اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

lundi 30 avril 2007

الدنيا و الفايس سيتي vice city

باش نحكي على الغريبة اللي صارتلنا في العائلة, هي بالاحرى مصيبة الله لا يوريها لحبيّب..
اكيد انو العباد لكل يعرفو السيري متاع "الجي تيا " فاها "الفايس سيتي" و "السان اندرياس" , اللي يبدا فيها واحد باندي يفك فلكراهب و يقتل في خلق ربي و يسرق و يبيع في الزطلة و يطلع معاه في البنات.. الحاصيلو كارثة مسيبة في البلاد ما ثماش شكون يحكم فيه و لا شكون يحزّو...

الفرخ ولد اختي تغرمنا باللعبة هاذي و قالك هذا ربي كان نبطل منها و لا نتلفت لدروسي. حرنا فيه وحاولنا معاه و منها قلنا خليه يطيّر منها نفحتو و توا يفد منها وحدو...
و ما راعنا الا انو البارح خرج من بيتو بعد نصف النهار, كلمتو امو باش تحطلو يفطر, لكنو ما حلش فمّو بحتى كلمة و طاح ما في عينو بلة..هزيناه للسبيطار و اعطوه الدواء و فيقوه..فاتضح انو عشية السبت و ليلة السبت كاملة و صبحية الاحد و هو قدام الاورديناتور يلعب .. الطبيب قالك عندو نوع متاع صرع يجي من الارهاق و التركيز المفرط.. و يربي يستر كان ما توليش مشكلة مزمنة..


خلاصة القول انو صغارنا مسيبين لا كنترول لا رقابة يعملو اللي يحبو عليه..و الوالدين يقولولك ناخذولهم اورديناتور باش نرتاحو منهم و ما همش عارفين اش ينجم ينتج عليه

4 commentaires:

mahéva a dit…

قلت الحق يعطيك الصحة
الوالدين ولاوا يحبوا يجيبوا الصغار من جهة ومن جهة أخرى يطالبوا بالاستقالة من جميع المسؤوليات

SAFOne a dit…

c'est la faute a ces parents!
billéhi n7éb na3réf chma3néha
"د ما ثماش شكون يحكم فيه و لا شكون يحز"

daynasour yé5i houa ? mahou un enfant min kaar nazra men bouh ychédd ettarkina !

Big Trap Boy a dit…

Wallahi ki tji tchouf ena bidi chaddétni la crise GTA à une certaine époque, wallit kif nsou9 el karahba ijini refléxe béch n3affas les piétons ou nlawwaj fi el tableau de bord 3ala el felsa elli nbaddal biha la position de la caméra béch nchouf éch famma 9oddémi fi el kayyés :D

Jéb rabbi ma sarlich kima el oulayyéd elli ta7ki 3lih. En tout cas inchallah labés.

:)

Clandestino a dit…

"c'est la faute a ces parents!
billéhi n7éb na3réf chma3néha
د ما ثماش شكون يحكم فيه و لا شكون يحز "


je parle du heros du jeux pas de l'enfant..

"wallit kif nsou9 el karahba ijini refléxe béch n3affas les piétons"

ena ltawa yjini reflexe mta3 "rechercher" wakt elli nlawej fi fardet leklaset mta3i wella "annuler" wakt elli ntayeh haja min yaddi ..lol