اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 7 avril 2009

اليوم تأكدت انهم...لصوص




اثر العدوان الاسرائيلي على حمام الشط و بعد معارضة الولايات المتحدة لمشروع قرار الادانة الذي تقدمت به الدول العربية.
اغتاظ الشاذلي القليبي (امين عام الجامعة العربية) و غضب غضبا شديدا من (الفازة) , ثمّ اعمل عقله و فكّر...ثم فكّر ...مرة أخرى ... و بحصافته المعروفة قال: "اليوم تأكدت ...اليوم تأكّدت ان امريكا منحازة لإسرائيل "

يعطيه الصحة و سلم ربي و قرايتو

(يزيو من الضحك يعيّشكم)

انا ايضا اقولها (و انا على ديني): "اليوم تأكدت انهم لصوص "
فاتورة من الثلاثي الثاني لسنة 2007...تصوروا الوقاحة و صحّة الرقعة ... تصوروا شركة اتصالات في القرن الحادي و العشرين... شركة تعمل على حافة التكنولوجيا (كيما يقولو الامريكان), ترسل الفاتورات لحرفائها بتأخير يقدر بالسنوات.
"و بناء عليه فإنكم مدعوون للتفضّل بالحضور الى الوكالة التجارية قصد الحصول على تفاصيل هذه الديون"
لعنة الله على الديون
و على اللصوص
و الحرامية
عصابة الاحتيال المنظم

قديما كانت السرقة التقليدية تتم حسب عدة قواعد و شروط لا يمكن مخالفتها , من جملة هذه الشروط ان يتخفّى اللص و يتسلل و يتنكر ان اقتضى الامر , و من المستحب ان يشن عملياته ليلا , كما يشترط ان يتواجد اللص قريبا من جيب الضحية (في حالات النشل) .
اما بالنسبة لشركة الاتصالات المصونة فهي تسرق (عيني عينك) و في وضح النهار ( اثناء التوقيت الاداري) , و هم يحرصون كذلك على اقناعك بصحة فاتوراتهم القديم منها و الجديد (امعانا في السخرية و الضحك على عقول الحرفاء)

-سامحني خويا جاتني فاتورة قالولي شوف مع التيليكوم
- عندك 95 دينار
-ايه نعرف , ماهو ريتها مكتوبة, 95 دينار
-مالا اش تحب؟
-كان تعمل مزية تفهمني, متاع اشنوة الـ95 دينار ؟؟
- عندك فاتورة موش خالصة
-من 2007 ؟؟
-ايه من قبل التروازيام تريماستر متاع 2007
- كيفاش عندي فاتورة موش خالصة و ما تقصوش عليا التليفون؟؟
- ماهو بدلنا السيستام , كنا منخرجوش فاتورات في الوقت هذاكة متاع انترنات وحدها و تليفون وحدها ... جاتك انتي فاتورة ؟؟
-مممممم منعرفش ؟؟
-تتذكرشي في الفترة هاذيكة خلصت 95 دينار ؟؟
- انا فطوري لبارح نسيتو
- هاو شوف الاورديناتور , هاهي الـ95 دينار مقيّدة
- صحيح مقيدة اما شنوة يثبت انها صحيحة , اخي باش تقنعني انها صحيحة على خاطرها مقيدة عندك في الاورديناتور ؟؟
-لا عاد سامحني...هذاية سيستام ما يغلطش و كل شي مقيد فيه ...ما يضيع شي
- كيفاش زرفت مالا الفاتورة متاعي و تعدات هكاكة على السيستام ؟؟
- ماهو قتلك..بدلنا السيستام اللي...
- باهي انا توة كيفاش نعمل ؟؟
- خلّص.
- 95 الف ؟؟ منين عندي 95 الف ؟ تنجمش تقسمهملي على 3 و الا 4 مرات؟
- الفاتورات اللي اقل من 150 دينار ما تتقسمش. اما في عقلك . هاو عندك جمعتين ...ريقل امورك و خلص
-جمعتين ؟؟ محسوب ...اش باش يتغير في جمعتين ؟؟ انا شهار يا سيّد , منعرفش نحسب كان بالاشهرة , اما هاذية جمعتين , عبارة قتلي خلص توة.
-حصيلو , انا هذاية اش نجم نعمل معاك



و كانت تلك اخر كلماتي مع عون الاتصالات في شركة الاتصالات , و آخر عهدي بالـ95 دينار (التي فارقتها فراقا لا لقاء بعده),
و اعود لسي الشاذلي القليبي و اقول : في امريكا المنحازة لاسرائيل و في اسرائيل نفسها, لا يذل المواطن و لا يسرق (عيناني), و لا يشعر احد بالظلم و لا بمرارة (الغلبة) و لا يدفع 95 دينارا ظلما و بهتانا




14 commentaires:

cactussa a dit…

jet lbarcha nés wa7na zeda !!mala sir9a kili TT bech tansa flousha !!

7arboucha a dit…

koll marra wal wa7ed yasma3 b ghriba ettaya7 3ala o5tha!!!

AntikoR a dit…

أنا اليوم لقيت ميساج مقيّد عل الأورديناتووور ألّي أنا ربحت 100000000 دولار و يمكن راني غلطت في عدد الأصفار

أما اتصلات تونس يلزمهاتشوف شنيّة حكاية سيستاماتهم الي موش هاكالكل .. بعد فازة الموبيرصيد متاع البرباش هاي حكاية جديدة و 95 دينار و حالة... زعمة ناوين يعملو
enquette
في الحالات هاذي باش يطمنونا..

آدم الصالحي a dit…

عادي خويا؛ هالشركة ولات تسرق عيان بيان؛ هاو نزيدك انا مالا حويجة؛ خوك عندو هاك اللي يسموا فيه فيكسي؛ ثمة شهر ما خلصتش؛ مشيت الشهر اللي بعدو قالولي لازمك تخلص الشهر اللي فات او الشهر هذا؛ باهي نرمال؛ كي خلصت صبولي شهر بركة؟؟؟؟ مشيتلهم قلتلهم كيفاش؛ عيطت البنية لعرفتها؛ فلصت فيّ او قالتلي
prouves le.
شكون ايقول ما تكلمتش بيهم؟؟
ههههههههه
شدني كريز متاع ضحك؛ وليناش في محكمة؛ قلتلها يا مادام لشكون نمشي باش نبروفي هالحكاية؛ ماني مشترك عندكم تعرفوا اذا كان تكلمت ولا لا؟؟
او مشات هاك 10د سرقوها

foued a dit…

ayya mabrouk look ejdida ya clando
amma wini ghnayet chligi bigi baw ??
ana rani ma nabda na9ra fi les post mta3ek kan kif nabda nesma3 fiha .. ta3mel mziya rajja3ha

TunisiaSports a dit…

moi aussi, j'ai reçu cette facture, ils me demandent de payer 45 dt !!!

foufou08 a dit…

زيدك حاجة اخرة
السيستام خصلاوا عليه 5 مليارات
كهو يلزم المشتركين بخلصوا خاطر يخدموا بالخصارة: قالك التالكوم أكثر شركة عندها بانفيس في تونس

Clandestino a dit…

@cactussa:
شكون قال فلوسها ؟؟؟
شنوة يثبت انهم يسالوني المبلغ هذاية ؟؟؟

@foued:
انا في بالي الغناية مشات على روحها ماعادش عندها قبول
مادام هكة انشالله رجعها في اقرب فرصة

@adam:
مرحبا بيك :)
و عفا الله عما سلف :)

فيما يخص سراق الاتصالات وصلت بيهم صحة الرقعة انهم يكذّبو الحريف و شنوة الدليل؟؟ بيانات صبوها هوما في السيستام
و باش يزيد يثبتو كلامهم يقلك هاو قدامك في الايكران
صحة ليهم
@foufou08:
لوكان جاو باش يخلصوا السيستام (بقلة ليها) انا نرجّح انهم باش ياخذو بيهم كراهب لرؤساء المصالح

@tunisie sports:
هاي جاتك باللطف
:)

Clandestino a dit…

@antikor:
المأساة انو شطر الارباح متاعهم ماشية للخارج

ancien combattant a dit…

En fait, ce qui se passe est dû à une négligence de la part de Tunisie Télécom au niveau de leur système de facturation. Je me rappelle bien qu'à cette période je m'étais rendu dans l'agence de TT pour m'inquiéter du fait que je n'avais pas encore reçu leur facture. La préposée m'avait répondu que leur système de facturation connaissait des ratés et que bcp d'abonnés n'ont pas reçu leurs factures. Les injonctions de payer qu'ils sont en train d'envoyer aux usagers sont donc relatives à cette période. Cela dit, à ma connaissance c'est l'entreprise qui facture un service de télécom qui a obligation d'envoyer des factures à l'usager et non pas l'usager qui doit aller à l'agence TT pour se renseigner sur l'échéance de paiement de sa facture !

abounadhem a dit…

حتى انا خوك اليوم مشيت من غير ما نثبت في الفاتورة كيفاش انا خلصت الشهر اللي فات وتجيني فاتورة جديدة قالولي لا يا سيدي هذيكة متاخرة انا ما نتصورش روحي تخلفت على فاتورة بالكل.وحتى صارت مرة قصو علي التليفون امالا كيفاش متاع انترنت وانا ما خلصتهاش؟؟؟؟؟؟؟؟؟؟؟؟؟؟؟؟
ما فهمت شيء
اما توا بديت نفهم؟؟؟؟؟؟؟؟

Tunisien a dit…

ena zeda ba3thouli war9a hakeka, hazzitelhom doussi fih les factures de 2007 et 2008 el koll khalsin, 9alouli sama7na ghaltin !!

Clandestino a dit…

ههههههه
طلعتو الناس الكل مليعين من الفاتورات و ساكتين ؟؟

ايا لمدو رواحنا و نعملو ميتاب قدام وزارة الاتصالات

Anonyme a dit…

ena zeda ma famille a eu cette facture bizarre qui n'est pas crédible ni honnete ! hélas pour pouvoir parler à ma famille on doit avec TT,sinon je suis heureux que quand je rentre en tunisie j'utilise TUnisiana !