اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 10 juillet 2007

Moblisation Générale...خوذو الكسكسي و المقرونة




بعد الإعتداءات المتكررة و المتعمّدة من طرف الصحافة الوطنية على أهالي البلوقوسفير المساكين. واقل ما يقال عنها أنها تجسيد للعقلية "القروسطية " و للفكر المظلم و للجهل الجاثم على النفوس و المعشش في الـ "طيوس" (وهي جمع طاسة : وعاء قصديري فارغ يعادل الراس البشري في الحجم لكنو يتفوّق عليه في جملة من الخصائص و الوظائف اللي يأدّيها ) .
و رغم كونهم مسالمين بطبعهم و يحبّون السلم و يجنحون لها اذا اقتضى الأمر , فقد أبدى المدوّنون مقاومة باسلة , و و قفوا وقفة" صحيحة" في وجه صحافة الغفلة, و انا عجبتني "نادية الميتاليك " كيف شدت السيّد "أندري "صحفي "تونس هبدو" و مسحت بيه القاعة ( هاذي البنات و إلا لوّح) , و لا خلاتلو و لا بقّاتلو ( بالحجة و قدرة الاقناع ) ... حتى كيف دوّرها صحبة و "انا زادة نحب البيتلز "و "هاو بوتيك في لافايات ", ما سكتتلوش و نزلت على راسو ضرب على قوة جهدها - و هذا هو المطلوب.
و عجبتني زادة بنت اريانة (متاع السترايبد سوكس و بادج الكريستو) وقت اللي خرّجتها صحيفة الوطن المعارضة من أمّة الاسلام و حطّتها من جماعة اللي يشربو الدم و يعملوا زردة لإبليس يلعنو و يخزيه , على خاطرهم يحبّو الروك و الميتال ... زادة شدّتهم نحاتلهم الدم الفاسد و الريق البارد باللوقو متاع الدورو على خلفية الجمجمة.
و أخر فازة توّة هي فازة لابراس اللي زعمة زعمة متفتحة على "تكنولوجيات الاتصال"( مادام تعمل في نشرة على الشبكة العنكبوتية) و عندها ريداكسيون قوية و متكونة مليح , و عاطين للطفلة يسرا باش تكوفريلهم البلوقوسفير , لكن البنية المراسلة( حليلتها) طلعت مسكينة ما تعرفش الفرق بين البقرة و الثور و ما تعرفش اش معناها حرّية تعبير , اللطف و برّة)





لـذلك و بمبادرة من السيّد حاكم البلاد يسرّني اعلامكم انّو البلوقوسفير أعلن الـحرب (خوذو الخبز و المقرونة من توّة) , و أنّو الهجوم المضاد اللي باش تشنّو القوات البلوقسفيرية (ممثّلة في العبدو لله و بقية الرفاق ) سيكون هجوما كاسحا و واسع النطاق (ماناش باش نشدو أسرى) و باش يوجّه ضربات قاسية و موجعة لمواقع الميزيريا الفكرية و التحجّر الذهني لصاحبة الجلالة في تونس ...

منصورين بإذن الله. و السلام عليكم و رحمة الله و بركاته.
و

7 commentaires:

3amrouch a dit…

اوكي ِ ماعندك كان ا لرجال ربي يقدر الخير و بر كان لحمت توا واحد يطلب اللجؤ البلقسفيري عند الدولة النرمالية
ملاحظة: ينبغي الأتفاق على ان تكون هذه الحرب ًنظيفٌة بما يماعني اننا سوف نهاجم الأفكار و الطرق الخسيسة للأثارة بدون التعرض المجانى الأشخاص حتى لا نقع في فخ التجريح
اش يهمنا احنا في اش اسماها بوها يضرب فيها

Gouverneur de Normalland a dit…

je suis dac avec 3amrouch ! on n'a rien contre les personnes ! on est contre les idées , contre le travail baclé et contre le non professionalisme journalistique !

donc on attaquera les journalistes mais pas les personnes normaux qui sont derieres les journalistes !

J'adore ton post mais si j'étais toi, j'enleverai la phrase qui parle de cette fille et son rapport avec son pere ... c'est de l'ordre de sa vie privée !

sinon tu es libre ! ;)

Clandestino a dit…

j'ai dit que c'est la guerre totale, et sans coups chirurgicales, cad qu'il y aura des victimes civiles....

Clandestino a dit…

finalement moi je suis pas journaliste et je suis pas tenu de respecter les normes professionnelles puisque elles n'existent pas pour la "metier" de "blogueur"

3amrouch a dit…

waktech bech na3mlo "breffing" mella

3amrouch a dit…

dans tout les cas elle une emission de radio en direct les jeudis soir et on peux communiquer avec elle par msn
kouun fel maou3ed mella

Clandestino a dit…

le jeudi soir ?? j'y serais
emma fi enehi idhe3a ?

Powered By Blogger