اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 24 septembre 2008

صداقة بالمليم الرمزي


زويّز اصدقاء يحوّسو عقاب العشية
الاوّل(يتنهّد): الدنيا فسدت و المادة هي كل شيء...
الثاني: اييييييه ايه, يا حسرة على القيم الانسانية و المشاعر الصادقة و الاحاسيس النبيلة...
الأوّل: ماهو قالك هذا آخر الزمان , و الدنيا جابت ماعندها... توة عندك دينار تسوى دينار , ماعندكشي تقعد هكاكة, تشوف بعينك و تموةت بقلبك..
الثانـي: ايييه ايه , اللي عندو الحب يلعب كيما يحب ...
الأوّل(يتلفت لصاحبو): امّا جاب ربّي مازالت فمة عباد تقدّر و تراعي الصداقة ... الحمدو لله...

(مازال ما كمّلش يشوف ورقة بوعشرة الاف مرمية قدامو فوق المادة... يعطي لصاحبو كتف اقوى من كتف الجعايدي و يدزو قريب يفشخو على الكياس و ينقّز على الـ10 آلاف)
- يااااا عشرة آلاف
صاحبو (مازال طايح في الكياس) : عشرة آلاف ؟؟؟ امون ماني خوك , اعطيني حتى حق باكو دخان ...
- هههههه انا لقيتها الأول
-ياخي موش كنا ...
- لا كنّا لا سنكون , و برّة تعمل مزية ابعدني...قالو كنّا هههه
-

5 commentaires:

humanistvoice a dit…

hhhhhhhhhhhhhhhhhh

la difference entre les bla bla et l'action

taha a dit…

اتخيل كان المبلغ أكثر من 10 الاف اكيد الصديق كان باش ايموت موتة اشنيعة هههها..نحمدو ربّي مادام ما ثمّاش ضحايا...هذه الصحبة والا بلاش...في عصر العولمة انهارت كل القيم الجميلة

3amrouch a dit…

كلندستان
اش مدخل فري راس في الحكاية ؟؟؟؟

HNANI a dit…

الصديق وقت الذيق
شوف انت توا وقتاش تلقي الصديق، توا تعرف مازال فما صداقة ولا يا حسرة عليها

Clandestino a dit…

@amrouch:
free race ya3ref wena na3ref donc mouch lezem el 3ar3our
@taha:
هههه في عقاب رمضان
مرات الواحد يجي باش يطيح روح على 5 و الا 10 الاف