اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

vendredi 8 mai 2009

دعاء الجمعة: ربّي يباركلهم في فلوسنا


انشالله بالبركة و بالخير و بالهناء ,
انشالله ربّــي يزيدهم و يرزقهم بالرزق الطيّب الحلال , و يعطيهم الصحّة و العافية و الوقت الطيّــب ,
و يباركلهم في صغارهم و ذريّتهم و كراهبهم و يخوتهم و طياراتهم الخاصّـة, و يفتح عليهم في مشاريعهم و افارياتهم و شركاتهم و صفقاتهم و استثماراتهم


واحنا ...كذلك ... ربّي يزيدنا و يعطينا (على ساقينا) ... و ديما يطيّح بينا اللي خير منّــا


ملاحظة بسيطة قبل مانقول آمين و نختم الدّعاء , نحبّ نسوقها للمدوّن الوردي (عاشق المأسوف على شبابها اللايدي ديانا) انو الاصطياد في المياه العكرة و الاستفزاز و تبنّي افكار و مواقف مخجلة تناقض الحس الانساني السليم و الوعي البسيط بماهو اخلاقي و ماهو غير اخلاقي , هو طريقة فاشلة للظهور و البروز . و السرقة و النهب و السطو المسلّح و الاحتيال اعمال يجب كشفها و ايقافها و ايقاف مرتكبيها و معاقبتهم , و هذا في كل المجتمعات الانسانية (موش في تونس فقط), و (باش منطولش برشة) نرجّح انك انتي زادة ضالع في اعمال من النوع هذا و لو انك ماترتقيش للمستوى متاع شراء عقارات بملايين الدولارات , اما الاكيد انك مستفيد بطريقة ما من الوضع و لو بجمع الفتات و البقايا من موائد سامي و حاتم الطرابلسي و من صفقات شقيق الخنساء.


الشخص المعني هو الاسم الرابع في القائمة متاع المشترين و قدّامو المبلغ اللي دفعو للدار و في الوسط مبلغ القيمة متاع الدّار حسب تقييم الخبراء
(دار تعمل مليار و 300 مليون ياخذها بـزوز ملياردوات و نصف
...هاو الضّرب)



تفاديا لكل سوء فهم من الاخيان الساهرين على الامن في البلاد و من صديقنا عمّار 404 :انا خاطيني , ماجبت شي من عندي , كل الصور من مدونة خونا العمروش , علما انّه يقيم حاليا في بلجيكا و اذا كان حاجتكم تنجمو تستناوه في المطار ,سينون (كان مزروبين) تنجمو تتصلو بيه مباشرة في التراب البلجيكي

18 commentaires:

tractour a dit…

chouf 7al ka3ba t7in :
http://dianamagazine.blogspot.com/2009/05/blog-post_08.html

Clandestino a dit…

تراكتور:
ايه شفتو و عملت تحيين للبوست

3amrouch a dit…

اسمع شكون سامي وحاتم زادة؟؟
تي اشبيهم يتوالدو لهموم
منعرفهمش

cactussa a dit…

haka clando ta3ti les coordonnées de wild 7oumti klol !!tawa ken yji fi sif w ya5tfouh mil matar ( kima isrhar layamet ) bech tjibli inti cadeau min bar itaranani !! :)

Legend Of The Fall a dit…

@cactussa: ما تخافش. عمروش صاحبي و ما يمسّو حد

Clandestino a dit…

@lady D:
انا التفسير المنطقي اللي لقيتو انك مستفيد بطريقة ما من الوضع ...
اما اذا كان القفّة هاذي الكل و بلاش زادة
سامحني تولي اقرب للحمق و السذاجة منو للسلوك العقلاني
و صعيب برشة تكون عون امن لانو حتى هومة (و رغم كل شيء) ماهمش قفافة بالطريقة متاعك

Legend Of The Fall a dit…

@Clandestino: ضحّكتني والله. انهنّيك يا سيدي. لاني نخلص، و لاني مستفيد من الكلام اللي انقول فيه و لاني عون أمن

أنا أبعد ما أكون على الحاجات اللي انت قلتها الكل بعد السماء على الأرض

و لكن أنا عندي نظرتي للأمور و خسارة انتوما ما حبّيتوش تفهموني و ما حاولتوش تفهوني بالكل. قعدتو لاصقين في الكلام اللي انقول فيه من غير ما حاولتو تفهمو آش انحب انقول أو طريقة تخمامي و تفكيري

Clandestino a dit…

ههههه
هاذية قالتلهم اسكتو
صار انتي وليت صاحب نظرة و فكرة و مشروع
ههههههه
اول مرة نسمع انو القفة و صحّة الرقعة ولات تيار فكري و طريقة متاع تخمام و ينجم انسان منطقي يدافع عليها كموقف مبدئي

الزبراط a dit…
Ce commentaire a été supprimé par l'auteur.
الزبراط a dit…

و خسارة انتوما ما حبّيتوش تفهموني و ما حاولتوش تفهوني بالكل. قعدتو لاصقين في الكلام اللي انقول فيه من غير ما حاولتو تفهمو آش انحب انقول أو طريقة تخمامي و تفكيري


WTF ???

Legend Of The Fall a dit…

@Clandestino: ماهياش صحة رقعة و ما هياش قفة. ياخي بالسيف لازمني انتبّعكم و نؤمنم بكلامكم؟ يا سيدي أنا الكلام اللي انتوما اتقولو و فيه و تكتبو عليه، ما يعجبنيش و عندي نظرة مغايرة. حرام؟ عيب؟

انتوما ناس ما يعجبكمش العجب. آش تحبني نعمللكم؟ بالنسبة ليكم كل ما الواحد أعطى ٍاي يناقض رأيكم خاصة في مسائل تتعلق بتونس و السلطة و التجمع، يولّي تجوّعي و هزّاز قفة و قوّاد من غير ما نزيد نذكرلك بقية الخصال عاد

يا سيدي انا انهز في القفة و بلاش. سافا؟ مقلّقتك حاجة انت؟ عندك مشكلة مع هذا؟

WALLADA a dit…

أوووووووف و أخيرا قلتها و نطقت ؟؟؟

أيا الحمد الله عليك

Houssein a dit…

تي بالله سيبوه الرجل. أنا في بلاستو فديت. خليوه يعبر على روحو كيما يحب

3amrouch a dit…

ديانا مغازين
هو الحقيقة عمري منخاف
وزيد الملك البار الثاني والملكة حرمه مايحبوش في الرعايا متاعهم ماك تعرف خوك بلجيكي ويخافو علي
ماهوش ساركوزي هاذا متع حب فرنسا ولا اخرج منها
هذي مملكة صديقي موش جمهورية
تي يوقفوني في مخالفة مرورية فقط ويعطلوني ويسمع الملك بيهم بالحرام مايبعثلكم بارجة حربية ويضم ونس المملكتو هههههه
سيب عليك مني

khanouff a dit…

Il ne s'agit pas de différence de point de vu, les choses ne sont pas aussi simples, le dire ainsi est une autre forme de violence, une insulte de l’intelligence de l’honnête citoyen. C'est plus grave, plus blâmables et plus préjudiciables que de prendre la défense des escrocs. Ces lèches culs sont aussi coupables que les censeurs cachés dans leurs anonymats et les tortionnaires derrières leurs lâchetés.

Legend Of The Fall a dit…

لا عمروش عاد. انسيت نظام الحكم في بلجيكا؟؟؟ ماهو دستوري ملكي. الملك بعيد كل البعد على السياسة و كان يدخللك يتفضح هو

Anonyme a dit…

ezza7 ana etudiant fi fransa bach eddar yab3thouli 800 euros fi chhar mochkla w awra9 w 7ill w orbot 9alou chnouwa devise w euro w 3omla sa3ba. Yji wa7id 5rawat 7acha illi ma yistahilch y5arraj akthar mil 3000 chhar frais de scolarité mta3i ma guir 7atta mochkla. ana houwa etta7an illi n9oul lil fransis bien sur mich nrawwa7 li bladi. Zayid kamcha 3fan w 5ommaj w ya na3an bou illi mazal y7ott fiha sa9ou. (na3raf rou7i na7ki hakka tawwa. chhar a5or til9ani habat kil 5array fi tunis carthage :) )

Legend Of The Fall a dit…

@Anonyme: tawa tal9ani nestanna fik fel matar :)

Powered By Blogger