اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

samedi 24 janvier 2009

بركاتك يا بــاراك


انا عادة ما نعتقدش انو فمة شكون مشوم أحرف و شكون مبروك و كي نسمع حدّ تتجنبو لعباد و ميحبّوش يتصبّحوا عليه نضحك ...الا انو على ما يبدو الحكاية هاذية صحيحة ... اي نعم ثمة وجوه تقطع الرزق و ثمة وجوه وين تقبّل تربح و تلقاها ساهلة و مسهّلة ...
كيف نعملوا مقارنة بين زوز فترات , بين السنوات الاخيرة للثمانينات و الفترة الحالية اي أوائل 2009 , نلقاو انو دخول (خونا ) باراك حسين للبيت الأبيض جاب معاه الغيث النافع على كامل مناطق البلاد بكمّيات كبيرة و نقّصلنا في أسوام المازوط و الايسونس و أسوام الحديد (بنسبة 33%) و جابلنا زادة الزيادات في الشهرية ... عكس الفترة اللي حكيت عليها (آخر الثمانينات) اللي -و العياذ بالله - جابت معاها الجراد الصحراوي في ما يسمّى حسب منظمة الفاو بالغزو الكبير
la grande invasion
متاع 1987-1989
و عرفت كذلك ثاني اعنف فيضانات منذ الاستقلال , فيضانات 1990


2 commentaires:

kacem a dit…

أنقش ...ديمه ...صحّة و الف سلام

Al-Hallège a dit…

عام اللي جاء الجراد كي سمع أغنية " احنا الجود إحْنا الكرمْ
احنا الشهامة احْنا الهممْ " عام اللي جاء ...أيه خلليني ساكت خيرْ