اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

vendredi 30 janvier 2009

للمدخّنين فقط...و ماذابينا جماعة الميريت و المارلبورو على برّة

يعاني المدخّنون في تونس من ازمة مستمرّة (توة عندها اشهرة), و لأسباب مجهولة و غامضة كاد الدخان التونسي يفقد مالأسواق . الصحافة و مسؤولي الوكالة التونسية للتبغ قدّمو برشة تبريرات و تفسيرات للأزمة, قالو اللي الطلب فاق العرض و جموع التوريست من اوروبا الشرقية و الدزاير عجبهم المارس متاعنا و شراوه لكل و روّحوا بيه لبلدانهم. بعد الصّيف جاء رمضان قاللك الشركة متاع التبغ تعمل في الصيانة للماتريال و هذاكة علاش الانتاج طاح, و توة في 2009 ما تبدّل شي, المارس ليجار ديما مفقود مالاسواق و الكميات الموجودة مجهولة المصدر (تتباع في الكياسات و اسواق ليبيا بـ7 دينارات الكرتوشة) ...

الكلاندستان -و باعتبارو من أوفياء دخان الاستقلال- توصّل لكشف الأدلّة و العلامات الصحيحة متاع الدخان الموش مضروب, و تعميما للفائدة و خدمة لجموع المدخنين من قرّاء المدوّنة, قرر انو ينشر تفاصيل الاكتشاف الهام بالصور:


التثبّت في الرقم المسجّل اسفل العلبة يلزم يكون مكتوب بارقام كبيرة في الوسط تماما (بيمن كلمتي "مارس و ليجار")



بعد فتح العلبة التثبّت من وجود الواقي الورقي العازل المكوّن من قطعتين موش من قطعة وحدة كيما في العلبة المغشوشة





التأكد من الكتابة على السيقارو : يلزمها تكون بنّية اللون , ماهياش غامقة برشة و ماهياش فاتحة او مفسّخة


و يبقى المطعم و النكهة هو الدليل القاطع و النهائي الا انك اذا وصلت انك شعّلتو السيقارو ماعادش تنجّم ترجّعو لذلك الدليل هذا ماهوش عملي في حالة كيما هاذي.

نتمنّى انو الفايدة حصلت للجميع, و السلام عليكم

9 commentaires:

kmaira a dit…

clando, désolé , l'indice mta3ek loul ma fhemtouch :)

Clandestino a dit…

c'est normal que tu comprends pas :)
j'ai dit que ca ne concerne pas les amateurs des cigarettes importées

Anonyme a dit…

wa7dek ya clando.amma a7sen 7aja inbatlou waldih khir .khouk ba3ad 20 sna battaltou w inchalla 3ndak .rahou kertha en tous cas merci 3lik

Gouverneur de Normalland a dit…

أنا الي شديت من هالتدوينة هو أن كلاندو يقرى جريدة الاعلان

زعمة يحضر في حويجة الى بودورو ؟

;p

Venom a dit…

3léch ma tnajamch traj3ou el bacou ?

Traj3ou w ken 3ejbou,il est supposé vendre de la marchandise conforme aux normes.

wala echri sigarou ken 3ejbék 5outh bacou,sinon dour 3la d5a5neyet lebléd lkol :)

Anonyme a dit…

hahaha j'utilisai le même astuce du sigarou puis lbakou du temps ou je fumé.. mnt j'ai arrêter mais il parait qu'on arrête jamais de fumer

sojen a dit…

wizz...plz post something!

Anonyme a dit…

ech na7wel el mares tawa?

Anonyme a dit…

Fumer TUE..!!

Powered By Blogger