اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

dimanche 16 mars 2008

و هاذي وحدة أخرى باش تعرّس


علاش البنات الباهين فيسع ما يجيهم المكتوب ؟؟؟ و علاش ما تقعد كان التاعبة و أختها ؟؟ و علاش البنات اللي عرفهم الكلاندستان في فترات سابقة لكلّهم عرّسوا ؟؟؟ زعمة علاش؟؟ حكاية زهر ؟؟ نواصي و عتب ؟ شهيلي يطيّب لغيرو ؟؟ علاش ما تولّي الطفلة عزيزة و غالية الا مبعد ما يسمع بيها باش تعرّس؟؟ علاش ما تقدملهاش مالأول ؟؟ وينهي شجاعتو و رجوليتو ؟؟ علاش ما يفيق كان بعد فوات الأوان؟؟ عقم هجومي ؟؟ انعدام ثقة ؟؟؟ مشكلة مادية ؟؟ نفسانية ؟؟
وقتاش ينوب ربي؟ وقتاش تتفرهد لومور ؟؟ لوقتاش نبقى نستنى ؟؟ لوقتاش نبقى نكوّن ؟ فاش نكوّن ؟؟ و لاشكون نكوّن ؟؟ وقتاش توفى رحلة التكوين؟؟
ملا كلمة... تكوين... قداش كرهتها الكلمة ... تكوين ... ماهو كوّن على روحك ...تكوين ..فلان يكوّن في مستقبلو ... تكوين...مهني .... تكوين ... قطاعي ... مكوّنون ... مكوّنات ... المجتمع المدني ... ههههه

الحاصيلو العالم الكل يكوّن و يتكوّن و ياخذ و يقرأ الفاتحة و يشري في الصياغة و يعرّس و يخطب و يشري في الموبيليا و يجيب في الصغار ...أفواجا أفواجا ... اطارات, المستقبل و ياخذو في الكراهب ... يحوّسو - يلوّثو في البيئة ... يصبّو في مازوط 1250... و انا نكوّن...

- علاش انتي عندك كرهبة ؟؟
-لا عندي برمي
- عندك دار ؟؟
- لا
- عندكش تراب, أرض رزق ملك ورثة قديمة؟؟
- لا
- طبيب ؟ مهندس؟ استاذ في الجامعة ؟ مسؤول في شركة ؟؟
-ههههههه
- امّالا باش دازز على الدنيا
- عندي مدوّنة
- ؟؟؟
- بلوق و تصويرة 10 كيلو بيت من عند يسرى
- شنية ؟؟
- جائزة
- هههههه برّة حل كتاب على روحك
- كتاب البخلاء؟؟ كتاب الأغاني و الا سفر التكوين
- ما قعدت قوي كان في الشفاهي... على كل حال كان نجمت اعمل طلةّ نهارة الخميس

وهو كذلك ... نهارة الخميس الجاي باش نمشي ... مرّة أخرى ... نحضر عرس الكلاندستان ... أما بحضور ملاعبي آخر ... لاعب معوّض تحوّل لأساسي ...
و كيما يقول لومير ,
«Si certains sont en mal d'image, d'autres sont en mal d'efficacité, »

قولة كبيرة ياسر و عميقة ياسر و فيها معاني فلسفية ..اما نجّم نلخّصها في كليمتين خفاف نظاف : " الفائدة في الرجولية ..."
ة

16 commentaires:

Tarek طارق a dit…

مانحبش نقول "المليح يبطى" بالكشي تظهر كيف كلمة "يكون"... أما هذية حكمة أنا نعرف إلي هي تنطبق على الكلاندو... دونك يا كلاندو راهو المليح يبطى

Anonyme a dit…
Ce commentaire a été supprimé par un administrateur du blog.
Clandestino a dit…

قيلني يا قاسم
ناقص افلامك انا توة

Clandestino a dit…

@tarek:
شكرا على كل حال

3amrouch a dit…

5ouia el behi to93ed dima behi et yo93ed apres e7dith
tu verra
un peu de patience

Nostra a dit…

ya weldi zayid ma yhezlik moralik kan 3amrouch :D
sinon ma grande mère n'est po exigeante é 3andha barcha flouuss norbitlik le5yout é twalii 3zizi ? :p
ps mamati esmha sonia :p

mandela a dit…

wa9ila ya clando l9itlek il7all... ema 9bal l7all yelzem ncha5sou sbab il3illa wal 3illato daprés mwa wallaho lmouwafi9mich il idery innou kol chay jey mil blogging aw bil a7ra min attadwin wa masdaro il kalima 7asba rzouga essiklibon fi kitebihi nawamiss essa7louba.howa eddwena voila il mochkla middwena ly metsabeb fiha ettadwin wa3alayhi fal 7all yakoun fi nadhif bil kourayet ezzar9aa dharba dharba lil bo9a3 il mista3ssiya...
big up clando rak ghoul...

Anonyme a dit…

علاه تحيرلي في مواجعي

FarFar a dit…

كلندو تحية و بعد
بون كان تحب شكون يهزلك لمورال.. الي صارلك ليك انتي صارلي لي أنا زاده.. لكني أنا ما نحكيش علي حكاياتي الشخصية و شعوري في المدونة قدام من هب و دب..
بون صار علي بصفة عامة.. توة من مدة قريبة سئلت علي صديقة قديمة كانت تعجبني برشة و أنا تلفتها لأسباب غير مقنعة ..بصفة عامة.. لحقيقة لقيت طفلة ما خير ههه.. و من بعد تلفتني الطفلة الي ما خير.. و ضاعو الزوز..
الحاصل نرجعو لموضوع حديثنا كي وصلني الي الطفلة عرست بصراحة تقلقت كي سمعت لخبر و قلت مبين روحي فلتها.. لكن من غدوة و الا هي في العشية.. قلت الي كان جاء ثمة حب كبير راهو يصمد قدام العراقيل الي كانت موجودة و أنا بيدي ما كنتش شفت آنسة أخري..
تي أون توكا ..نتصور الي العالم معبي بالجنس اللطيف شوية صبر بركة لية و ليك و للأخ عمروش و الأخ سلومة و ألاخ سامي هههه
و السلام

FarFar a dit…

و حاجة أخري استخلصتها هي لا ينفع الندم و النظر الي الأمام مع العبرة بما فات و السلام

Clandestino a dit…

يا فرفر
يظهرلي انا اكبر منك في العمر
لذلك مش لازم اللهجة هاذي متاع النصيحة و الموعظة

FarFar a dit…

أولا
علي حسب لبروفيل متاعك أنا أكبر منك بعامين.. هاذا لو فرضنا بطبيعة الحال الي لبروفيل متاعك مهوش مدلس..

ثانيا
النصيحة مهيش مرتبطة بالعمر.. ثمة عباد تلقاهم عندهم تجربة كبيرة و هوما في العمر أصغر من برشة اشخاص ما عندهمش حتي تجربة ..

ثالثا
أنا نصحتك و عطيتك فكرة.. و الباقي امورك..
أنا نري الي بصفة عامة تنصح و الا ما تنصحش لا ينفع العقار فيما أفسده الدهر

Neodallo a dit…

Mari toi fils par facilite sur 36 ans!!

Anonyme a dit…

Cher clando c'est la 1er fois que je pose un commentaire sur ton blogg bien que je suis un lecteur assidu. ce qui m'a poussé a ecrire c'est cette etat de depression et de melancolie que j'ai senti en lisant ton post. ce que je peut te dire , lorsqu'une bonne occasion se presente il ne faut jamais hesite. il faut la saisir sinon on se retrouvera chaque fois devant le mur de lamentation entrain de pleurer la "chance " qui a ete perdu. mon cher , il est difficile d'oublier un etre cher mais aussi il faut regarder de l'avant et apprendre les leçons de son echec afin de ne pas refaire les memes erreurs. enfin, surement dans les rues , avenues, place et autre recoin de la tunisie une ame soeur qui n'attend que de se lier a toi cherche là mais ne la rate pas cet fois .

Clandestino a dit…

@anonyme:
نشكرك على الشعور الطيب
اما حكاية الـ
âme sœur
هاذي نعرفك في القصص الوردية و افلام نص الليل التالي

هناء a dit…

ظهر وجهك مربوح يا كلندو و الطفلة الي تعرفها تعرس
حاول تعرف بنات اكثر على الاقل تساهم في انقاص نسبةالعنوسة
:)

Powered By Blogger