اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

samedi 1 décembre 2007

Free 404 Race


تم صبيحة اليوم إغلاق مدونة زميلنا فري-رايس من طرف جماعة ال404 الي يعملو في رافل هالايامات.
مافهمتش شنية مقايس الي اتخذوها باش يسكروا هالمدونة و لوقتاش باش تستمر ها المهزلة , تقولشي في حرب كل يوم يطيح واحد , كل يوم يموت راي , تموت فكرة , تتقبر بالحياة ... لوقتاش باش تستمر الوصاية ؟؟ اخي احنا صغار نرضعو في صوابعنا باش السيد مولى المقص , شوفور الـ404 باشي يحافظ على صحتنا الفكرية و يحرص على النبض الروحي و النفسي للشعب ؟؟؟
اخي شنوة الارهاب ؟؟ ياخي الارهاب هو كان اللي يهز كرهبة مفخخة و يفجر روحو في وسط الناس ؟؟ ياخي الـ404 باشي مش اداة ارهاب نفسي و معنوي و فكري ؟؟؟
من هالمنبر نتهم هؤلاء (المقاصة) بتأويل كلام صديقي فريرايس ...هل أن أصحاب المقصات ولاو يحاسبوا في العباد على النيّات و على "ما يمكن ان يفهم من كلامهم؟" ... و الله عيب ... و شي يحشم ...

حشمتونا و فضحتونا يا جماعة ال404 و غيرهم (و اشباههم كثيرون)

و لو أن نيتكم فاسدة و تأولوا في المقالات حسب فهمكم و نيتكم المقعمزة فالمشكل مش في فريرايس بل المشكل فيكم يا مرضى. ننصحكم باش تبداو بحجب أمخاخكم الخامجة و نيتكم المقعمزة و ابداو بقصان بهامتكم و تهوركم.

حشمتونا ... والله حشمتونا

11 commentaires:

Anonyme a dit…

الله يهلكهم شنوة عندى آنقول أكثر...بربي نحوا الوصاية الفكرية اللى قاعدين عاملينها علينا يا 404 باشي رانا بلغنا عندنا برشة عندنا دوب ها المتنفس انفرغو فيه في قلوبنا بعد اللى قانون منع التجمع في الشارع أكثر من 3 لتوة يمشي في بلد الفرح الدائم ... سكرتوه ارتحتو نتفجرو احنا توة والا شنوة نعملو

Werewolf a dit…

أنا نرجع ديمة للكلمة متاع يوسف شاهين الأفكار عندها أجنحة حتى حد ماينجم يمنعها توصل للناس. وبالتالي اللي تعملو فيه راو عار و الله حشمتونا و قاعدين تأكدوا في مستواكم المنحط. المستفيد الوحيد ما ينجم يكون كان المتضرر اللي تخرج مدونتو في صورة البطل الشهيد.
ا

Anonyme a dit…

ébtassém, énnaha tounes :-(

quelle honte !!

Anonyme a dit…

alah yehlek men ken tayfa w sbab !!!
3ar 3ar 3ar ...
merde ezzah ! La tunisie ou plutot les tunisiens mérite beaucoup plus qu'un Chauffeur de 404 baché pour guider leurs productions ... walah c du gachi toutes c capacités et compétences frapé par "des coups de ciseaux" ... 7ram 7ram 7ram ... n3awed n9oul alah yehlek men ken sbab !!
mon ami free: je te dirai a toi "Mabrouk" car tu a attin le niveau des martirs ... "EL KELMA MA 3ANDHACH 7OUDOUD" ... echa3b m3ak ya free et tu restera tjs free !!

Anonyme a dit…

c'est pas vrai ce que vous dites, le blog est encore accessible...

Anonyme a dit…

ya malla hala, ces gens ne caingnent personne, ils censurent par oui ou par non méme si dieu en personne ne paralit pas leur langue du bois,sans avertissement il va passer par le méme traitement : le mkass

mouldi Mbarek de La Presse nous parle d'une fameuse débat pulariste sur canal 7 .
ti howa hatta le virtuel ma slemech minhom


ramzi

HYPNOTICDOCTOR a dit…

free race marche normalement en tunisie la le samedi 01/12 a 19H !!!
vous plaisentez ou koi?!!!

Werewolf a dit…

@HYPNOTICDOCTOR:
On ne plaisente jamais avec ces choses!
En ce moment le site est tjs censuré!
Sauf si tu utilises un proxy et que c'est toi qui plaisentes!

Anonyme a dit…

والله الواحد ساعات يبقى داهش من هاكم إلي إمقصوا في عباد ربي من غير سبب الأغرب أنو عينيهم تعمى كيف يقراو حاجة كيف هاكي الي يكتبها البهيم عماد حبيب وإلي هو يسمى بصريح العبارة إساءة واضحة لمعتقداتنا وديننا
بالنسبة لهؤلاء الحفنة من المرتزقة المغفلون ميسالش والمقص خدام في أومور أخرى
برة إنشاء الله لا تربحهم لا دنيا لا آخرة

Anonyme a dit…

Je me suis permis d’ajouter ton excellent blog à la liste des sites lus par ce nouvel aggrégateur ..

Anonyme a dit…

يا دوجة...اذا كانك بالرسمي دوجة و ماكش شخص آخر جبان...يزي من دزّان الركب ...ياخي انت تدعو فيهم باش يصنصرو على هذا و ما يصنصروش على هذا ؟؟؟؟
اللي عملتو انت ما يتسماش احتجاج ..اسمو ...قوادة
فهمت ولا ما فهمتش ؟؟؟
قوااااادة...يا ......دوجة..!!!!!!!

Powered By Blogger