اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

jeudi 1 novembre 2007

منتدى الـ404


بعد انتشار منتديات الشارينغ و الباتش و القرصنة , و الشات و التعارف و الزواج و الربح السريع و غيرها من حوانت بيع الريح للمراكب , فوجود فوروم مثل فوروم الـ404 باشي يعتبر مفاجأة سارة بكل المقاييس, منتدى 100% تونسي, يعتمد اساسا الفرنسية و بدرجة اقل العربية, لكن يبقى ديما خير من التفاهات اللي نلقاوها في المنتديات اللي كنت نحكي عليهم و اللي تعتمد النموذج الخليجي في استعمال الانترنات:
(قسم كروت الساتيلايت , فتح البورات لجميع الرواتر, نص سمين , الماوس , أكواد المنتدى ...)
وبعد كل مقالة ما تسمع كان "يعطيك الخير يا أخي" " جازاك الله كل خير" "مشكور جدا و" " عشت يا غالي "

و كيما قاعدين يعملو جماعة الاشهار الجديد في التي ان بلوقس , انا زادة باش نعمل اشهار للفوروم هذا و نوجه دعوة لكل المدونين باش يعملو طلة و باذن الله موش باش يخيب ظنهم , في نهاية الامر الـ404 حاجة نعرفوها الناس الكل و مستانسين بيها و فم حتى شكون ولى مدمن عليها , انا ساعات كيف نبحر في النترنات مدة و ما تعرضنيش الكميونة الباشي نحس انو فم حاجة و تشدني وجيعة الراس و الستراس و هي -حسب الدكتور حكيم - من اهم و اخطر اعراض حشيشة الـ404

http://alternatif.freediscussions.net/index.htm

10 commentaires:

Houcine Choyakh a dit…

c'est un forum des ex membres du mac125 qui condamnent la culture et la politique du 404 not found

FarFar a dit…

صدقني با كلندو ، باخل باش نعمل طلة و زيد بصراحة معاتش عندي كيف مالفرومات

Clandestino a dit…

@farfar:
هاذي مش مشكلتك وحدك
جمهور الكليب الكل يعاني من نفس المرض النفساني و هو نوع من العجز المزمن و البخل و غياب الكيف لكل شيء
@moudir:
توة صحيح ؟؟مثبت اللي جماعة الفوروم مقصولك بوست ؟؟

Houssine Choyakh a dit…

non ils ont juste déplacé mon msg vers une autre rubrique

Anonyme a dit…

بربي فمة شروط معينة للدخول والا بره هكاكة ؟؟

Clandestino a dit…

@arabbica:
تي هي 404 باشي
معنتها اطلع من غير ما تشاور
انتي عربية و النبي عربي و كل شيء عروبي

Anonyme a dit…

يرحم والديك
قليّ القرعة للبوست الفوقانى وقتاش؟؟
شاهية نربح مرة في مسابقة

FarFar a dit…

و هو كذلك كلندو ، عندي حالة متاع انعدام الكيف ملازمتني هنهارين

Nada a dit…

Merci Clando de parler de notre forum, je confirme qu'on était tous modérateurs sur mac125 avant de créer notre propre forum. Bien évidemment vous êtes tous les bienvenus.

FarFar a dit…

ma3naiha ntouma ejjmai3a al moncha99ine 3ala el mac125
entre parenthse haidha el mac125 nesma3 bihe barcha marrat , mazaile mawjoude ltawa .. juste kestion de curiosité..

Powered By Blogger