اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 25 juillet 2007

جماعة الثقافة و السّلام عليكم

مفاجاة كبيرة و مفاجاة سارة , انو خونا "ازواو" طلع واحد من رجالات الفكر و الثقافة في بلادنا.

مفاجأة على خاطر البلوق عادة يعكس شخصية المدوّن , و البلوق متاع الخيل و الليل بالذات (بغض النظر على جودة المقالات اللي تنشرت) يعكس شخصية متواضعة و شعبية و قريبة مني واحد من ناس.

اما الطبقة المثقفة (او جماعة "الثّقافة و السلام عليكم") فهي عكس شخصية سيد "علي سعيدان" تماما...

انا الناس هذوما ما نعرفهمش, رغم انو ديما نشوفهم : في التلفزة في الجرايد قدام المسرح قدام السينيما (خاصة في المهرجانات) , و وين تمشي يعرضوك باللوك المتميز متاعهم و و الكراتب و السيكان و اللي باربيش و اللغة المضروبة و الصعيبة و النفخة و اش يا ذبانة ما ثمة في الثقافة كان انا
يدورو على الاندية الثقافية و المعارض و الاروقة و الديار اللي حولها الحاكم لفضاءات عروض كيف الناموس باش يشوفو بعضهم (ما حاجتهمش بالعامة) و يتبوربو و يحكيو بالسوري (كوم كوا العربي لغة الشعب المحتحت اللي هوما خير منو) و يمدّو وجوهم لعدسات المصورين و كاميرا تونس سبعة ,. خلي عاد كان عطاو لواحد منهم الميكرو ماهو النهار ازراق : يبدا يتنحنح و يكح و ضربة ضربتين يعدي صوابعو على هاك الباربيش باش تظهر بالقدى.... و يبدى يختار فيهم الكلمات متاعو بالكعبة , كان الحجرة و اختها , و لا كلمة تعديك للاخرى...
امالا كيفاش يجي هو ... مالا باش ثقفوت ...
و كيما لبنيّات اللي يصوّرو في الكليبات بالستيل و المؤخرات (باش ما نولّيش كيف الجماعة) اللي عطاهالهم ربي , السادة المثقفين زادة يسترزقو من اللوك (الخارجي و اللغوي) متاعهم , و كل ما زادو من العزلة و المحقرانية لعامة الشعب الا ما زاد ارتفع رصيدهم من الحوارات التلفزية و الصحفية و المنح متاع وزارة الثقافة (اللي على فكرة لوكان حولو الميزانية متاعها و استثمروه في قطاع اخر كان ربي يراهم)
الحاصيلو ميزيريا كلبة وبرة و جاب ربي ما جاتش عنا عباد مفكرين او فنانين ماخذين نوبل و الا راهي الخبزة ولات بـ10 الاف

6 commentaires:

Sonya a dit…

bared dammek chéri :D
BAHH ENTI ZEDA MOUTHA9ef :)) ay wahed inajem ikoun moutha9ef !!!
les snob sont partout avec ou sans tha9aFa ;)
sinon moi aussi j'adore le blog de 3AMI azwaw :)

Gouverneur de Normalland a dit…

ya weldi faut pas faire l amalgame ! :) enti makech ta7ki 3al motha9fin ..ta7ki 3al el ebbaden !

el bidoun mahou ki yebda feregh mel dekhel ya3mel barcha 7ess !

rabbi yba3ad 3lina hel ebbeden wel béttiétt min 9oddam les théatres et les salles de cinéma !

aya ennestou !

Anonyme a dit…

hatta gmé3et el gauche, 3andhom nifak kbir, mé yefhmouhech enness el koll

nasr a dit…

Taoufi9 ejjbéli (que j'admire énormément) a dit à la radio mozaïque en parlant du "peuple" : ما حاجتناش بقاع الطنجرة...
9a3 ettanjra ya si Taoufi9..
hakka?..

chnia hal znous bellehi, el hmoum ezzro9?
allah ykathir minnik lamthél ya 3amm 3li..

Clandestino a dit…

@nasr:
اذا كان الشعب قاع طنجرة , امالا هو و امثالو هوما
المحمصة في قاع الطنجرة اللي عادة ما تكون محروقة و تكبش و ما تحبش تسيّب

abunadem marzouki a dit…

si ali siidan c'est un bon intellectuel je decouvre ca de ses commentaires .intellectuel oueld chaab.pas comme les autres darbathoom daaawa.et ca la difference entre l'intellct classique et l'intellect organique

Powered By Blogger