اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

samedi 8 décembre 2007

تونس نيوز يتلقى الضربة القاضية


انا باعتباري من مستعملي الانترنات الداخلي او الانترنات المعالج و المصفى و المكرر , اللي تعدى على الديوانة و الريون اكس و تحل و تشاف و تقلّب وتغسل بالشايح و تشلل و تعقّم قبل ما يوصل لكمبيوتر مكتب الحرقة , فالنشرية متاع تونس نيوز نسمع بيها من بعيد لبعيد , و الا ساعات كي ندبر بروكسي اهوكة نعمل حرقة الكترونية و نشوف الانترنات (الانترنات بالفم و الملا , هذيكة اللي يقولولها الشبكة العنكبوتية اللي يعرفها العالم الكل ,موش النسخة المحورة جينيا اللي عندي ) و من جملة الحاجات اللي نسمع بيهم و نحب نطلع عليهم هي النشرية هاذي .

مؤخرا سمعت اللي الجماعة متاع تحرير تونس نيوز قررو الانسحاب و إيقاف العمل بالموقع لـ "أسباب قاهرة" و " اعتبارات شخصية" بعد 7 سنوات و 7 اشهر من العمل المتواصل ( ما نعرفش اذا هاذي صدفة و الا صدفة مقصودة ) و قالو اللي الارشيف متاع الموقع باش يقعد للي يحب يطلع عليه , الا انو نهارين لتالي تضرب الموقع بكلو , بأرشيفو و مقالاتو و حشيشو و ريشو ببونية من الصحّ للصح - تنجمو تشوفوها البونية المذكورة في اعلى التدوينة - و تنجمو زادة تشوفو اسمو السيد البوكسور متاع الانترنات اللي على ما يبدو مغروم بنيو و موفيوز متاع المتريكس .

انا بحكم فكرتي المحدودة على هذا الموقع و اصحاب الموقع ما نجمش نوضّح اكثر.
لكن عندي شوية تساؤلات حول الموقع هذاية , علاش توقف في الوقت هذا بالذات ؟؟ و علاش ما تمت قرصنتو كان بعد السنوات الكل من العمل ؟؟ و زعمة عملية القرصنة هاذي عادية كيما يصير للمواقع الكل ؟؟ و الا هي عملية قرصنة مدبرة ؟؟

8 commentaires:

Anonyme a dit…

Arrét aprés 7 ans...7 mois...?? je pense ''el'maalmia'' d'en haut n'ont pas cccepter l'humour .

de toute facon ses histoires de censure ne changeront rien de cette comédie qui n'a un nom ...
plus ils censurent...toujours les tétes brulés (les exlus) resistent . et voila on est en plein direct : le jeux le chat et le souris .

ramzi

3amrouch a dit…

خويا الباهي:
عندي نفس الاحساس وراودتني نفس الاسئلة.
علاش توا بالذات
؟
قبلها بمدة سي سليم متاع
audaceالي موجودة في باريس1992 من


قرر باش يتوقف هو زادة وسكر جريدتو؟؟
تونس نيوز والصراعات الي عرفتها في المدة الاخيرة بين المشاركين فيها :فما الي يدافع على حقو في الرجوع بصرف النظر عن البقية,فما الي حل محادثات جانبية باش يرجع ويرتاح اخيرا بما يعنيه ذلك من التخلي عن العديد من الاشياء.
التغير الي طرأ على توجهاتها متاع البداية وتوجيه الصراع ليقتصر على صراع علماني اسلامي بحت والبعد كل البعد عن التطرق للسلطة.
فجاة وبدون سابق انذار تقرر هيئة التحرير التوقف ورمي القلم,بالكاد نفيق من الصدمة حتى نتبين ان الارشيف قد وقعت قرصنته؟؟؟
السؤال الي يطرح نفسو علاش توا بالذات؟
هل من مجيب

Werewolf a dit…

أنا نرجّح اللي ثمة صفقة قذرة لسبب بسيط... اللي نجّم يقرصن الموقع توة كان انجّم يقرصنوا من قبل خاصة و أنّو الموقع كان محجوب فقط و يمكن الوصول ليه من الخارج أو باستعمال بروكسي.
ا

Tarek طارق a dit…

فقط ملاحظتين

حسب معلوماتي المراسلة رجعت وسط الأسبوع هذا و هي بالمناسبة الطريقة الرئيسية لتبليغ الصفحة الإخبارية اليومية

الموقع وقع قرصنتو عديد المرات في السابق... ممكن أكثر موقع تونسي تعرض للقرصنة... العملية لخرة واضح أنها استفادت من حالة الارتخاء

samsoum a dit…

كيما قال طارق الموقع هذا وقعت قرصنته برشا مرّات قبل كيما قرصنوا موقع اليحياوي و بوخدير و آخرين

علاش a dit…

لازمنا نعطييوهم وقت, كان قعدت البلاكة متاع القرصان معناها اللعبة ملعوبة!!

Werewolf a dit…

@علاش:
حتى أنا هذا رايي

mehdi a dit…

en fait il ont mis le site offline des qu il ont annoncé le fermeture, donc le pirate a du trouvé la tache facile...mais j ai lu sur pdpinfo qu ils vont reprendre jusqua une date fixe etcetc je vai chercher le lien...
http://www.pdpinfo.org/article.php3?id_article=6651&var_recherche=tunisnews
et
http://www.pdpinfo.org/article.php3?id_article=6654&var_recherche=tunisnews#forum484
"L’équipe de TUNISNEWS
TUNISNEWS de retour...

Cher amiEs et lecteurEs

Nous n’avons pas pu obtenir de votre part la permission de prendre notre retraite. Un grande majorité parmi vous nous a fait comprendre que TUNISNEWS n’est plus notre affaire personnelle et qu’il s’agit dorénavant d’un projet patriotique, de portée nationale et civilisationnelle.

Les causes - personnelles et de force majeure - qui nous ont poussé à prendre la décision - pénible et trés difficile - n’ont malheureusement pas changé mais nous décidons de reprendre le travail tout en fixant un délai (La fin de notre 8éme année d’existence) pour élaborer un projet qui assurera - nous l’espérons - la pérennité, l’élargissement et l’amélioration de TUNISNEWS.

Un grand merci à vous tous, vos lettres et messages nous ont touchés et bouleversés. Ils sont allés droit à nos coeurs.

Nous comptons sur votre soutien et espérons pouvoir continuer - avec l’aide d’Allah - cette formidable aventure dans les meilleures conditions possibles.

L’équipe de TUNISNEWS

4 décembre 2007"

Powered By Blogger