اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 3 juillet 2007

من قوة العام : إتحاد الشغل حزب معارض


بعد المقالة متاع سي طارق الكحلاوي فيما يخص الانتخابات متاع هيأة المحامين , تذكرت حكاية صارت عندها مدة.
انا كنت نعرف بنيّة , عاقلة , بنت عايلة و كل شيء ... تخدم مدرّسة في الثاناوي :)
نهار قاعدين نحكيو على مشاكل الأساتذة (في الفترة هذيكا فمّ اضراب) و نقنع فيها بضرورة المشاركة, خاصّة و أنّو المطالب المطروحة وقتها هي مطالب مهنية بحتة و تهم مشاغل القطاع (اي ماهياش سياسية) , تفاجأت بردّة الفعل متاعها

- يا بنتي هذا إضراب شرعي ما ينجّم حتى واحد يناقشك ولاّ يحرمك من حقّ الإضراب
- لا لا فكّ عليا
- راهو ما يجيش هكّا , زملائك يضربوا و يتنقبلهم النهار و انتي تجي مبعد و تتمتع بالمكاسب اللي تحصلو عليها , هاذي انانية
- ياخي قلتلهم انا تكلمو عليا , انا هكة ساف , حتى الزيادة يخليوها عندهم ماعينيش بيها
- معناها انتي داخلة في الربح خارجة من الخسارة كان جابو حاجة هاك معاهم سينون هاك قاعدة تتفرج

ايا بقيت نحاول و كل مرة نجيب حجة جديدة لكن الطّفلة بقات خايفة من الإضراب و ما حبّتش تقتنع ...

اخر حاجة وقت اللي فدّت و فددتني معاها قالتلي (بكل فصاحة و صحة رقعة)

"أنا بابا قالّي ما تدخلش في المعارضة "

و

17 commentaires:

LOUKA a dit…

hahaha!!
3andha 7a9,madem el mojtama3 mahouch we3i,w maya3rach chma3neha na9aba...

Tarek Kahlaoui a dit…

و مبعد نتساؤلو علاش المستوى التعليمي طاح... و هو شوية من الحنة و شوية من رطابة اليدين... لا باهية هذية: باب قالي

zied a dit…

ca c'est son pere!!!
et sa mere . elle lui a dit comment
on fait les bebes!!!!

gouverneur de Normalland a dit…

lel assaf ce genre de personnes sont trop nombreux et démontre l'état d esprit actuel !

Clandestino a dit…

ماهو انا زادة فقت بروحي غالط
و قاعد ننفخ في الجمر الطـّافي
و الانسة المربّية ابري تو من جيل "الستاغاك" و حمادة الهلال و محمد حماقي
:))) و انا فاعد نكسّرلها في مخها بحكاية صعيبة و ديباسي

Hayy a dit…

Ti howa ki tji tchouf, ki enna9aba kil mou3ardha, ezzouz ma 3and'homch poids kbir.
Enna9aba abrek chwaya w barra!

MetallicNaddou a dit…

:)))
kothr il ham y4a7ak!
ama mnech bech ta47ak akthar? min "baba 9alli" walla min " ma tod5olch fil mou3ar4a" ? that is the question 9al 3ammek shakespear

Massir a dit…

@ Clandestino:
Je t'ai taggué sur mon blog pour le jeu des 7 révélations. J'espère que tu y répondras!

FarFar a dit…

un sujet epineux , et très interessant , ya3tik essaha clandestino.. aina manich bech njaiweb khater baba 9alli rodd belek ta7ki fessiaisa

ابو ناظم المرزوقي a dit…

يا كلندستينو ما تستغربش انا كاتب عام نقابة ثانوي وديمة نعاني منهم الفصائل هذي ما يفرقوش بين النقابة والسياسة يسميوهم اليومة جماعة fcr
f=faculté
c=cité
r=resaurant

Clandestino a dit…

في البداية نرحّبو باللي زارونا أول مرة(لوكا, ميتاليك نادو, هاي ,زياد و أبو ناظم), البقية اولاد الدار يزوزو وقت اللي يحبّو :)))
@hayy :
صحيح انها المعارضة تاعبة و النقابة كذلك (با حسرة على ايامات الحبيب عاشور منين كان الاتحاد اتحاد), اما راهو لا تجوز المقارنة بين النقابة و أحزاب المعارضة ...
@metallicnaddou:
حكاية" بابا قالي" , موضوع كبير و متشعب و للاسف ظاهرة موجودة برشة في التوانسة متاع الالفية الثالثة, موش عند البنات بركة حتى الشباب زادة ولا يسمع كلام والديه :))))
@massir:
نشكرك على الدعوة , اما ما نجمش توة نجاوب, مازال بكري على لعبة الاعتراف
خلي الامور تجي بطبيعتها
@abou nadhem:
مرحبا بالاخوة النقابيين
و كان الله في عونكم مع الفصايل هاذم
و قلهم اللي الـ أف سي أر ماعادش تسوى حاجة كبيرة توّة , و ما عادش حتى واحد يلوج باش يشريها
:))))

FarFar a dit…

clando lyoume je me suis reveilleé à 04h de matin..tare 3laya ennoume..et je ne sais pas je pensait des blogs etc..
puis g eu une kestion sur ton blog..demain je brule.. je me suis dits tawa 3andi kelke mois je lisais ton blog ..et chake fois ..demain je brule.. demain je brule..yaikhi ltawa ma7ra9tech..
9olt je vais te poser la question

Clandestino a dit…

@farfar:
غدوة نجاوبك

brastos a dit…

فمة بااارشة متخرجين جامعيين تبارك الله عليهم في الاهتمامات المتعددة و في فهم ما يدور حولهم ..وفي الوعي بقضايا قطاعاتهم..شي ينعوش..كيما وخيتنا هاذي

LOUKA a dit…

awwel marra??!!!
7asilou merci 3lik si clandistino,ti nod5el lbloguek akther melli nod5lou l blogui :'o

Clandestino a dit…

@louka:
t'es le bienvenu, aprés tout inti tosken fi milano ...al wijha al mofadhala lil harraka :))))

fatma a dit…

الحكاية قديمة برشة أما أنا كي العادة ديما نخلط امخّر على كل حبيت انقول كلمة انو السادة الى ما أضربوش عيطولهم بعثولهم من الادارة الجهويّة جواب شكر شهادة ولاو بشهايدهم معناتو خبرة في الوطنية والذود عن القيم متاع الديمو......قراطيّة بره ما عليناش هوما توانسة أكثر مناّ وصار عليها ما صار أما على القيلة ولينا انفرقوا بين اللى بأوراقهم واللى لا
سامحوني راني نكتشف من حولي في الاشياء وأقولها وأمضي كنس كنس