اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mardi 2 octobre 2007

الحفرة Le Trou

ماهو قالك فمّ حفرة كبيرة ... حفرة رهيبة جات في قلب الكياس .....اللي متعدي طايح فيها , لا تسيّب لا الماشي لا الجاي كانو راجل و لا مرا , حاصيلو سكان البلاصة هذيكة حياتهم و لات جحيم و عيشتهم امرارت في جرّة ها الحفرة الحرفة ... كل مرة و و احد كرايمو مكسرة كل مرة و واحد ماكل راسو في قاعها ... فــــ رصّاتلهم يعسّوا ليل و نهار و يتفقدو في صغارهم باش ما يقربوش من الحفرة...

أيا وصلت الاخبار لأعلى هرم (من أهرام الجيزة ) و ابو الهول بيدو انشغل بالحكاية و عمل اجتماع طارئ لبحث و دعم و ارساء و تطوير و ترسيخ و التصدي و الحيلولة و المبادرة بالحلول الكفيلة بمجابهة الحفرة....

واحد قالهم نجيبو بحذاها سيارة اسعاف باش اللي يطيح نهزوه للسبيطار.
الاخر قاللهم ماهو نبنو بحذاها سبيطار مرة وحدة و هكة اللي يطيح نعديوه في اقرب الآجال للـ
urgence
الثالث قاللهم علاش الخسارة ؟؟ سبيطار و امبيلانس و خدامة و مازوط و مصروف زايد ... ماهو نردموها الحفرة
(مبعد لا خمم شوية و جات قدامو برشة اعتبارات) و نحفرو حفرة اخرى بحذاها.
ة



17 commentaires:

3amrouch a dit…

وينو البوست متاع المساطر...؟

3amrouch a dit…

فمى شكون يقول انها بمناسبة الذكرى المباركة باش يردو ها الحفرة كلاسى باتريموان ناسيونال تحت اشراف اليونسكو.
20 ans يابوقلب واحنا طايحين

Clandestino a dit…

LOOOOOOL
مساطر؟؟
باهية هاذي

فيما يخص البوست كيف قمت اليوم نلقى الظروف غير ملائمة للحديث عن ادوات الهندسة
خلي مرة اخرى

Clandestino a dit…

اشبيك يا ولدي ؟؟
انتي هاك تعيش في الابعاد و مسلكها و انا شكون بية لهنا
ايا حد حد المسقي خليلنا ذكرى محمد رايضة
و نعلمك انو نحكي على حفرة اخرى بعيدة على اللي تخمم فيه

Massir a dit…

هو إنت ما فبالكش؟
الحفرةُ سَدُّوهَا، أما خَلَّاو عُود حديد خارج ؤوحلت فيه أنا

Merci Monsieur

3amrouch a dit…

عذرا صديقي ليس من عادتي الخروج عن النص و لكني اصبحت مفلقط اليوم،ماهو الحس متاع التتطبيل وصل حتى لهنا و قبل بشهر زادة.قالك ييحبو يعملو مسامرة رامضانية للتذكير بالأنجازا

Clandestino a dit…

@massir:
اولا نقولو بار حديد موش عود حديد
على خاطر عود تتقال على الحطب و الخشب

ماعدى ذلك صحيح المشكلة مش في الحفرة بيدها و لكن في بيران الحديد المصدد اللي ما مسيبين لا الماشي لا الجاي

انا نقترح مول آديسك لكل مواطن باش يحمي روحو

FREE-RACE a dit…

فما تطور حاصل: أبو الهول شاور المفرعنيين اللي دايرين بيه... هذي نقطة أيجابية تستحق التنويه...كنت نتصورو باش يتصرف بشكل فردي و بأذن ببعث بنك الحفر ...

arabicca a dit…

صبااااااااااااح الخير شبيكم على الحفر فر فر فر فر فر فر .........ازح لتوة ما استانستوش توش توش توش توش اي باركولنا المبادرات ات ات ات ات وفكو علينا من ها الهدرات ات ات ات ات محدثكم من القاع اع اع اع

CITIZEN a dit…

نسدُّو الحفرة هاذيكة و نحفرو حفرة أخرى تكون قريبة للسيبطار

ça sera plus commode pour les victimes et plus économique.

Mils a dit…

chid 7ofirtik le dji 7ofra akbir minha

nostra a dit…

@ mils lé chid 7ofrtik lé tji ma achwam :D

Clandestino a dit…

@mils:
esme3 klem 3ammek nostra
c'est un fin connaisseur fi domaine el7for wa mochta9atha

Hmayed a dit…

c'est pas une blague sur les lybiens ca ?

dolce_vita a dit…

@arabica: femmmaa 7ofrararara intiii??, là ou je suisss y a kkkke déééés minminables, boudourourou, boon j'imaginnne keke c pareileil chééz toioi

sinon lou7four anwe3, famma elli ya7fer el rou7ou biyedou o famma elli ya7feroulou, et dans les deux cas c pas drole,

Clandestino a dit…

@nostra
افرح سي الشباب ,اهو ما طلعتش وحدك خبير في الحفر
عندك سي الدولتشي فيتا تنجم انتي و اياه بيرو متاع اكسبرتيز في الحفر

Azwaw soumendil awragh أزواو سومنديل آوراغ a dit…

Visitez le blog de kmr : http://kmrsworld.blogspot.com/