اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

vendredi 22 février 2008

طق هنا ... طق غادي

كيما قال سيد علي "أزواو" هي حكاية متاع فذلكة و لعبة بين المدونين و ماخذة بالخاطر لذلك باش ناخذ بخاطرو و نذكر 6 حاجات مش مهمين برشة يخصّوني و من بعد نعمل تمريرة -قصيرة- لستة مدونين أخرين:

1- نحب العضمة رايبة او مروّبة (نص طياب) و مانحبّش العضمة الطايبة مليح .

2- ما نعطيش اهمية للكلاسط اللي نلبسهم , نجبد اول زوز نظاف يجيو قدامي و لو كانو مفرّدين و نلبسهم.

3- مغروم بالعاب الكمبيوتر و خاصة الـ
mmorpg

اللي ياخذولي برشة من وقتي و من اعصابي و مانجمش نقلع عليهم

.4- ديما عندي برشة بريكيات احتياط باش ما نتلزش و نطلب الشعول

5- نكره الناس المغرورين (اللي نسميهم فصيلة السوبر مان) اللي يحكيو برشة على ارواحهم و يفخروا بالـ " انجازات " متاعهم و الناس اللي تحكي بلغة " ماتعرفنيش انا شكون ؟" و لغة " ههه ما يعرفش باشكون طايح ؟؟ " و نكره خاصة المعرسين اللي يجيو يحكيوبالتفصيل اش عملو في الليل مع زوجاتهم .

6- نحب الطبيعة و الطقس الماطر و موسيقى البينك فلويد :)))


و نمرر الكورة للـ:
العمروش
نوسترا
نوفراج
طارق الكحلاوي
هناء
قصة اون لاين


7 commentaires:

FarFar a dit…

ثمة حاجة استرعت انتباهي ههه و هي الي أولا اللعبة هاذي نعتبرها رويق بارد.. لكن بما أنك قلت في المقدمة الي هي تفدليك و لعبة مبين مدونين اذن لقينالها تبرير و شرعية..
بون نقولو تدخل في باب التنسنيس الي عند الانسان ..الخ الخ
دونك حبيت نقول علاش حتي مدون ما حب يعرف علي الستة حاجات هاذومة..
زعمة خاطر ما عنديش علاقة مع المدونين والا عرفوني الي أنا منتبعش البيعات لمقطعة هذومة ..و يعرفوني باش ننبزهم..
انا عندي دتاي صغير وهو الي عندو ستة صوابع في يدي لمين و اربعة في يدي لسار..
هههه

Clandestino a dit…

هههه
الفائدة المجموع متاع الصوابع يساوي 10
مش مشكل طريقة التوزيع
5-5
6-4
و الا 9-1
ههه
و الله خممت فيك و مبعد قلت فرفر
و مايجيش نحطو في الاحراج

FarFar a dit…

عطاك الوقت كلندو ، ياخي ما تعرفنيش أنا شكون ههه
بصحتك

Anonyme a dit…

7

Anonyme a dit…

7attena n7eb el 3athma nos tyeb :DD

Sonya a dit…

nouchkrek barcha chkayer sadi9i 3AL tag
hana tla3na kif kif en ce qui concerne el 3vMA NOS NOS ou el tabi3a el matira :))
bizz

هناء a dit…

هاني طقيت عندي

Powered By Blogger