات (اكثرش من افغانستان المنكوبة خلقي و المصابة بالكوارث المزمنة عطات 100 مليون )
توة زعمة امريكا مستحقة للزوز صوردي متاع الشعوب المحتحتة , زعمة في حاجة للطيارات متاع فرانسا و الا البطانيات متاع الصين و الا كراذن الدواء متاع فيدال كاسترو.

محسوب هو العالم مطلوب في الويصفان * متاع لويزيانا اللي امريكيا بيدها مش مستعرفة بيهم ,
باهي .. . اهو فمّ ويصفان اخرين منكوبين في موريطانيا , فينهم الي يتشدقو بالانسانية و اغاثة اللاجئين و المشردين و المهجرين و ضحايا تسونامي و حقوق المراة المنكوبة...

الحاصيلو هذيا كلها حكاية ما تعنيناش برشة و احنا ماناش معمّلين اصلا على الاوروبيين و الامريكان اللي ما يخدمو كان مصالحهم و يعرفو فين يحطو المليم ...اما انا نتعجّب لرد الفعل متاع المغاربة و العرب , هاذم اللي هبّوا هبّة رجل واحد و لم يدخروا الغالي و النفيس لاعانة امريكا و دفعو ملايين الدولارات و ملايين براميل النفط باش امريكا تسترجع عافيتها و فورمتها المعهودة (و بالتالي تزيد تشيّخهم)
توّة عاملين مولى الدار موش هوني , و يحتمل راهو فيهم شكون متشمّت و فرحان بالكارثة " اييه يستاهلو ماهم زعمة زعمة لاعبينها ديمقراطية و محاربة فساد و قائد الانقلاب يخلي بلاصتو للرئيس المنتخب بالانتخابات المنظّمة , زادو حلّو عينين النعاج اللي عندنا , خليهم محالاها فيهم باش يعرفو كيفاش يتصرفو مستقبلا"(2)




* كلمة وصيف كلمة دارجة و عامية و ما عنديش حتى نيّة عنصريّة وراء استعمالها
(2) هذية اقوال مسؤول حكومي عربي رفض الإدلاء باسمه

15 commentaires:

cactussa a dit…

كلعادة ديما نتصرفو كنعام وقت ما يبدا واحد منا بالحق محتاجلنا!!!!!
والفضايح مازالوا على قدام.

FarFar a dit…

خاطر عاملين سفارة متاع اسرائيل في موريطانيا.. خلي ليهود ينفعوهم ..مع احترامي لليهود خاطر قالك لازم تفرق مبين لهود و الدولة الصهيونية ..
بينسير نفدلك ، أنا نحطهم الزوز في سلة وحدة

Unknown a dit…

Voila les aides de la Tunisie sur cette super photo
http://www.lapresse.tn/images/news/detail_news/55810

on dirait au foire de ramadan. c'est l'humanitaire ou le publicitaire ?

les pays arabes n'ont rien à cirer avec la Mauritanie elle n'a pas ce qu'ils cherchent :P

L'article complet: http://www.lapresse.tn/index.php?opt=15&categ=1&news=55094

Clandestino a dit…

@farfar:
توة هذا كلام يا عنصري يا نازي

اهو نعطيك الفرق":
الصهيوني يهودي بطبعو اما اليهودي فهو صهيوني متخبي
لذلك انا نحطهم في ساشي اكحل واحد و طز في التسامح و الحوار و الاخوة و هات من هاك اللاوي
@nejib:
يعطيك الصحّة
اهو توة نزيد نحطها التصويرة في نطاق الشفافية و الحرفية التدوينية

FarFar a dit…

بربي يا كلندو فسرلي لحكاية هاذي ، شاكك فيك متثقف.. رغم الي هي خارج
الموضوع

ياخي لعرب مهوش جنس سامي ..شمعناها هذي الي يسب يهودي يقولو ضد السامية..
مع الشكر..و زادة كان تعملي اوبسيون تفسرلي السامية شنية..خاطرني موش متمكن منها برشة

3amrouch a dit…

فرفر: الشماتة ماهيش باهية،ونعلمك انو موريطانيا اعطاتنا درس في الديمقراطية بعد انتخابات ديمقراطية وشفافة شهد عليها العالم أجمع وزاد كيف لا طاحو و لا دزوهم أقدم رئيس موريطانيا ،ورئيس حكومته وجميع الوزراء بالحكومة على التصريح بجميع ممتلكاتهم.
اي لولاد منبعدوش على الموضوع ونهلكو البوست متع كلندو بالحدي
الحديث على القردة والخنازير

Clandestino a dit…

@farfar:
loooooool :)))))
برجولية ضحّكتني
اينعم انا متثقّف و نصّ ... هاو باش نفسّرلك السّامية متاع العرب:
السامية يا سيدي هاذي موش تابعة سام ولد سيدنا نوح اما نقولو السّاميّة من سامية جمال و زميلاتها متاع تدوير الحزام و رقّصني يا ولا ...فكل من يحب اللحوم البيضاء الممتلئة المربربة المترجرجة هو سامي بطبعه و هذاكة علاش احنا العريّبة ساميين


ps: هذاية معلومة قراتويت ايذا تحب المزيد حضّر مطلب و ماندة بعشرة الاف

Mariouma a dit…

mala hala
une vraie catastrophe humaine juste à coté de nous et on veut parler de maghreb uni???
et quelle phot 3aad des tunsiens super fiers d'eux!
une vraie mascarade
merci d'en parler

Clandestino a dit…

@farfar:
اهو خونا العمروش ينجّم يفيدك على خاطرو هو زادة متثقّف و عندو فكرتو فى موضوع القرودة و الحلالف

3amrouch a dit…

@farfar:راهو كلندو يفدلك عاود اقرى اش اكتب؟
توا انت فسرلي علاش كيف مايبداش عندنا نفس الأفكار نوليو نهاجمو بعضنا هاك.
بالنسبة للسامية ولو اني نعرف انك تعرفه خير مني برى اعمل دورة في المدونة متاع ديانا مغازين تو تشوف انو نصف التوانسة مايعرفوش دو كوا لي ساجي.
مرة أخرى نقولها ماتبعدوناش عن الموضوع

Mariouma a dit…

@clando+amrouch
winkom ya lawléd?
il suffit je pars en vacances bech ethéjou mett chatroom??
bouch 3IIb tawa hatha?
eddar est vide sans vous
ehchmou 3ala rwéhkom ou 3arjou ahkiou yah dikom
ou roddou belkom ala hanout en mon absence :)

Clandestino a dit…

@farfar, 3amrouch:
حكاية السامية معقدة برشة و يلزمها قعدة اما كان تحبّو ناقشو دور الشامية في اغاثة المنكوبين يظهرلي اقرب للموضوع

:)))))))
@mariouma:
باهي يا ليلا توة يتعدا الواحد يطل على الدار و يسقى الجنينة و يحل الشبابك و يتفقد الدنيا على خاطرك

FarFar a dit…

صباح الخير كلندو و شركائه
أعملنا مقالة قمقومة علي السامية خنفهمو لحكاية مليح

Clandestino a dit…

@farfar:
sbe7 elkhir
tawa thebetli rou7ek t7eb post 3la essamia wella echamia , ezzouz 3andna minhom winti khayer ou ekhtar

FarFar a dit…

السامية كلندو السامية
توة نكتب في التعليق مخي يخمم في الشامية و أنا نكتب في السامية.. حسيت روحي كيني نتكلم بالسا

Powered By Blogger