اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

vendredi 5 septembre 2008

قالو اعطيني وذنك...باش نسمّعك الكلام الزايد


البارح عرفت روحي قداش غالط ... بوصفي من اوفياء تونس 7 ...البارح دفعت الثمن متاع الغلطة متاعي...و سمعت الكلام الزايد و دخلتلي السفاهة موش من الشباك و الا مالزنقة و الا مالفروخ متاع الحومة... البارح سمعت الكلام الزايد من اهم وسيلة اعلام في البلاد , التلفزة الحكومية متاعنا اللي من حقي كدافع ضرائب و مساهم في ميزانيتها بفاتورات الستاغ انو يحترموني و يحترمو مشاعري و مشاعر الناس اللي معايا و يحترموا اخلاقنا و يعرفو شنوة اللي يجي و شنوة اللي مايجيش.

جايبين واحد زوفري (كحلوشة) و يهنتلو فيه و عاملينو كراكوز و عاطينو فرد زعمة زعمة كاستينغ, وهو يحاول يورّي روحو ويعطي ماعندو ... و تسيّب الفرامان و تفاعل المسكين مع الموقف اللي يمثّل فيه و بحكم انو ماعندوش حوار فلجأ للقاموس اللي يتقنو اكثر من غيرو.

كان يمكن انو الكلام اللي قالو يقعد غادي و يتنحى في المونتاج, الا انو تعدّى و وصل لتلافزنا الارضية و الفضائية, و تصدمت بالحق , على خاطر الكلام اللي تقال مافيهش حتى شبهة و ماعندوش حتى تفسير آخر, لانو ساعات يتعدي كلام في التلفزة و يبرروه مبعد بانو كلام عادي في بعض جهات الجمهورية , اما كلام كحلوشة البارح يعتبر من الكلام البذيء المتعارف عليه و الفصيح ...

باش الواحد ما يظلموش المسكين , على خاطرو هذاكة حد عقلو و ماعندوش قاموس آخر ينجم يستعملو ف حاولت نلقى المبررات للي صار , قلت ممكن التقني اللي يعمل المونتاج موش تونسي (مايفهمش كلامنا الزايد) ممكن انو عامل كعيبات (حاشا الشهر) و فاقد الوعي متاعو , و ممكن فمة نية مبيّتة و المنشّط اللي يقدم في البرنامج في بالو انو الناس تحب شكون (يـز***) عليهم بعد شقان الفطر... و على فكرة السيّد المنشط الضامر قاعد يكزيستي ها الايامات في البلوقوسفير بمدونة اشهارية (موش لازم نسميها ) قوتها في المنهجية اما المحتوى صفر كيما مولاها...و هاذية موضة رمضان السنة , حك راسك اعمل مدونة "رمضانية" و اعمل حملة اشهارية في الفايسبووك و في المدونات الاخرى و بمراسلات المايل, و مبعد احشيها كيما جاء و عدي روحك باللي تقدر عليه...

و ممكن زادة انو عمار و جماعتو سيبو الماء على البصل... قال شنوة ماهو تحبو تنحيو الصنصرة... هاو نحيناها جملة ...

حصيلو انا نفركس في اشكون سجلها الحلقة متاع البارح (05 سبتمبر 2008) و بقدرة ربي موش باش نعديهالهم بالساهل ( شركة السيماد للانتاج و التلفزة التونسية و منشط الحصة)

ة


8 commentaires:

kmaira a dit…

azizi mouch fibali elhalkat elkoll talkahom fi hak site jdid harrer el wakt...(hadhy dharba chmata)
sinon el bare7 je l'ai pas regardé w weld el bareh welli kablou, 3la khater men nheb na3ti wedhni el hatta hadd et surtout pas boutball

kmaira a dit…

ey hakka nsit ma seltech:
chnowa kal howa zayed????????????

Anonyme a dit…

http://www.tunisland.com/view,video,romdan,a3teni_wednik,104.html

امــــيــن a dit…

يقوى عليك ربى يا كلندو كيفاش خطفتها بالحق فما كلمة زايدة كيف قال
المرا *** بعثني باش نمشي نجيب ال
a la minute 02:30 - 02:31
اما ما نتصوروش يقصد باش يقول الكلمة هاكي يمكن جا بش يقول
الزح وبعد بطل الحاصل العيب فالي جابوحتى لو كان جا زوالي على خاطر الشي من مـئــتاه لا يستغرب و عداه فالتلفزة وفى الجماعة الي لاهين بالمونتاج
Au passage rani nekrah hatheka boubaker feddam
wentouma vous le trouvez drole ?

تيتوف a dit…

و الله انتم جبتوها لرواحكم انا منكذبش عليكم نخير اني نتفرج في قناة اباحية و لا نتفرج في قناة تونس زفت

neo_oen a dit…

http://www.zshare.net/download/1820862653d49dfa/

yes_in a dit…

ka7loucha mouch zoufri !
choftou fi "conférence" m3a 3bééd bil guedé ... w kaan correcte w jaw 3liih
en plus ma yochrobech donc l'hypothese loula mta3ek nulle ...
Houwa rahou niyya amma au moins maghroum b 7aja ... ma3neteha khiir min barcha 3beed ...

yes_in a dit…

ay ay ay ya9wa 3liiik
tfarrajet fiha marrokhra el video
ti presque 7iss mouch kilma elli ta7ki 3liiha ...
9aal :
...lemraa zzz( walla sss) ba3thetni .....
ti t9az9iza w barra ... barka el wa7ed mistanes biha el kilma fi wodhnou lakhi dhohret hakkeka ...

ayya rabi y3aawen :)