اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

samedi 28 juillet 2007

Un kamikaze...raté

قالك فمّ طفل في الاربعطاش او الخمسطاش من عمرو , معناها في سن المراهقة و الكل نعرفو انو السن هاذي حساسة ياسر و تدخل الواحد بعضو و يحتمل يضيع فيها اذا كان ما لقاش التأطير اللازم و تفهّم اقرب الناس ليه.

الطفل هذاية يا سيدي ولات عندو ميولات جنسية "خطيرة" اي انو يميل لوخايانو الذكور و بدا يحس بروحو اقرب منو لجنس الاناث ...البو مسكين يخزر لولدو كيفاش يتصرّف و كيفاش يقلد في كلام امو و اخواتو و نساء الحومة , فهبل و كوخر (توة هاذا ولدي اللي باش يحفظ اسم العيلة و اللي باش نخلليلو كل شي من بعد , و خاسر عليه طهارة و تربية و و و يطلعلي بيدالة و يبقى عارة لولد الولد ...) وقرر انو يتخذ الاجراءات اللازمة.

من الاول جبدو و بدا يسخسخ فيه و عاير فيه فماش ما يتكبس و يسترجل ... لكن شااااي,
من بعد بدا يستدعي في زميلاتو في المكتب باش يحضّروا معاه في الدار بالكشي تتحركلو شعرة السيّد علي ...باقي شي
حرّش فيه أمّو باش ماعادش يقعد بحذاها , وصى عليه فروخ الحومة باس يهزوه معاهم للسال دو جو و الا حتى القهوة (ميسالش يتبلى بالكارطة و الشيشة متاع القهوة خير من اللي يتغرم بالحاجات الاخرين ), جابلو سي دي ايروتيك صبهولو في الاورديناتور جابلو حتى البورنو ...
تقولشي من يحرث في البحر

ايا اخر حاجة خطرت على بالو ( و اخر دواء هو الكيّ) , هو انو يرجعلو للصراط المستقيم بالقران و السنة:
جابلو الستين حزب (المكتوب و في السي دي ) و الكتب الفقهية و التفاسير و قالو يلزم تقراهم و تفهم الدين متاعك و تطبق اللي جاء فيه... بعد جمعة زاد حب يقويلو الدوزة , مشا (خذا الريسك و غامر بخبزتو و مصير عايلتو ) و هبطلو فيديوات الزرقاوي و بن لادن و الظواهري و الملى عمر و كل من عندو لحية في العالم ( ابري تو اللحية= رجولية و هذا هو المطلوب)

تعدّات الجمعة الاولى , الجمعة الثانية , الجمعة الثالثة و الطفل معتكف في بيتو ...يخرج كان في الليل باش ياكل حويجة و يرجع للعالم اللي حطو فيه بوه.

بعد شهر العايلة قاعدة تتفرج في التلفزة ...
والوليد خرج من بيتو و دخل عليهم...

الام طاحت ما في عينها بلة...
البو قام و حط السيقارو ( ما زال يشعل ) في فمو بالمقلوب

ولدهم جاء لابس...خمار

المسكين تحجّب

21 commentaires:

al_moudir a dit…

يعطيك يا كلندو(: قتلتني بالضحك :) نستنا فية يخرج يعمل عملية فدائية ياخي خرجلهم لابس حجاب حلوة هاذي...

cactussa a dit…

belle histooooire ca m'a fait bien rire.MERCI!!!

AS... a dit…

yassir 7loua bravo
ça fait vraiment rire
hahahahahahahahahahahahahahahaha....

Skydancer a dit…

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOLLLLLLLLLLLLLLL

Yesser yesser yesser yesser yesser blida :D

walis a dit…

lllllllloooooooollllllll yassir 7lowa, vraiment bravooooooooo. min bikri w ena nadh7ak ya3tik essa7a

Téméraire V5.0 a dit…

premier rire matinal. merci.

naufrage a dit…

looooooooooooooool morte de rie
ay ay ay
la3za d5al ba3dhou

gouverneur de Normalland a dit…

ma abladannaka ya cladestino ! :)))))

3amrouch a dit…

ha ha ha
hi hi hi
kir kir kir

Clandestino a dit…

:))))))))))))
ماهو مسكين باقي شاد صحيح في حكاية انو طفلة
اش مدخلو في الجهاد و المقاومة

Ajmal Maken a dit…

يقوا عليك ربّي يا سخطا, منين طلعت بيها هاذي موش نرمـــال
:D :D :D :D

Adamito! a dit…

Franchement ça m'a fait beaucoup rire !
On raconte au Maroc une blague assez proche de ton histre, elle finie de la même façon.

Adamito!

venus a dit…

je m'attendais à tout sauf à ça...

Chapeau

venus

Es Lo Que Me haZe FeLiz a dit…

عمل مليح متحجبة خير من كاميكاز

Clandestino a dit…

@adamitou:
marhbé bik ya khoya, la prochaine fois tu devrais nous raconter la version marocaine

Lobs a dit…

Hihihi.
merci :)

naufrage a dit…

Aya clandestino nestana fi post jdid :)

boussa min soussa :D
à bientot

kattoussa ^^ a dit…

yehdik rabbi!!!!
9taltni bedo7kk ^^
tayarraaaaaaa :D

brastos a dit…

qpcgxoriginal baaarcha..et surtout el 9afla..

Azwaw soumendil awragh أزواو سومنديل آوراغ a dit…

hadhia nedawenouha fi nouzhet el albabb ya clando men naw3 el hikayet elli te3jeb echikh ettifachi. bravo 3alik dho7ka ki hakka wella lawwe7

Suzi a dit…

Ti ahouka b azyed wahda fil bled