اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

dimanche 19 août 2007

J - 9 : يا شهيد الخبزة رجعت

الكلاندستان الصغير يروّح من المكتب , تمدلو أمّو ميات فرنك باش يمشي يشري خبزة من الحانوت ...

(الكلاندستان كيف العادة يمشي فرحان على خاطر الخبزة بثمانين و باش تفضلو العشرين يشري بيهم شينغوم (اللي مصوّر فيها جمل ينفخ ), و ساعات يشري بيهم حلوى و يبدى يتعارك هو و العطار باش يعطيه دراجي و الا حلوى كافي و ما يعطيهش الحلوى الحارة , و ساعات يشري الشينغوم اللي على شكل سيقارو و يمكن هذاكة علاش كيف كبر الكلاندستان ولىّ يتكيّف الليجار على خاطرو يشبّه ياسر في المنظر و الطول للشينغوم سيّئة الذكر...حاصيلو العشرين هذيكة كانت راس مال الكلاندستان و سبب من اسباب فرحتو بالحياة.)

يوصل لوليّد للعطار يمد الميات فرنك

-كمّل سبعين فرنك ولدي , الخبزة بميا و سبعين
-باهي اعطيني بعشرين حلوى

من بعد , يروّح للدار يقرمش في الحلوى , يدخل للدار يلقى بوه روّح من الخدمة و يستنى في الفطور (ظاهر عليه الستراس )
و يلقى امو مفجوعة , بالرسمي مرعوبة , بالطبيعة الكلاندستان ما فهم شيء و مش عارف اش فم و علاش ها الحالة ...
اما توة فهم اللي ردة فعل والديه عادية , على خاطرهم من الناس اللي عانت الميزيريا متاع اوائل الاستقلال و الميزيريا متاع التعاضد و الي بقى عندهم رفلاكس متاع الخوف من الفقر و الحاجة و عدم توفر الخبز و السميد و المواد الغذائية عامة .

ايا مدلو بوه الفلوس , رجع للعطار و جاب الخبزة .

و من نهارتها مشات على روحها ايامات العشرين و ولى يلزمو ياكل طروف الخبز الكل و ما يرميش نعمة ربي و ماعادش ينجم يخرج وحدو من الدار بحيث انها الحياة خذات اتجاه جديد و ماعادش كيما قبل ...


و من الطاف الله انو الوضع ما طولش برشة ...


للي جاء بورقيبة في النشرة الرئيسية و قال "نرجعو كيما كنا " .

لهنا الكلاندستان حار في حاجة : توة الشايب التاعب هذايا بكليمتين و بتحريكة متاع ايدين يرعشو يحكم في بلاد و يبدل الموقف متاع الشعب. بورقيبة اللي كانو الصغار في المكتب يطلعو عليه في النكت و يقلّدو في حركات ايديه و مشيتو و كلامو , "تحسن معناها " يثبت انو عندو قدرة كبيرة على حكم الشعب التونسي المضروب فيه و اللي يعتبرو الاب الروحي ...

العايلة الكل فرحانين و ناقص كان يهنو بعضهم , الناس الكل تحمد في ربي "الله يعيّشلنا بورقيبة و نعل بو المزالي الكلب" .
و عمت الافراح و الليالي الملاح و طلعت فتحية خيري في التلفزة "يا سلام يا سلام يا غالي علينا , نفديك بارواحنا و عينينا "


و خرجت البشرية تصيح في الكياسات
يحيا بورقيبة يحيا بورقيبة
يا سيد الاسياد يا حبيب البورقيبة الغالي



و تقلب الموقف و رجع الشعب اللي كان يسب و يقشقش في المجاهد الاكبر يصيح بالروح بالدم نفديك يا بورقيبة ...
اما اللي ماتوا بالكرتوش و في الكياسات و في المظاهرات ... اللي غنّو عليهم " يا شهيد الخبزة " ... فطواهم النسيان و صعيب كان مازال شكون يستعرف بتضحيتهم او يتذكرهم اصلا.



27 commentaires:

Nostra a dit…

yessir 7low el post :)
je me rappl wa9tha machi na9ra ala rou7i fi tounis é fi yeddi ka3ba madleine chritha mel parisienne fi rue de rome é ma nra kén fi ness tejri é k3iba 9nibla lacrymogène kima na3rif éna ti7 ba7thaya fi9t ba3d draj ma l9itich ka3bit madeleine :'( ! é nra fi krahib el boulisiyya ma9louba é tich3il fiha nar :) za7 tounis kanit animé 9bal ma ta9la9chi ! fémma bourguiba allah ya7mou é n3amou é bozo le clown ! tawwa kén el guiniya naf léwjouh nafs kcho5 ayya yezzina

Skydancer a dit…

merci beaucoup pour ce post. J'étais pas encore né à l'époque, mais j'ai vécu ce moment à travers ton post.

Merci beaucooup :)

Anonyme a dit…

يا كلا ندو يضهر باش يرجعونا بالسيف علينا نحكيو تاريخ بلادنا كي الخراف ::: باهية هالتذكيرة باش ساعة ساعة الواحد يرجعلو شاهد العقل و يفيقو تريف. المقال مشحون ببرشة وجدان و ينبض بكاه بالحياة فضلا على الوثيقة التاريخية المهمة. يغطيك الصحة.

3amrouch a dit…

heilla menek clando
a3melna kol marra un post souvenir,5alina netthakrou ayemna.
la prochaine fois a7kilna a3la "tharbet hammam-chatt" bel les avions.
sinon tu m'a rappeller le chewing-gum sikarro,ken el we7ed yechrih wou yabdda 3amel jaww.

aymen a dit…

hloue yasser el post,merci pour ce moment d'Histoire,notre Histoire réelle et pas fabriqué

3amrouch a dit…

نتمنى انهار يا كلندو نعملو مصالحة مع ماضينا و تاريخنا،بالباهي والخايب امتاعو،وماعادش انخافو من الأخطاء متاعنا عبر التاريخ.

Anonyme a dit…

أنا نحترز برشة من حكاية ثورة الخبز هاذي و يظهرلي نغلطوا ياسر كان نعملو منها نقطة مضيئة في تاريخنا. لوكان تسمع مزالي أتوا يعطيك فرسيون أخرى فيها مجرمين أخرين و أبرياء أخرين. نهايتها ال"ثورة" هاذي تكمبين سياسي أكثر منو مطلب شعبي. الخبز يتبذر من أول الدنيا في تونس، عند القليل وعند إلي لاباس عليه

...
أنا على كل حال متأكد من حاجتين

(1)
حتى شي ما يبرر العنف و الهمجية. حتى شي

(2)
الإنسان التونسي هلامي و يبدل رايو كي قفلة الصباط

cactussa a dit…

@nostra:cest trop marrant ton avanture!!!!

Nostra a dit…

@ cactussa win marrante bellahi :'( 120 mill wa9tha madeleine snif :'(
waaaa3 madleinti :''''''''(
bon je me casse lé ytaradni ech sammah rabbi !

3amrouch a dit…

ya clando a3tih ka3ba madalina brabi rlih yossket a3lina

Nostra a dit…

@ 3amrouch lol
madeleine [madlεn]
madeleine nom commun - féminin ( madeleines )
1. cuisine : en pâtisserie petit gâteau ovale et dont le dessus est bombé, composé d'une pâte à base d'œufs, de beurre, de farine et de sucre
manger une madeleine


Microsoft® Encarta® 2006. © 1993-2005 Microsoft Corporation. Tous droits réservés.

Bizguellif a dit…

ايــــه ايـــه ياكلان !!يا حصرة على شينغوم اللي مصوّر فيها جمل ينفخ

Clandestino a dit…

مرحبا بيكم الناس الكل
البوست هذاية ماهوش بوست تاريخي اما نظرة الكلاندستان للاحداث و اللي ما نتذكرش جزئياتها الكل
نوسترا:
انتي طلعت من الناس اللي لاباس عليهم ياكلو في المادلان كل يوم
انا نهارة اللي ياخذلي الوالد كعبة "ميلفوي" و الا "شو الا كرام "يتسمى عندي عيد
سكاي دنسر:
http://www.albadil.org/article.php3?id_article=111

M.o.u.l.i.n a dit…

******
حتى شي ما يبرر العنف و الهمجية. حتى شي
******

يعجز القلم واللّسان عن الاجابة على مثل هذه المبادئ

J'essaie quand même:

La violence comme ultime recours des peuples est un droit inaliénable ! Il y a des choses qui justifient la violence, l'anarchie et le désordre: lorsque l'ordre établi est oppressant, qu'il humilie les gens, lorsqu'il les prive de leur droit. Cet ordre-là et les gens qui le représentent ne méritent que d'être renversés comme des quilles!

Clandestino a dit…

@azwaw:
ya khoya a7kilna, nawarna, inti rahou 3andek masoulia tarikhia, 3la khater el hajet elli ta3refhom yehtmel tfasskhou min ktob ettarikh
@moulin:
tare9 cheniti y7eb y9oul yelzmou na3mlou kima ghandi , na3mlou regime a vie , ou ntaychou ennawar 3la el7akem :)

Anonyme a dit…

والله هذاكا هو المبدأ يا مولان وكلندو. أنا الشخص إلي يكسر و يحرق متاع العموم ماهوش بطل عندي. الشعب المتحضر يبدل من حالو بالنقاش والكتيبة موش بضرب البونية

kmaira a dit…

j'arrive en retard com d'hab mais bon j'ai pas pu avoir accés a ton blog hier...
Bref, c'est beau les souvenirs heureusement d'ailleurs qu'on garde dans notre tête ces beaux moments, moi aussi j'achetais ce chewingum misérable en forme de cigarette pour acquérir l'interdit quoi:)je fesais des caricatures des photos de bourguiba publié dans la presse et mes parents yeaitou 3leya yezzi ya banti bla machekel:))
fi thawret elkhobz,waktha on habitait un endroit un peu sensible, donc el 3assker yehawess bahdhana(ama 3asker metrobi barcha mouch ki tawa), mes frères ont des photos avec leurs armes; nethaker zeda "dabebet" kodem eddar w ness elkoll mar3ouba; ama ana mezelt ghechira waktha ma nefhem chay...
trééééééééééééééééés beau ce post clandestino, yaatik alf saha

Anonyme a dit…

@tarek: irritant!! j'arrive pas a croire..
et le sens de l'honneur, tu connais?
on vous apprend pas ça a Oxford?
ton liberalisme fait chier!

on devrait prendre la version de mzalli.. c'est vrai ça!

Anonyme a dit…

hi clando
ياشهيد الخبزه رجعت
يا شهيد الخبزه تثور
طالعه من قبرك ورده
تنادي الشعب يجيك ايزور
...
1- من كتب هذا النّص
2- من هو الشّهيد

Anonyme a dit…

re-hi clando
peux tu proposer aux lecteurs par post de repondre aux 2 questions?
je m'engage a te fournir le texte complet du poeme.essaye de le publier

Clandestino a dit…

@abou-mariam:
:)))
مرحبا بيك
باهي يا سيدي مشات معاك
انا راهو نتذكر الغناية بالسيف
ما نعرفش شكون غناها و الا شكون كتبها

يالله مالا ابعثلي القصيد على المايل و ابعثلي الجائزة بالمسبق باش الرابح فيسع ما ياخذ متاعو و ما يشدليش خناقي

:)

brastos a dit…

Fadhel Sassi l'inoubliable martyr dont parlait cette chanson de Lazhar Dhawi ..kén étudiant ..w wa9t estouchhed.. ma kenech la ya7ra9 la ykasser la yotlef fil amlék el 3oumoumiyya ..

abunadem marzouki a dit…

الفاضل ساسي سمي شهيد الخبزة اغتيل في شارع باريس قرب نزل الانترناسيونال برصاص قناص ولكن الاحداث بدات فعليا من قرية دوز يوم 29ديسمبر وراح ضحيتها شهيدان وانا كنت شاهدا على وفاة احدهم امامي والثاني توفي بعد اشهر من المعاناة حيث اصيب في مستوى الرقبة والاكيد ان الشهداء كثر في جهات اخرى .مع احترامي لموقف طارق فإن الانتفاضات الشعبية هي لحظة غضب جماهيري عفوي ورد فعل تلقاوي عن حالة من الظلم لا يملك الانسان ان يتحكم فيها او يدينها خاصة حين تكون غير منظمة اي لا ينظمها تنظيم عكس احداث الخميس الاسود 1978 التي نظمها اتحاد الشغل

brastos a dit…

تجارب الشعوب دائما جديرة بالاحترام..وبالتقدير..مهما كانت وسائل تعبيرها فيها نوع من العنف..واللي هو رد فعل على عنف آخر....الشعوب اللي تربّت على القمع و الكبت و الحرمان و المنع و الصمت المفروض...وقت اللي تتاح لها فرصة التعبير.. ما اعتقدش انهم باش يقومو بمسيرة سلمية.هادئة. متحضّرة. متربّية. عاقلة!!!!!!و هوما هازّين النوار و القرنفل في ايديهم ..الشعوب تعبّر بالشكل اللي تربّت عليه..الاحداث هذيكة انا شخصيا عشتها في طمبكها..و يحز في نفسي بااارشة اننا نختزلوها في شويّة نهب و تخريب..و نشكّكو فيها...مواطن جيعان و وعيو على قدّو..لقى فرصة باش يروّح لصغارو بزوز باكوات مقرونة..اذا هذا نسمّوه نهب .. مّاله آش يتسمى اللي صاير توّا..من طرف ناس ماهمش جواعى و ماهمش ناقصين وعي .....و ماهمش حتى مواطنين....

Unknown a dit…

@ Clandestino:
J'ai lu ton post hier, et depuis, une question me taraude: Pourquoi?

Que veux-tu dire par ce post? Quel est ton message?
Juste des souvenirs, ou plus?

ZiedAriana a dit…

Merci pour avoir partager ton experience ces fameux jour fin 83 debut 84. Kont nouskin fi choukit Rue de la Liberte et le passage donc sa7it il joumhourya a l'epoque et konna nitfarjou 3la koul chay min fou9 essta7. J'avais 5 ans a l'epoque baba haznee m3ah et thrabneha il bab il 5adhra bach nichriw il 5obz. 9all echnouwa !! kan il 7akim ychoufou m3a tfoll sghir ma y9al9ouhouch.

metouia a dit…

c est la chanson de lazhar edhaoui artiste tunisien engage

Powered By Blogger