اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 29 août 2007

J + 1 في بلاصة J : اول عيد ميلاد بين الاخوة و الاخوات في البلوقوسفار

إينعم , العدّ التنازلي كان بمناسبة الذكرى الواحدة و الثلاثين لميلاد الكلاندستان ... أما نظرا للظروف المناخية و النفسيّة في النهار "جي" و الغير مواتية للمناسبات السّعيدة فتمّ تأجيل الاحتفالات الى الجي +1 (و نرجو انو الشيء هذا ما يمسّش من السمعة الممتازة اللي تتمتّع بيها القدرات التنظيمية للكلاندستان).

لهنا فمّة برشة عباد و خاصّة من الشّباب اليافع يتساءلو (و عندهم الف حق يتساءلو ) شنوّة الطّقس في النّهار الاولاني متاع الـ31 ؟؟
و شنيّة المتغيّرات و التحوّلات اللي تجدّ على شخص عاش ثلث قرن ؟؟
انا مانجمش نجاوبهم لاني فعلا مش فاهم بالضبط شنوة اللي قاعد يصير... و ساعات نستغرب و ما نفهمش ردود الافعال متاع الناس’ على سبيل المثال وقت اللي نتعدّى وسط فروخ يلعبو في الكورة في وسط الكياس نسمعهم يقولو لبعضهم "استنى خلّي الراجل يتعدّى "
عجايب... شكونو الرّاجل ؟؟ زعمة انا هو الراجل ؟؟ انا ولّيت راجل ؟؟ يا ناري على روحي... ياخي الراجل مش تتقال على واحد عندو 5 صغار في جرّتو و في يدّو قفّة معبية بالخبز و الحليب و الخضرة ؟؟
و الا نتعدّى قدّام بوليس يرفّل في الشّباب باش يهزوهم للجيش (على خاطر الرافل رجعوه) يخزرلي و ما يكلّمنيش ... و يقلّي تعدّى خويا على روحك ... زعمة على خاطر انا ظاهر مسنّ للدرجة هاذي, لدرجة اني تجاوزت عمر الجيش ؟؟

و إلا و هاذي الاخطر و اللي تحز في النّفس اكثر من الكل أنّو تشوف بنيّة حلوة و مسرارة في ربيع العمر ما تناديكش باسمك , و تعيّطلك كيما فروخ الحومة "عم الكلاندستان"... و هاذيكة غلبة اخرى انو فروخة التسعينات و ما بعدها يعيّطولي بـ"عمّي", و الناس الكبار يعيّطولي بـ"سي" حتى خارج الخدمة , و النّسا متاع الحومة يحشمو وقت اللي يقابلوني و انا اللي كنت قبل ندخل لديارهم و نلعب مع صغارهم و يبعثوني للعطار و دخلت معاهم للخياطة و الحجامة و للحمام (في الطفولة المبكّرة بيان سور).
حاسيلو هذا ملخص للوضع الجديد و اللي بديت نتأقلم معاه حبّا في الناس مش على حاجة , على خاطرني الداخل مازلت كيف ما انا...من وقت اللي كنت نلبس 28 في ساقيّ و نغني انا الفتى النظيف و نبكي من الزرّيقة .


و كيف ما قال ادم فتحي "لابأس إن شاب شعري فلي شباب الشعور " فانا اؤمن بأنو الشباب هو شباب الروح ...
و رغم انها العشرية الذهبية متاع العشرينات تعدّات فمازال الواحد يتعلّم من الحياة و يخوض تجارب كل يوم و يعرف عباد و ناس جدد ...
و المسيرة متواصلة رغم كل شيء... و المشاريع و المخططات المستقبلية متواصلة و خاصّة مخطط الهجرة ... و اللي شادد فيه صحيح المهم نهجّ و نقلب فوقيرتي خلّي القورّة يمصّولي دمّي خير من الميزيريا و تكسير البطاطا متاع بلاد الكنتول.
و انشالله في العام الجاي وقت اللي تدخلو للمدونة تلقاو جو اخر و لوك جديد, في بلاصة "غدوة نحرق " باش تولي
El Clandestin from****** *

على طريقة المدونين التوانسة اللي يركّزو برشة على المكان ,
from jerba, from tunis, from US, from the moon, from mars

و في النهاية نشكر المدونين اللي حبوني و يحبّوني و المدونين اللي يبخرو بريحتي و المدونين اللي حضرو للميتاب و تشرفت بمعرفتهم و المدونين المضروبين في ارواحهم و المدونين اللي يحكيو لغة صعيبة و المدونين اللي يضربو اللغة و اللي يبزنسو في البلوقوسفير و المدوّنين اللي خرّجهم الحاكم من مدوناتهم و المدونين اللي ما يفرقوش بين الصديق و العدو و المدونين اللي يسبو و يقشقشو و اللي يقولو كلام زايد و المدونين اللي ياكلو الملاوي و المطبقة و المدونين اللي ياكلو الكراب و البان او شوكولا و المدونين اللي يسكرو كل يوم و المدونين اللي يستناو في الفرج و المدونين اللي طايحين من السلوم و المدونين اللي يخجّو و يسيبو في الهبل و المدونين اللي يلوجو على خدمة و المدونين اللي ما نجحوش في الكنكور و المدونين اللي يحكيو عليهم في لابراس و اللي يعديو فيهم في قناة المعارضة و اللي يلعبو في المسابقات و اللي تحرّك فيهم اطراف اخرى و اللي يحبّوا يطبّعو علاقاتهم مع اسرائيل بالطبعة متاع الكياسات.

و في ما يلي أغنية رايعة للحمائم البيض يتلوها ريبورتاج تاريخي لاهم الاحداث اللي تزامنت مع ميلاد الكلاندستان :


شعر ادم فتحي , لحن الشاذلي الخمسي , الكلمات في موقع ادم فتحي




ولادة ليون تولستوي 28/اوت/1828


















في 28 اوت 1965 ولادة شنايا توين
















في 28 اوت 1917 مظاهرة نسائية امام البيت الابيض
يحبّو المساواة في حق التصويت















28 اوت 1963 مارتن لوثر كينغ
يخطب في واشنطن الخطبة الشهيرة
I have a dream !!














28 اوت 1990
صدومة الله يرحمو و ينعّمو يعلن الكويت مقاطعة عراقية









في 1976:





وفاة اغاثا كريستي















وفاة الفيلسوف هيديقير
















وفاة ماو تسي تونغ

































ولادة المغنّي الفاشل متاع المجموعة الفاشلة لينكن بارك
















القمة العربية تجتمع لوضع خطة سلام في لبنان
و وضع حد للحرب الاهلية














خويا الباهــي جوزي بوفي : (بعد العمروش بطبيعة الحال

27 commentaires:

mariouma a dit…

ya sidi kol am wenti hai bkhir (je me repete je sais :)
inchalah hal 3am khir melli khablou
ou inchalah kima chahi el 3am ejei twalli clando from....
meme si ce n'est pas comme tu l'imagines ;)
sympa ton post
inchalah dima zéhi ou chbéb aux yeux des jolies filles :) surtout elli mel mahdia :)

nostra a dit…

5ayif lé ywalli blogik esmou clandestinou from guantanamo kammil hakka loool

nostra a dit…

joyeux anniversaire 3ammi clan marra o5ra !

Clandestino a dit…

:DDD
el 3a9ba likom
thx a lot

بديت نتعلم في الانقليزية من توة

kmaira a dit…

aya barra koll 3ama wenti hay bkhir...barra hak akber menni b3ame w 5 yame; ana je vais découvrire la sagesse des 30 ans...
Sagesse, barra kallou sagesse nhess fi rouhi farkha fil 17...
Je ressens pas mon âge alors là pas du tout...
NB: saha lik andek ness et des evenement tetcharref bihom; ana mouch lazem nkollek chkoun mawloud m3aya fard nhar:))))):P

Azwaw soumendil awragh أزواو سومنديل آوراغ a dit…

مرحبا بيك في نادي الجماعة اللي يناديولهم "عمـــــي" و كل عام و أنت على محبةو ود

Sonya a dit…

a7la post li a7la 3id miled
:))
kol 3am wenti 7ay ebkhir
:)

FREE-RACE a dit…

كــــــــــــــــــــــــــــــــــــــــــــــــــل عـــــــــــــــــــــــــــــــــــــــــام و أنــــــــــــــــــــــــــــــــــــــــــــــــت حـُـــــــــــــــــــــــــــــــــــــــــــــر

Hayy a dit…

nchalah kol 3am khir men khouh

arabicca a dit…

كلندو
كل عام وانت بخير ....ما تاخوش في خاطرك منى ونبداو عام جديد

cactussa a dit…

bon anniversaire!!(j'ai adore tous les vraie evenement historique au moins fama chkoun yara5 bis7i7).

Joy... a dit…

Haw nhar 3dhim elli touled fih el clandestin.
Kol 3am wenti 7ay bkhir, T pas aussi vieux k çà, et puis nokchkrek elli chkartni m3a jme3et elli manej7ouch fel concourat.

Clandestino a dit…

@mariouma:
يعيّشك يا مريوما كيما نرى عندك نشالله
:p
@nostra:
يعطيك الف صحة ولدي
و نشكرك برشة شكاير على روحك المرحة
(هاذي متاعك)
@kmaira, azwaw, sonya, free race, havy, arabbica, cactussa, joy:
يعيّشكم الكل و انشا الله ربّي يعطيكم الخير و الهنا و الوقت الطيّب
و زايد ماكانش الواحد يبدى يغرّد بالطويل و القصير وسط الناس

al_moudir a dit…

merci pour le clin d'oeil
inchallah le prochain anniv nebdaw 7ra9na ca y est we merte7in
PS 7ata ena kbert min ghir 3mor :(

samsoum a dit…

Bon anniversaire 3ammi Clandestin :)

Clandestino a dit…

@el 7ou:
يعيّشك سيد المدير
و يعطيك الصحّة
@samsoum:
عيّشك بابا عزيزي
:)))))

darCoS a dit…

Barra nchallah Win Tgabbel Terba7!! 5ouya el Clando (koll 3am winti 7ay b khir !! )

selim a dit…

ISSI ISSI ISSI 123 123

Happy birthday Mr Clandestino...
Happy birthday Mr Clandestino....

bien évidemment avec la voix de Marelyne Monroe c'est plus class et plus glamour, quoi que je suppose que tu t'en fous.
Allez joyeux anniversaire du fond du coeur pour notre clandestin national.

Clandestino a dit…

Merci Slim
و يعطيك الصحّة أما انا جوّي فاطمة بوساحة
و الشاب صليح

:DDDD

explosiv a dit…

happy birthday clandestin w inchallah rabi isa88allek fi ch9af ta7ra9 bi8.

Téméraire V5.0 a dit…

Clando, 1000 Mabrouk we Rod Balek 3ala rouhek 3ayech Weldi, el quarantaine mé hiyech b3ida et surtout rod bélék lé twalli périmé we youffa eddelai de consommation mté3ek ::))

LOUKA a dit…

joyeux anniversaire cher clandestino!
inshallah l3a9ba l 100 snéé
buon compleanno

Sami III a dit…

inchallah il 3a9ba lél 1031 sné :p

Clandestino a dit…

علاش قالولك عليّ رئيس غانة؟؟
:ppp

elgreco a dit…

joyeux anniversaire Voyageur-Clandestin !

gabsi a dit…
Ce commentaire a été supprimé par l'auteur.
Anonyme a dit…

بنية طلبت من ؤاحد متعدي :قداش الوقت يا حاج؟
قاللها و كيفاش عرفتني حاج ،انا ما حجيتش انا عملت عمرة تنجم تعيطلي يا عمري.
كل عام و أنت بكل خير