اللي حرق صحّا ليه...و اللي م نجّمش يحرق مرحبا بيه. نحن لم ننتظر اربعطاش جانفي

mercredi 15 octobre 2008

بريد القراء الأوفياء

برشة أخيّان يبعثولي برسائل مايل فيها حكايات و مغامرات و صور و مواقف ممكن تكون صارتلهم و ممكن لا... الحاجة اللي جلبت انتباهي هي انّو الفئة اللي قاعدة تبعثلي هي فئتي و زملائي أولاد الطبقة الإجتماعية اللي ننتميلها , اي الأقلية في الواب التونسي , طبقة المحتحتين اللي يشريو 100% من ملابسهم الخارجية من الفريب و يبعثلو مايل مالبوبلينات و يكريو مصوّرة رقمية باش يصوّرو بيها ... فـ بعمرو ما واحد بعثلي تصاور متاع سهرية في بواتة و الا خرجة "كروازيار " في البحر المتوسّط و الا بعث تصاور كرهبتو الجديدة و تصاور حفلة "كنسار" في باريس و الا لندرة أو مونريال.

و هذية عيّنة من المشاهد متاع الشهرين اللي فاتو:

وادي في ولاية القصرين , اللافتة تشير الى أن الطريق مقطوعة في حين انو عون الامن يأمر الكراهب بالمرور...
و حسب قانون الطرقات الضوء يلغي الاشارة و البوليس يلغي الضوء ...و الخوف كل الخوف أنو تقع الكارثة ... و الواد (قدامكم) يلغيهم الكل...




حضبة قدام البوسطة في مدينة القيروان ... بوادر الأزمة المالية و ازمة السيولة بدات عندنا قبل ما توصل لأمريكا



هذية يومية -حسب رواية مولاها- قاللك لقاها عند الدنتيست- ...بزهرو نهارة الفيزيتة يلقى روحو في اليوم متاع الانتحار... ربما خاف ربما ظن أنو اليوم هذاية يشجع على الانتحار أو ربّما وزارة الصحّة -اللي تفرّق في اليوميات - بدّلت التسمية متاع اليوم العالمي ضدّ الأنتحار الى يوم عالمي للإنتحار... بأنقص مصاريف و هرج... اللي يموت نرتاحو منو ...
اللي ينقص مالشواطن يخفف على الملايكة...


ps:
القرّاء اللي يستناو في بقية التحليل الاقتصادي للأزمة المالية نعتذر منهم و نترجّاهم باش يزيدو يصبرو شوية
و كذلك الأخيّان اللي يستناو في الحلقة الضائعة من مسلسل البرباش

13 commentaires:

alopex (en mode: غربة) a dit…

La cerise sur le gateau a ete cette journee mondiale du suicide, maintenant je sais quel jour je devrais organiser mon suicide ken ma3adech fiha win

foued a dit…

خويا كلاندو يعطيك الصحة كيف هبطت التصويرة .. انا هو اللي بعثتهالك و بالفعل نلقاها في يومية فوق مكتب طبيب الاسنان ..

Sonya a dit…

خسارة فات 10 سبتمبر

Clandestino a dit…

sonia ????
tu pense quoi faire le 10 spt ??

Clandestino a dit…

@foued:
مرحبا بيك دائما و ابدا في مدونة الحرقة اللكترونية

foued a dit…

@clando
يعيش خويا و ربي يبارك فيك

Anonyme a dit…

خويا الكلندستان :الحمد لله الي انا عايش البره وهاو علاش:
كلما نروح لتونس نلقا: صحابي الجنون متاع لقرايه بطّالة ولاّ يخدمو ب400د في الشهر.
صحابي لمصطك وخوه يخدمو في خدم موش نرمال:سفريات, شهريه ما بين 1000و1400د في اكبر الشركات (العام بعامين و اكثر في الجامعة )
تجي تحكي مع جماعة الكاب بون :هذيكه تونس اش تحب تعمل (تخمامهم من نوع ولد عايله عندو لفلوس ولّي عندو لفلوس ولد عايله)
تجي تحكي مع التوانسه:احنا التوانسه ولباقي جبوره

تجي تحكي مع القفاصه :التوانسه قنّنوات و ما همش باش يعدّيوها علينا
تجي تحكي مع السواحليه:اني الدوله امّا ديما الثاني
تجي تحكي مع الصفاقسيه:النّاس الكل تحب تولّي كيفنا
الخلاصة: كما تكونوا يُولّى عليكم

Clandestino a dit…

@
فعلا هذا هو الواقع و هذاكة علاش انا زادة نطمح و نتمنى و نرجو من ربي نهار من نهارات نشوف البلاد هاذي لاشنوة تشبه من برّة
و علاش عاطية بالضبط و لو انو برشة اخيان عرب و اجانب قالولي اللي البلاد
vu de l'ecterieur
عاطية على دبوزة الايرفراش بنكهة الخزامى

Clandestino a dit…

sonson:
omniti esde9 mte3na me yetktebch fel baladia...nchallah yetkteb fel konsolia...ki tebda fi taymour oriental

Tunisian and proud a dit…

shnowa sonya t7abb tente7er looool ?

Sonya a dit…

ما ذابيا يا
تونسي برود
امّا ما نجمش انخلي كلاندو وحدو

كلاندو : نحرقو و مبعد ربي يعمل دليل
احنا ديجا بيناتنا تلّ موش لازمة برشا الوريقة
نتلقاو اليلة فالمسنجر
كان جاي جيب شوية فاكهة و انا تو انحضّر التاي و انكحلّ وانفوّح
يا ولفي
:)))

) الكليمتين اللخرانين مستنبطين من غناية قالولي جاي تاع نبيهة كاراولي
ايا تشاو

أ بليييييس

dolce_vita a dit…

ah taswirit rl bousta fi las bized mouch fi el 9irwen :P

Clandestino a dit…

sidi bouzid, el kairouan ou encore el gassrine c'est pareil...

et on se calme mlle dolce vita... lol
pas la peine de confondre tout...ce qui est dit sur facebook reste sur facebook...le blog c'est autre chose ;)
je compte sur ta comprehension :pp