اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

vendredi 1 février 2008

تالـــما و لويــز ... في التاكسيفون


ها المدّة , مبعد الخدمة ( حكاية الخدمة يلزمها توضيح) , دخلت لتاكسيفون في طريقي باش ناخذ كارطة, و مرة وحدة نسلم على صديقي اللي يخدم غادي ( راجل كبير متقاعد مالوظيفة العمومية و تجمعني بيه صداقة و احترام و مودة و برشة حكايات ) على خاطر عندي برشة ما ريتوش ...
فنلقى مشهد او عقاب متاع مشهد مؤثّر, زوز بنيات في عمر الزهور كيما يقولو , ظاهرين تلامذة او طلبة ( توة ماعادش تنجم تفرّق) , وحدة
تعنّق و تبوس في الاخرى و تشكر فيها و تدعيلها بالخير و تترحم على والديها , و الاخرى تقلها "باهيشي ... راك اختي , ماعنديش مزيّة"

خزرت لمولى التكسيفون باستغراب , نلقاه يتبسّم و يعملي بيدو اشارة معنتها استنى شويّة...

كملو هاك الزوز بنات المشهد المؤثّر متاع المحبة و الوفاء و الصديق وقت الضيق و التونسية للتونسية رحمة... و خرجوا .

فسألت الراجل على الهدرة

قاللي "وليدي ربي يلطف بينا و يبقي علينا الستر و برة"

فزاد شوّقني باش نعرف التفاصيل

قاللي :
" يا سيدي هذوكم زوز بنات ما يعرفوش بعضهم , تقابلو لهنا صدفة... وحدة جات توة عندها نصف ساعة و قعدت فوق البنك تستنى تجيش بنيّة باش تعرض عليها مشكلتها.... كيف جات الطفلة الثانية قامت و حكات معاها شوية و اقنعتها باش تعاونها و حفّظتها الدور متاعها و دخلت معاها للكابين"
" قالتلها انا يلزمني الليلة نمشي مع صديقي للحمامات , نقعد نهارين في دارو اللي غادي , و يلزم نقنع أمي باش توافق, توة هاو باش نطلبها على الفيكس و قلها راني فلانة صاحبة فلانة بنتك , اهي بحذاية توة , ماتخافش عليها, كان تنجم تخليها تقعد بحذاية لمبعد غدوة خاطر الفيانساي متاع اختي .... "
"و هذاكة اللي صار و مثّلو المسرحية و عداوها على الأم المسكينة ... اللي وافقت ... و سلّمت مصير بنتها للتليفون
او بالاحرى للتكسيفون."


و في الآخر قاللي : " انا على القليلة دبّر راسي وقت الغفلة , ابكي على روحك اللي باش تاخذ وحدة من بنات التكسيفون"
ة


19 commentaires:

Anonyme a dit…

وبرا؟ ويني المشكلة؟ يا ولدي خلي العباد تعيش حياتها



و في الآخر قاللي : " انا على القليلة دبّر راسي وقت الغفلة , ابكي على روحك اللي باش تاخذ وحدة من بنات التكسيفون

باهية دبرت راسي الزح سلعة هي و لاشنوة

زايد عقلية الغشاء مغشية على أبصاركم

Clandestino a dit…

يا ولد الصحرا
عاود اقرى البوست

البنية هاذي على الارجح مازالت قاصرة و ماهياش مسؤولة في قراراتها و اختياراتها
و اهم حاجة في البوست اللي القضية لهنا هي في الكذب و النفاق و المغالطة

اذا كان هاذي هي القيم اللي تدافع عليها و اللي تحب العباد تعيش بيها
صحة ليك و ليهم

Nostra a dit…

wet9olli barra 3arris dbir ala rou7ik :p
belah9 machin lél hawya rabbi yoltif bina :(

nasr a dit…

الله يلطف بمن يشاء
par contre, j'espère que l'utilisation de "Telma et Louise" n'exploite que l'image d'un élan dans un gouffre, et non pas d'une lecture du film. car si on retient de "Telma et Louise", le film, l'image de deux femmes qui s'entraident dans une "descente aux enfers" ou un saut vers le "gouffre", là c'est inquiétant... pas plus que ça ne révèle une vision "conservatrice".
كل واحد شيطانو في مكتوبو

Anonyme a dit…

جيل التغيير والتحديات
جيل التاكسيفونات
.......يوفي الحديث

Anonyme a dit…

ما علينا كان نصبرو ونقولو انشالّه ربّي يهدي و في الأخير ما فمّاش شجرة ما هبّتش عليها الريح فمّا إلّي تشدّ روحها واتقاوم و فمّا إلّي تتكسّر ...الشّجرة بطبيعة

cactussa a dit…

l3ib fil om wtofla lo5ra w7ata moula taxiphone au moins yansa7om wala 7ata ytaradhom mala rwayi9!!!
9alou salak'ha!!!!
en tous cas clando bara dabir wa7da min biled itaranani la3ala tsalak'ha inti zeda!!!!
kima rjel kima insé lkolhom walew achbéh......

nasr a dit…

فزاني مرتاح
...

3amrouch a dit…

ككتوسة
اشبيك متغششة انت؟
الباهي ماياخو كان الباهي راهو.
والخايب مغرفتو ماتهز كان بنت التكسيفون واختها.
كيما قال علي بابا
جيل التحديات والتاكسيفونات ههههههههههه

هناء a dit…

يا كلندو الطيبون للطيبات
ماهي مش كل البنات تاع تاكسيفونات و مش كل الرجال ترضى تاخذ معاها بنات قاصرات و تلعب لها بعقولها

Anonyme a dit…

exactemant tayboun lettayebette nchalla rabbi yehdi

Sonya a dit…

لحكاية فكرتني بغناية شعبية تتغنّى بالتكسيفون
موش هذا الموضوع حبيت جيست انقول انو كان اندبّر نومروك انجم انحطّ دينار كامل في التكسيفون على خاطرك
فيما اخصّ البنات والام
و الكذب
و التجسس و الكلوف
والدهشة و الاستغراب من البديهي
و البكاء
انجم انقول عادي
و يصير في اي تاكسيييييييييبلوغ
باقيها
توحشتك
وهذا المفيد

Anonyme a dit…

brabbi soyons "clair" et "direct" ...mahou mawdhou3 el post elkoll tor7 jins ..fil 7ram .. ti maw hakka ..
el 9adhiyya mich hna .. khater tnajjem tsakker 3liha eddar w taamel tor7 sex par telephone men el bit lokhra wenti far7an w fakhour kifech bentek chrifa 3fifa !!!!!weddalil ahayka 9a3da fiddar !!!!!!
w tnajjem zeda tokhroj maa sa7ebha sans rien faire ...wa illa en faisant tout ..
el mochkla fil communication elli nebniouha maa nos enfants (filles ou garçons) b tari9a ennhom ma yekdhbouch aalina kif hakka..w enti ..franchemant idha bech trabbi bentek bettaskir hedha .. rahi bech tedhtarr temchi taamelek masra7iyya fittaxiphone ..
ena nchouflou mawdhou3 sat7i baaaaarcha w joz2i baaaarcha ... w ma ymessech les choses w les systhemes fil profondeur

Anonyme a dit…

هاهاهاهاهاهاهاهاهاها
ملا فازة
et alor !!!
eyh 3ad echbih kan mchet el bannouta lel hamamet we 3emlet jaw m3a sahebha
hiya mahi mkassra.. el mohem trod belha la tehbel barka
hedheka el mohem
ce genre de filles existe plus qe nous ne le croyons. et c'est pa la faute à la fille...! non. c la faute aux parents elli ma rabaouech. qand un gamin te griffe la carosse de ta voitur ou te frappe avec le ballon de foot et t'insulte en plus, ce n'est pas sa faute directe. c la faute de ses parents elli eyjibou we yarmiou fi chara3.
si tu frappe ce gosse...! mahou 3ad cham el 3am we ywelli echkoun we eckoun we 3ala rassou richa
we hedha avec le soutien du l'etat elli kharaw alina el froukh.
ena prof. we ya bouk tkoul el telmidh "yezzi ridh" wella "ok3ed rayedh" wella faza hekka, yehssebha nabza. mchet fik we fil hachecha. we ma tman3ek la nakaba wala walou.

barra 3ad tawa hani dakhaltouni fi matahet m3a el froukh... we rabi yosster 3ala awledna.

Clandestino a dit…

@nasr:
ماهياش قراءة للفيلم
هي استعارة هزلية للصورة اللي قلت عليها
@cactussa:
انا هذاكة شنوة باش نعمل
نشوف وحدة من بلاد الطرنني
اللي نقولولها المهدية هههه
@magic:
اهلا بالاسرة التربوية
يا خويا ماهو رد بالك و سايس روحك و سايس شباب العزة (بالملايين) هاذوكم راس المال
هههه
@sonia:
اهلا بالآنسة الرقيقة نوفراج
تي وينك ... راك خليت بلاصتك

و بالمناسبة نقدرلك استعدادك للتضحية بدينار كامل على خاطري
هاذي الصداقة و الا لوّح
ههههه
انا مش نحط دينار في التكسيفون اما نصب بالفين لايت (باش ناخذ البونيس) ههه
@3amrouch:
ريت صاحبك ولد الصحرا
قالك خلي الناس تعيش
لقانا شدين عبوة و الا كرهبة مفخخة و باش نفجرو ترواحنا في البلاد
....
يا ناري على الصحرا و برة
@hana:
بالله يعجبك هذا ؟؟
عندكم في الجزائر الريق هذا ؟؟

@الحاج كلوف:

كيما قلت المسألة اعمق من هكة ببرشة
انا حكيت حكاية صارت قدامي
موش قدمت طرح جدي للمسألة من مختلف جوانبها
@om youssef:
ربي يهدينا الكل
مرحبا بك في كل وقت

@fatras:
هههه
حلوة الفازة متاع الشجرة المكسرة
الله غالب فم شجر من النسمة يتكسّر
موش لازم ريح قوية ههه

LOUKA a dit…

rabbi yahdiii,

Unknown a dit…

za3ma inti matkhaletech fihom bnet taxifounet ya clandi?

Clandestino a dit…

آسيا:
هههههه
سؤال محرج شوية اما باش نجاوبك

صحيح خالطت بنات التكسيفون اما مستحيل ناخذهم...

للتأمّل العميق هههههه

3amrouch a dit…

كلندو
هاك تجيب لروحك في المشاكل
خليهم لولد الصحرا وامثالو

Powered By Blogger