اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 29 juillet 2008

خطاب حالة البلوقسفير


بسم الله الرحمان الرحيم
ايها المدونون , ايتها المدونات
أود بمناسبة العودة (عودتنا الميمونة الى عالم البلوقوسفير) التوجّه بالتحية إلي كافة المدونين اللذين أحييوا الذكرى الأولى لليوم الوطني لحرية فتح الأفواه و ذلك يوم 01 جويلية , و إلى كل من احتفل (خارج لجان التلصيق بالطبيعة) بالذكرى الـ 51 للجمهورية و كل اللذين ساهموا في انجاح هذه التظاهرات , و إننا (الكلاندستان) إذ نكبر فيكم هذه الرغبة المستمرة في الاحتفال بالمناسبات الوطنية (المجيدة) فإننا نعبر عن بالغ اسفنا عن عدم تمكننا من الحضور لعدة اسباب ... وهي أساسا أسباب تقنية بحتة متعلقة بالحاسوب الذي نقوم عبره بالولوج لشبكة الشبكات (الانترنات) و نشر تدويناتنا , فالحاسوب (متاعنا) قد تقدّم به العمر و ثقلت اطرافه و ضعفت حواسه و اصابه الوهن من جميع النواحي (و ما اصرارنا على الاحتفاظ به الا للوهن المزمن الذي يضرب مكتوبنا و حسابنا البنكي و حالة العقم اللي تعاني منها -سيّئة الذكر- بطاقة السحب الآلي ) , و فمة زادة مشاكل اخرى سببها كارتال الانترنات في البلاد (اللي يجمع مزوّدي الانترنات و المشغّل الوطني للإتصالات) من فاتورات مفرعسة و حسابات غير واضحة و ضرائب و تاكسوات جائرة تخلي الواحد يشك في جدوى امتلاك خط أدياسال خاص.
على كل حال نرجو ان تكون هذه العودة فاتحة لعهد جديد من التدوين و تساهم في ارساء قيم الحرية و الديمقراطية و نشر معاني التضامن و ترسيخ مناخ سليم للتنمية المستديمة ( و السلم الإجتماعي) ....
و فمة زادة برشة مدونات يلزم تحضر روحها للعصا , و للقمع التدويني لانو كما يقال "قد بلغ السيل الزبى" و "ماعادش فاها" و فمة برشة ريوس يلزمها يطير.

انتهت الكلمة

9 commentaires:

titof a dit…

hhhhhhhh
مرحبا سي كلندو كي طلعت محرقتش برك

الحلاج الكافي a dit…

أيها الخارقون ايها الحارقات راني عندي 3 ايام ما نجمتش نحل البةاط ايمايل متاعي و الله يقدر الخير و برّه

ولد بيرسا a dit…

ماكش وحدك يا حلاّق
البواتات كلّها مسكّرة

romdhane a dit…

mare7ba clandestino
thammach amal fi 7ar9a jama3eia lejma3et errdeyef echchei ma3adech yo7tamal ya clandou

Sonya a dit…

نرسيوا زاده قيم الحب"ّ
????

ولا يزي
??
فيه البركة
?
:))))
مرحبا بيك صديقي

هناء a dit…

على سلامتك، حان اذا وقت القطاف

Anonyme a dit…

aya mar7bé

Anonyme a dit…

ma3ach t3awed sane3tek et tafsa3 hal fas3a :p

Clandestino a dit…

@sonia:
اشبيه نرسيو زادة قيم الحب و العلاقات الانسانية النبيلة و الاحاسيس العنيفة
و بالمناسبة نعملو استرتيجية للنكاح المستديم(للجميع) كيما التنمية المستديمة

Powered By Blogger