المصير المحزن لتونسيين كان لهم شرف معارضة بن علي والوقوف في وجهه خلال الثورة

لم تتغيّر الامور كثيرا 3 سنوات بعد فرار بن علي . ولم يتحقق الكثير مما طالب به محتجوّ 17 ديسمبر 2010 – 14 جانفي 2011، لم تتحقّق تنميّة جيّدة و لم يتوفّر الامن ولم تتحسّن ظروف عيش مواطني الدواخل واحزمة الفقر في المدن.

كثير من المواطنين يعتقدون انّ بقاء بن علي في الحكم كان ليوفّر لكثير منهم ما عجزت عنه حكومات مابعد الثورة . وهذا اعتقاد لا يخلو -للأسف-  من بعض الوجاهة، خصوصا بعد متابعة التطوّرات الاخيرة التي شهدتها قضايا جرحى و شهداء الثورة في طورها الاستئنافي . و قد اصدرت محكمة الاستئناف العسكرية احكاما تتراوح بين البراءة و بين السجن 3 سنوات لاهمّ قيادات بن علي الامنية، وهي احكام تسببت في حالة من الصدمة لعائلات الجرحى والشهداء و للشارع التونسي بشكل عامّ.

ومن خلال تلك الاحكام يبدو اليوم انه من الضروري القيام بجرد مفصّل لاهمّ الاحداث التي شهدتها السنوات الثلاث الاخيرة و خاصة منها الجزء المتعلق بالنشطاء الفاعلين في حراك 17 ديسمبر – 14 جانفي ، لانّ الاحكام الاخيرة و ان كانت صادمة و مستفزّة لمشاعر اهالي الضحايا و المؤمنين بالثورة فهي لم تكن مفاجئة بذلك القدر، حيث انها سبقت بعدد من الاحداث الممهّدة لها.

                                                                                              

صورتان بقيا في ذاكرتي تعبران افضل تعبير عن احداث الثلاثة سنوات الاخيرة:

الاولى صورة المعارض و الناشط الحقوقي خالد بوجمعة الذي تعرض لتعنيف شديد من قبل جماعات سلفية بسبب استقباله الاسير اللبناني في سجون الاحتلال سمير القنطار ، بسبب اتهامه انه شيعي. حيث لم تشفع له نضالاته السابقة و وقوفه في وجه نظام بن علي في وجه الحقد الطائفي الذي غزا الشارع التونسي بعد الثورة.

والثانية هي صورة الشاب صدام العكرمي يرقد على الارض مصابا برصاصة مطاطية في جنبه الايمن ،خلال احتجاجات اجتماعية امام مقرّ ولاية سيدي بوزيد يوم الخميس 9 أوت 2012 . و صدام العكرمي هو ابن الرقاب الذي كان في طليعة الاحتجاجات خلال جانفي 2011 و نشرت له صورة وهو يحمل الشهيد رؤوف الكدوسي وهو لا يزال ينزف .

يبدو اننا لسنا بازاء ثورة مضادة او  بقاء نظام بن علي في الحكم، بل نحن ازاء حالة من عدم العرفان و نكران لجميل كل من مهّد او ساهم في الثورة، حالة يشترك فيها الحكام الجدد مع الحكام السابقين .

وخلافا لما قد يتبادر لاذهان البعض فان الجزء الاكبر من قمع شباب الثورة كان في عهد الترويكا .. وحكومة الباجي قايد السبسي وان تورطت في اخفاء ادلة الادانة و اتلاف ارشيف الفساد فانها لم تتجرّأ على شباب الثورة و لم تعمد الى القائهم في السجون مثلما حدث بعد انتخابات 23/10

 .

و ما سياتي يقدّم بعضا مما تمكنت من رصده من حالات التنكر لجميل ابناء الثورة و التنكيل بهم:

جرحى الثورة : غياب الرعاية الصحية والاهمال التامّ للوضعية الاجتماعية:

مسلم قصد الله (الورداني) البالغ من العمر 24 سنة ،اصيب خلال الثورة بالرصاص اثر تعرضه الى موكب قيس بن علي في مدينة الوردانين (ولاية المنستير) ، ولم تتحسّن اصابته جرّاء الاهمال ، و قد ارسلته حكومة الترويكا  ضمن الوفد الثّاني الذي سافر إلى الدوحة للتداوي على حساب السّلطات القطريّة أواخر شهر ماي 2012، إلا أنّ سوء المعاملة وفشل العلاج هناك عجّلا بعودته إلى تونس بعد أقلّ من أربعة أشهر ، لتتعكّر وضعيّته الصحيّة شيئا فشيئا ما أضطرّه إلى إجراء عمليّة جراحيّة عاجلة تمّ من خلالها بتر ساقه اليُمنى في أحد المصحّات الخاصّة بالعاصمة تونس. (المشهد التونسي)

أمّا وليد الكسراوي أحد شباب منطقة الكرم الغربي (الضّاحية الشّماليّة لتونس)، والذي أُصيب بطلق ناري يوم 13 جانفي 2011، فقد تطوّرت اصابته لتصبح تسوسا في العظام نتج عنه فقدانه  ساقه اليُمنى ،وكان قد سافر أوائل جوان 2012 في اتّجاه فرنسا للعلاج على نفقةِ أحد رجال الأعمال إثر ما اعتبره الكسراوي مرارًا " وعودًا كاذبة " تلقّاها من طرف السّلطات المعنيّة في حقّه. (المشهد التونسي)

جريح الثورة محمّد الحنشي، ابن حمام الانف و يعمل في الصيد البحري، كان عائدا الى منزله يوم 13 جانفي 2011 فاطلق عليه الامن النار، وهو يعيش الاهمال والبطالة بسبب عجزه عن العمل مجددا، وهو يعاني مضاعفات اصابته مما اضطرّه الى اعلان اضراب الجوع وخياطة فمه حتى تلتفت السلطات الى وضعيته. (المشهد التونسي)

رشيد السّعداوي جريح حمام الانف ايضا ظل يعاني الاهمال وغياب الرعاية الصحية، وقد ظل  يسدّد كامل تكاليف فترته العلَاجيّة المُتمثِّلة في حصصٍ للتّدليك (الماساج) على أيدي دكتورٍ مختص في التّأهيل البدني والحركي، وهو ما أثقل كاهله ووالدته المُترمّلة التي لم تجد حلًّا بديلًا يخفّف من آلام ابنها الوحيد الذي تمسّك بكلمة "الحمدُ للّه" معتبرًا إيّاها دليله نحو برِّ الشّفاء. (المشهد التونسي)

المحاكمات و التهم الكيدية:

جريح الثورة جهاد مبروك (الشهيد الحيّ) أصيل مدينة الشابة ، الذي أصيب برصاصة في إعتصام القصبة وكانت بالإصابة البليغة جداً ،

أصدر في حقه القضاء التونسي في فيفري 2013 حكما بالسجن لمدّة 3 اشهر وَغرامة ماليَّة تقدّر بِمائتي دينار ، بتهمة الاعتداء بالعنف على رجل الأعمال توفيق المكشّر سنة 2011.  وذلك اثر قيام  أهالي المهدية بوقفة احتجاجية أمام بيته في أوت 2011 مطالبين “بمحاسبته على سرقته ثروات البلاد” (المشهد التونسي).

من جهة أخرى قام القضاء العسكري بالنظر في قضيَّة ضدّ جهاد مبروك بتهمة عدم تسوية الوضعيّة حيال قانون الخدمة العسكرية. وقد تسلم استدعاء كتابيا من كاتب المحكمة العسكرية الابتدائية الدائمة بصفاقس للمثول أمام مجلسها القضائي يوم 7نوفمبر2012 لمحاكمته في القضية رقم 12026 بتهمة عدم تسوية الوضعية إزاء قانون الخدمة العسكرية.

وهو مقيم حاليا في المغرب الاقصى (في حالة فرار) اثر المضايقات والتهديدات المتواصلة من قبل رجل الاعمال الذي يتهمه بالهجوم على بيته. و بسبب صدور حكم بشهر سجن في حقه جراء (تهربه من اداء الخدمة العسكرية) .. مصاب بالرصاص و يعاني بالسقوط و يعاقب من اجل التهرب من الخدمة العسكرية !!!!

شباب اجيم:

وجهت المحكمة الابتدائية بمدنين يوم 26 مارس 2013 أحكاما بعشر سنوات سجنا مع النفاذ العاجل في حق 10 شبان من منطقة أجيم بجربة. الشبّان العشر متّهمون بحرق مراكز شرطة في جربة بين 15 و 17 جانفي 2011.

وعن ملابسات القضية صرح طارق بن حمودة محامي المتهمين للمشهد التونسي أن خالد المثلوثي الرئيس السابق لمركز اجيم _ جربة قدم شكاية يوم 20 جانفي 2011 على اثر حرق المركز يوم 15 جانفي 2011 و كان ذلك بعد قتل الشهيد صالح خنافو في نفس اليوم من طرف عون أمن بمركز اجيم .

وقد نفذ أهالي مدينة جربة اجيم  اضرابا عاما يوم الأربعاء 24 أفريل 2013 تنديدا بالاحكام .

شباب منزل شاكر:

احيل على محكمة الاستئناف بصفاقس يوم الاربعاء 25 ديسمبر 2013; 11 من شباب معتمدية منزل شاكر من ولاية صفاقس بتهمة المشاركة في الثورة بعد أن قضت المحكمة الابتدائية صفاقس يوم الاثنين 2013/03/11 بالسجن لمدة 4 أشهر وخطية مالية في القضية عدد 823 لسنة 2012 .

تعود اطور هذه القضية إلى جانفي و فيفري2011 حيث شهدت مدينة منزل شاكر احتجاجات على نظام بن علي وعلى زبانيته.و قد طالب المواطنون بالكشف عن قائمة المرشدين للتشهير بهم.

وحسب ماورد في المشهد التونسي من تصريحات بعض الشباب المتهم  :"ما راعنا بعد ذلك في مارس 2012 توجه لنا المحكمة استدعاء  للمثول أمامها و تتالت الجلسات إلى أن حكم علينا في 11 مارس 2013 .و قد إستانفنا الحكم في إنتظار تحديد الجلسة.الغريب أن الشاكين كلهم كانت لهم صفات بالحزب المنحل من عمدة الي رئيس شعبة..و الاستدعاءت سلمت لواحد من الشاكين من طرف منطقة الحرس بجبنيانة لتسليمها لنا .كيف يسلم الشاكي استدعاء ليوصله الي المشتكى بهم..نحن شباب شاركنا في الثورة من بدايتها في صفاقس أمام مقر الاتحاد الجهوي للشغل و حمينا بعد ذلك المؤسسات و الأشخاص حتى المتورطين نظرا لصغر الجهة و حاولنا خلق جو من التضامن و هذا بشهادة الأمن و الجيش بينما كان الوشاة و الازلام في جحورهم..نحن نتمنى أن ينصفنا القضاءرغم هناته"

الأستاذ عبد الناصر العويني عضو لجنة الدّفاع عن المتّهمين أوضح , ان على القضاء تحمل مسؤوليته والحكم بعدم سماع الدعوى فمن العار ان يحاكم شباب  الثورة بسبب مشاركته في تحركات ايام الثورة.

فتحي الجلايلي:

فتحي الجلايلي عامل يومي يسكن في حيّ السيّدة في العاصمة، وهو متّهم بحرق مركز أمن نهج الساحل في مونفلوري في أحداث الثورة، و قد تمّ النطق بالحكم الإبتدائي في قضيّته بالسجن 10 سنوات . تم تخفيضها في الطور الاستئنافي في ماي 2013 الى 5 سنوات سجن .. 5 سنوات سجن سيقضيها شاب "زوّالي" في السجن، يقوم بأشغال تنظيف المراحيض من أجل سيجارة و "حكّة هريسة".

شباب منزل بوزيان:

صفوان بوعزيز (في حالة فرار منذ اكثر من سنتين)بسبب عدد من التهم:

-تنكيس علم

-  تكوين وفاق قصد الإضرار بالأملاك الخاصة و أملاك الغير و تعطيل حرّية عمل

- سلب حريّة و الأعتداء على موظّف أثناء أداء عمله (المعتمد).

علاء الحيدري جريح منزل بوزيان:

علاء حيدري جريح الثورة و المصور الفوتوغرافي أصيل منزل بوزيان تم ايقافه في سبتمبر 2013 ثم اطلق سراحه بعد ضغوطات من نشطاء حقوقيين ، لتتم دعوته مجددا للمثول امام  المحكمة الإبتدائية بسيدي بوزيد  بسبب عدد من التهم من بينها تنظيم وفاق . أي تكوين عصابة و قطع الطريق  مع إطلاق سراحه مؤقتا .

يذكر أن علاء حيدري أصيب في ديسمبر 2010 برصاصة في رقبته في منزل بوزيان أثناء المواجهات الأولى التي شهدتها المنطقة و إستشهد حينها عمه شوقي النصري و الشهيد محمد عماري .

بلال عماري و صفوان بوعزيز و حمزة نصري وفريد سليماني وعبد السلام حيدوري ايضا مطلوبون للتحقيق بسبب قضايا ملفقة اثر الاحداث التي تلت اغتيال الشهيد محمد البراهمي:

محمد فاضل احد المؤسسين لاعتصام القصبة 1 و كان من اوائل المحرضين على الخروج من منزل بوزيان و الذهاب للعاصمة في جانفي 2011، و تمّ اختطافه و تعذيبه خلال القصبة 2، و تعرّض لمحاولة الاغتيال بسكين في سوسة اثناء حكم الترويكا ، وهو حاليا مقيم في فرنسا و قد تقدم بمطلب لجوء سياسي

شباب تالة:

تمّ قبل يومين ايقاف الشابّين حلمي الشّنيتي شقيق الشّهيد غسان الشّنيتي و عصام عمري شقيق الشّهيد محمّد عمري أبناء منطقة تالة خلال عودتهما من العاصمة و التّهمة المنسوبة اليهما هي حرق مركز بوليس اثناء الثورة.

و تم عرضهما على حاكم التحقيق بالقصرين ليتم اطلاق سراحهما مؤقتا بعد توجيه اكثر من 18 تهمة اليهما.

و للتذكير فقد عانت عائلة عصام العمري من القمع البوليسي خلال شهر جانفي 2013، حيث حصلت مداهمة على منزلهم  من طرف قرابة 70 عونا تقلهم 8 سيارات شرطة .وتعرضوا للاعتداء والتعنيف حيث اصيبت أخته هاجر في رأسها عدة اصابات إنجر عنها  كدمات و ( غرز ) .واصيب عصام بكسر في يده و رضوض في رجله ..كما تم اعتقال شقيقيه احمد و خالد" (المشهد التونسي)

وذلك على خلفية احتجاجات عملة الحضائر في تالة بسبب عدم خلاص اجورهم.

وقال عصام العمري  أنه هو وعائلته يحسون أنهم مستهدفون من طرف الأمن لأنهم "لم يتهاونوا و لم يسكتوا عن البحث عن حق أخيهم الشيء الذي لم يستسغه الأمن " على حدّ قوله. (المشهد التونسي)

دخول و خروج

لغة بني هيفاء و بني نانسي وبني شمس الدين باشا لغة ثريّة برشة و قاعدة تتطور و تواكب الاحداث الهامة اللي شهدتها الأمّة و تواكب كذلك المفاهيم الجديدة الي تولدت في وقتنا توة. و منها افعال الدخول و الخروج .الدخول في سياقنا التونسي يفيد عشرات المعاني . كلمة "دخل" تعني فعل مجاوزة الباب و منها الكلمة التونسية العزيزة "زاز" العتبة معنتها دخل و تجاوز عتبة الباب ، و "زوز" في صيغة الأمر بمعنى ادخل أو تفضّل بالدخول... و يقال دخل للانترنات بمعنى أبحر و توغّل بعيدا و ضاع في غريق بحر المعلومات حتى كاد ان ينسى نفسه قبل ان ترجع له الـ404 الوطنية شاهد العقل ... و في الانترنات ايضا نقول دخل للفايسبوك (ينسنس و يبزنس) و دخل للقوقل و دخل على الياهو و على الآم أس أن .

و فلان دخل فيه "تران" (اي قطار) معنتها دخل بعضه و دخل و خرج في الحلّة ... و فلانة دخلت فيها غولة معنتها ضيّعت شيرتها و تفرعست امورها جرّاء اخبار تفيد بأنو راجلها "مصوحب" عليها و ربما يحبّ يبعثها دون سابق اعلام..

و في ارض المحروسة و بلاد فرعون القرن21 المبارك أبو جيمي يدخل الاخوة و يخرجون من البلاد عير الانفاق في حين يدخل غيرهم عبر صالة الشخصيات في مطار القاهرة ... و يقول ابو الغيط للجميلة زيبي ليفني "تفضلي ياختي البيت بيتك" ، و يقول مبارك لباراك اوباما عندما يدخله البلاد "تفضل ياخويا معليهش البيت موش قد المقام" احساسا منه بأنّ بلاده مقصّرة تقصيرا شديدا بتركها الانفاق مفتوحة لحد الساعة ..

و في بلادنا يدخل فعل الدخول في مجالات عديدة ..دخل يقرأ.. دخل يخدم بمعنى سلّكها ، و دخّلوه الحبس اي ربطوه ربطية باهية متاع 6 اشهر فما فوق بتهمة ترويج الاشاعات او الاعتداء على الاخلاق الحميدة ، و خرج من للجامع و دخل للبار و بالعكس خرج مالبار و دخل للجامع ..و ساعات يدخللهم لاثنين ...و دخل يعمل في ستاج و دخل يلعب في المنتخب و خرج من الدور الاول و دخل يعوّض في صاحبو في لعبة البيلوط و دخل في الربح و خرج مالخسارة و دخل في السياسة اي قفز و تلنسى و ارتفع دولاره مقارنة بدينارات الشعب الكريم ، و دخل للبرلمان معنتها ربح في البروموسبور... و تفتحلو باب من ابواب العرش

و فلان دخل في حيط او هو داخل في حيط (كما هو حال البلاد اليوم) اي انو ماشي لتالي ليس القدام او مارش آريار كما يقول فريديريك ميتيران عن صديقه و رفيقه لطفي البحري مخرج البرنامج المثير للغثيان مسافر زاده الابداع.. و أي ابداع

و فلان دخل في عفو الله و فلان خارج من رحمة ربي و فلان خرّجوه من السبيطار .. و دخلوه للجبانة .. و التوريست داخل البلاد لا فيزا لا والو ..و التونسي ما يخرج من البلاد كان بخروج الروح، الله انشالله يخرّجنا و يخرّجكم من ها البلاد سلامات قبل ما يهز ربي متاعو و قبل ما عمار يضربوا فيروس الكلب و يكلب على جموع المدونين و يحشيهم في قلبو و العياذ بالله.

حتى اولاد الحومة ولاو يعرفوا حدود حرّية التعبير

اضغط لقراءة المزيد

على عكس العديد من الكائنات الافتراضية اللي انغمست بصفة مرضية في الالعاب الافتراضية و ولات مختصّة في الكلام البذيء و الجارح في الفايسبوك و المدوّنات ، و لـحدّّ الساعة مازال اغلبهم يعتقد انّ حرية التعبير هي تسييب الماء على البطيخ و التخلي عن كل الضوابط الاخلاقية و عدم احترام ابسط قواعد الذوق السليم

ابشروا ...يا أهل قفصة

حسب صحيفة الشروق متاع نهارة الاحد (19/07/2009)، قالك السيّد وزير الشباب و الرياضة عمل رحلة مكوكية في ربوع ولاية قفصة و تجوّل بين مختلف المعتمديات و المناطق ، جايب معاه "حقيبة مالية" بـ 5 مليارات مليم ( اينعم خمسة مليارات بالتمام و الكمال مليم ينطح ملّيم) لإنجاز عدد من المشاريع لفائدة شباب الرديف و المتلوي و المظيلة و أم العرايس ، و بناء "دور شباب عصرية و ملاعب معشبة و مسابح " ... و قالك كذلك اللي المشاريع هذية حقيقة موش مجرد كلام خاصّة أنو وقتنا توة ماعادش وقت "دار الشباب الجامدة" اللي "تطغى على انشطتها الصبغة الرسمية و الخطابات الصعبة الفهم" و الشاب اليوم في حاجة "للانترنات و القنوات التلفزية العالمية و الرياضات الأنيقة مثل التنس و السباحة" ، و لذلك باش يتمّ توسعة دور الشباب و تعصيرها و تجهيزها بشاشات بلازما من الحجم الكبير و توفير الارتباط لكل القنوات التلفزية بما فيها المشفرة ، و باش يتمّ توفير الانترنات (متاع زوز ميغابيت في الثانية) بـ100 مليم الساعة...
و تم الاعلان كذلك عن انتداب كل خريجي شعبة التربية البدنية اصيلي الجهة بداية من السنة الدراسية القادمة ، و هاذية بصراحة و بدون (درجة ثانية) بشرى حقيقية للعديدين .

فمة بعض الحاقدين اللي يصطادوا في المياه العكرة اللي ربما يقولوا اللي الخمسة مليارات - لا قدّر الله -شويّة و ما تكفيش لإتمام كل المشاريع اللي ذكرتها ، هذوكم ما نجّم كان نوجّهلهم نصيحة من نصائح الدكتور عبد العزيز الجريدي باش يمشيوا يتمسّحوا على عتبات السفارات الاجنبية و يمارسوا الدعارة الحقوقية بعيد على بلادنا .

فـبالرغم من كون ّ جمعيات متاع كورة كيما الترجي او النجم عندها ميزانيات تتجاوز الحقيبة المالية متاع الحوض المنجمي ، و رغم ما يشاع عن بعض الناس اللي (و العلم لله) يصرفوا الخمسة مليارات هاذم في تبحيرة في جزر المحيط و شويّة كراهب ، او ما بلغنا من بعض الاطراف المشبوهة اللي فمة واحد تونسي شرى دار في امريكا الشمالية بـ 2 مليارات و نصف بحساب الدولار ،
فالخمسة مليارات مبلغ معتبر و كبير ، انا مثلا - و العياذ بالله من كلمة انا - مانتذكرش نهار مشيت للبانكة نلقى في الصولد متاعي مليار ، و نتحدّى اي من المدوّنين او القرّاء عاش التجربة (الرهيبة ) هاذي و كذلك الامر بالنسبة لغالبية الشعب الكريم ..
المليارات هاذية لعبة كبيرة برشة تتجاوزنا و تتجاوز اهالينا في الحوض المنجمي المساكين اللي خرجوا يصفقوا و يزغردوا (دائما حسب الجريدة ) احتفاء بالـحقيبة التاريخية .
لهنا عندي ملاحظة ربما تبدو للبعض شكلية و هي علاش يخليو 4 معتمديات في خمسة مليارات ؟؟ كيفاش باش يحسبوها ؟؟ كيفاش باش يقسموها ؟؟ لذلك نقترح اضافة معتمدية خامسة لاقتسام الحقيبة المالية ، لتسهيل الحساب و اضفاء مزيد الشفافية ... بحساب مليار لكل منطقة و ربي ينزّل البركة ... خاصة و انو الحكاية موش باش تفرّق برشة لعباد عاشوا اكثر من خمسين سنة في الميزيريا المزمنة.

العزوزة هازّها الواد (2) : البــكاء علـى فــقيد الأمـّــــة

الصّور من مجموعة الفايسبوك للبكاء على ملك البوب

في البيع و المبايعة

فعل المبايعة في العربية فعل أصيل و عريق عراقة هذه الأمّــة البيّوعة البائعة عرضها للقاصي و الدّاني...فالبيعة تعود لفعل البيع , فنقول باع يبيعُ بيعــًا و "بيعة" و نقول ايضا باع بشطر السّوم اي باع بالخسارة و عمل بروموسيون بلغة السوق ،أو باع (سيّارة زوجته) أي عاقبها عقابا شديدا و نكّل بها تنكيلا منكرا (و العياذ بالله). و من فعل البيع نقول كذلك البْيوع فتسمع التجار في شمال البلاد و جنوبها يرددّون "ماثمّاش بْيوع" اي أنّ التجارة كسدت و بارت و ضاقت سبلها .

كما كانت العرب قديما تستعمل فعل المبايعة من بايعَ يبايعُ أي عاهد و بارك و أقسم يمين الولاء (الدّائم) و ناشده و كبّش فيه حتى يبقى مكانه الى يوم الدّين.
و منها بيعة الرضوان "...إذ يبايعونك تحت الشّجرة فعلم ما في قلوبهم ..." اذ عاهد القوم رسولهم على الدفاع على الإسلام و نصرته حتى تعلو رايته في الأرض. و بيعة شيوخ العروش و قبائل العربان لعلي بن غذاهم ثائر ماجر و فارسهم لإسقاط الحكومة و التخلص من جور الباي و ظلمه ...قبل ان يدورو في الحياصة و يتركوه في نفر قليل حتى تمكن منه الباي و اخمد الثورة.

و نقول ايضا في نفس السياق ابتاع اي اشترى (اكثر من حاجته) و ترك في كارفور ما أمامه و ما وراءه ، و باع نفسه بثمن بخس فتحوّل الى سلعة لها ثمنها في السوق فهو بائع و مباعٌ في نفس الوقت ، و بيّوع.

و من المصطلحات التي يستعملها اهالي بلاد الكنتول في حياتهم اليوميّة كلمة تحمل اعمق المعاني و يندر ان توجد كلمة لها نفس الثراء و العمق و الدقّة في النعت و الوصف وهي الـ بـِـيعة. وهي تستعمل دلالة على المشاكل و المعضلات التي يكون سببها السّلع (البائتة) من الناس، و مما يروى ان اعرابيا من المطلوبين (الروشارشي) وقع في يد الأمير و أمر بضرب عنقه فضرب كفّا بكفّ و قال "مــلاّ بِيعة ..." أي ملاّ حصْلة و الحصْـلة كما يصفها صاحب لسان العرب هي "الوقعة السوداء" التي لا فكاك منها.
و تسمع احيانا سائق سيّارة التاكسي عندما يغرق في جحيم السيركولاسيون في غرغور القايلة يقول "ملاّ بِيعة..." أي "ملا وحلة" و "ملاّ بنقة" و ماهذا المأزق الذي لا ارى منه مخرجا.
وعندما يكون المدرّس مستغرقا في الدرس (و جايب ماعندو) و يسمع احد التلاميذ الملاعين ينشد اغنية الفيراج "زادمين ...زادمين..."فلا يملك الا ان يرمي الطباشير من يده و يشعل سيجارة خارج القسم مرددا "ملاّ بِيعة "اي "ملا كورة اش عملت فينا" وهي تعني ايضا بلغة المثقفين "ماهذا الدمار يا الاهي".

و نصل في النهاية للبَيْعة اي العهد و الميثاق و الولاء الدائم لأولي الامر وهي بِيعة مولّية" اي تمشي الى الخلف باضطراد ...وهي انواع :
فثمة من يحبّ بَيْعة واحدة...مدى الحياة ، اي ان تبيعه الناس انفسها دفعة واحدة إلى أجل غير مسمّى.
و هناك من يحبّ التكرار و الاجترار و تفصيل التفاصيل على مقاسات و اوزان و احجام البيّوعة من ذوي الشأن في البلاد.
فيبتاع رضى الناس بالتقسيط المريح...و يجدد البيعة بالزازة و العرعور كل بضعة سنوات ...و يهلّ هلال هالة الركبي بلسانها المشقوق. فتمجّد الارقام و تعدّها و تعددها و تحصيها ملايين و دنانير و ملاليم...وهي بذلك تحثّ الناس على البيْعة.
و للبيّوعة (كما ورد في كتاب العبر لابن خلدون) مقاسات و أطوال و أوزان...فثمّة القصير القريب من الأرض اللذي لا خوف منه و لاهم يحزنون...و ثمّة الأخرس الذي قطع لسانه و اجم نفسه بيده ، فهو يرى العوج بعينه و لكنّه لا ينطق و لا يتكلم و لا يقول 'هنا بئر" الا بعد ان تقع الفاس في الرأس ، وهو ايضا مأمون الجانب لا خوف منه ولا خطر.
و ثمة الصنف الاخير من البيّوعة وهو صنف الحلزون و دود الارض ، العاجز ، الملقى تحت الأقدام و على الأرصفة ، فهو عاجز لا يردّ البلاء عن نفسه و لا عن غيره، فهو مهضوم الجانب ابدا ، غير مهاب لا من الصغير لا من الكبير، و يعزى بقاؤه الى حدّ اليوم (على قيد الحياة) لصحّة الرقعة و شدّة صحّة العين و الوقاحة.

اما اوزانهم (جميعا) فهي اخفّ من وزن الريشة ، و اقل شانا من ذلك بكثير ، وهم "يميحون" مع الأرياح و مع كل هبّة نسيم ، فلا جدوى منهم و لا خير يرجى منهم و لا من اتباعهم و مأجوريهم .
نجّانا الله و إياكم من شرّ البيعة و البيّوعة و السلام

مبروك لبلعوط الجمهورية ... و عليه العوض في حقوق الإنسان

اضغط لتكبير الصورة

ملاحظة:
انا منعرفش بقية اسماء تشكيلة المنتخب التونسي لحقوق الإنسان, و خاصّة القائمة الأولى -المشهود لها بالنزاهة و الكفاءة- لكن و بما أنو سي برهان بسيّس يتوسّط القائمة , نجّم نستنتج (باعتماد القياس ) شكونهم البقية و شنية خلفياتهم و المجالات اللي تظهر فيها نزاهتهم و كفاءتهم...و اللي بالتأكيد مجالات لا تمت بصلة لـ حقوق الإنسان

علاش يتضرب المكتب التنفيذي؟؟ و علاش يمنع الكاتب العام؟؟؟

حسب بعض المصادر النقابية , تقدّر نسبة نجاح الاضراب العام متاع البارح في قفصة بأكثر من 85% ,اضراب جاء تعبيرا عن التضامن مع اهالي غزة من جهة, و للاحتجاج على اقتحام مقر الاتحاد في قفصة و الاعتداء بالعنف على عديد النقابيين و منهم اعضاء المكتب التنفيذي الجهوي... باستثناء السيّد الكاتب العام.

و يبقى السؤال لهنا , علاش الناس الكل تاكل بالمسبط و المتراك ؟؟؟ و علاش يمنع السيّد الكاتب العام ؟؟؟

انشالله يكون السبب هو الحصانة البرلمانية (على خاطر السيد عضو في مجلس النواب لعدة دورات) باش ما يخلّيش الباب محلول امام فرضيات اخرى... أنا نرجّحها شخصيا .

لوقو الاسبوع الــــتّدويـــني

الرجاء من الأخيان و الاخيّات المدوّنين اللي باش يدوّنوا من اجل اهالي الحوض المنجمي بقفصة وضع اللوقو الخاص على صفحاتهم...
أو نقل الكود من مدوّنة ستيبور

(و قبل ما ننسى(تحية لصديقي البرباش اللي عمل اللوقو

حوار تاريخي

حدّث مؤرّخ الغفلة, الراوية المجهول , المؤلّف المغمور, مدوّن اخبار بلاد الياجور و الكنتول...قال:

بعد دخول شهر ذي الحجة لسنة 21 , سمع النّاس ضجّة عظيمة و دويّـا منكرا يشبه دوي الابواق الا انه اشد منها و اكثر شناعة ...فاهتزّت افئدة القوم و كادت قلوبهم ان تنخلع جزعا و هلعا ... و ظنّو ان الكارثة قد حلّت بالبلاد و ان الوباء الاسود قد ضرب من جديد , او ان الفرس و الروم مجتمعين قد ضربوا خيامهم على الابواب مستعدّين لغزوهم و ابادتهم جميعا ...
فتركوا ما كان بأيديهم من صناعة و اعمال و رمت النسوة ما كان أمامها من (طناجر و مقافل و كساكيس ), و هرعوا جميعا الى ساحة القصر (وهو قلعة محصّنة كانت و لا تزال مقر حاكم البلاد) يستجلون الامر.فإذا بالخليفة "المستفتي" المعروف بـ "أبي الصناديق " يقف على شرفة من الشرفات يرقب الجموع الوافدة من كامل انحاء المدينة .

و لمّا اكتمل الحشد و لم يبق في البلاد من رجل أو امرأة أو طفل في المهد الا و وقف امام الشرفة و انصت ينتظر خبرا قد يكون سعيدا و قد لا يكون...

قام الخليفة, وضع يده على بطنه , مدّ هامته الى الأمام كمن يريد ان يطلع احدا على سر من الأسرار, ثمّ تنحنح, و سعل , ثمّ تنحنح ثانية و رمى (قذيفة) من عصارة أنفه على يمينه...و انطلق يخطب في الناس:

"اراكم و قد فزعتم و بان عليكم الخوف (يبتسم ابتسامة المزهو بنفسه و بانجازاته) , ما سمعتموه قبل حين كان منادي الخلافة , فقد استعضنا عن حناجر المنادين في الاسواق بأبواق جديدة... وهي اصلح و انفع و اكثر فائدة مما عهدتموه..."

(تصفّق الرعيّة)

"لقد جمعتكم اليوم بعد ان بلغني انّ فيكم من ينكر فضلي و يجحد نعمتي , و فيكم من يحيك المؤامرات و يعقد التحالفات و يدعو الناس من اهل البلاد و من خارجها للبيعة, و انّي اريد ان اسألكم عن بعض الأمور فاجيبوني عليها حتى ارتاح و اطمئن و لكم الامان ان تقولوا ما شئتم فلن اسجن احدا بعد اليوم ,و لن اجلد احدا بعد اليوم ,و قد صرفت السيّاف فلا مجال بعد اليوم لقطع الرؤوس و ضرب الاعناق , و لا مجال بعد اليوم لقطع الأرزاق و تضييق الخناق على ناكري الجميل جاحدي النعمة, فهذا عهد اخذته على نفسي و سألتزم به ما دمت حيا..."

(تصفيق و هتاف )

"هل فيكم من لم اصله بنعمتي؟"
الرعية (بصوت واحد) : "لقد وصلتنا النعمة و شبعنا بالنعم حتى ضربَـتْـنا على شاهد النعمة"
"الم اصرف عليكم المال الكثير و لم اترك في ذلك مليّما الا و انفقته لخير البلاد و العباد؟"
الرعيّة (بلسانها العامي):" صحيح ... و الله ما خلّـيتلنا الملّيم"
"ألم اطعمكم و كنتم جياعا؟؟"
الرعيّة : "بارك الله فيك على خبزالباقات و زيت الحاكم و دجاج الحاكم و الباكو حليب بودينار"
" الم اكسكم و كنتم عراة؟"
الرعيّة :" الله يخلف على امريكا و فريب امريكا"
"الم اجعل لكم سيارات تقودونها , الكثير منها شعبية ,و منها الغير شعبية؟"
الرعيّة: رزق ساقه الله للشرطة و واضعي اللافتات و مستعملي الشنقال"
"اسهر الليالي -على خاطركم- و انتم نائمون"
الرعيّة: " صحيح احنا ديما راقدين"
" باهييي يجيش منّو تبدّلوني؟"
الرعية (بصوت واحد) : لاااااا
"يجيش منّو تبعثوني؟"
الرعيّة (البعض يهتفون بحياة الرقم سبعة): " لااااااا
"يجيش منو تكربصوني؟"
الرعيّة: لااااااااا
"يجيش منّو تنسوني بعد منام عيني؟"
الرعية ( تبكي ): لاااااااا
"توّة ارتحت ...الحمد لله ....اللهم فاشهد ...اللهم قد بلّغت, ..."

ة

قالو اعطيني وذنك...باش نسمّعك الكلام الزايد

البارح عرفت روحي قداش غالط ... بوصفي من اوفياء تونس 7 ...البارح دفعت الثمن متاع الغلطة متاعي...و سمعت الكلام الزايد و دخلتلي السفاهة موش من الشباك و الا مالزنقة و الا مالفروخ متاع الحومة... البارح سمعت الكلام الزايد من اهم وسيلة اعلام في البلاد , التلفزة الحكومية متاعنا اللي من حقي كدافع ضرائب و مساهم في ميزانيتها بفاتورات الستاغ انو يحترموني و يحترمو مشاعري و مشاعر الناس اللي معايا و يحترموا اخلاقنا و يعرفو شنوة اللي يجي و شنوة اللي مايجيش.

جايبين واحد زوفري (كحلوشة) و يهنتلو فيه و عاملينو كراكوز و عاطينو فرد زعمة زعمة كاستينغ, وهو يحاول يورّي روحو ويعطي ماعندو ... و تسيّب الفرامان و تفاعل المسكين مع الموقف اللي يمثّل فيه و بحكم انو ماعندوش حوار فلجأ للقاموس اللي يتقنو اكثر من غيرو.

كان يمكن انو الكلام اللي قالو يقعد غادي و يتنحى في المونتاج, الا انو تعدّى و وصل لتلافزنا الارضية و الفضائية, و تصدمت بالحق , على خاطر الكلام اللي تقال مافيهش حتى شبهة و ماعندوش حتى تفسير آخر, لانو ساعات يتعدي كلام في التلفزة و يبرروه مبعد بانو كلام عادي في بعض جهات الجمهورية , اما كلام كحلوشة البارح يعتبر من الكلام البذيء المتعارف عليه و الفصيح ...

باش الواحد ما يظلموش المسكين , على خاطرو هذاكة حد عقلو و ماعندوش قاموس آخر ينجم يستعملو ف حاولت نلقى المبررات للي صار , قلت ممكن التقني اللي يعمل المونتاج موش تونسي (مايفهمش كلامنا الزايد) ممكن انو عامل كعيبات (حاشا الشهر) و فاقد الوعي متاعو , و ممكن فمة نية مبيّتة و المنشّط اللي يقدم في البرنامج في بالو انو الناس تحب شكون (يـز***) عليهم بعد شقان الفطر... و على فكرة السيّد المنشط الضامر قاعد يكزيستي ها الايامات في البلوقوسفير بمدونة اشهارية (موش لازم نسميها ) قوتها في المنهجية اما المحتوى صفر كيما مولاها...و هاذية موضة رمضان السنة , حك راسك اعمل مدونة "رمضانية" و اعمل حملة اشهارية في الفايسبووك و في المدونات الاخرى و بمراسلات المايل, و مبعد احشيها كيما جاء و عدي روحك باللي تقدر عليه...

و ممكن زادة انو عمار و جماعتو سيبو الماء على البصل... قال شنوة ماهو تحبو تنحيو الصنصرة... هاو نحيناها جملة ...

حصيلو انا نفركس في اشكون سجلها الحلقة متاع البارح (05 سبتمبر 2008) و بقدرة ربي موش باش نعديهالهم بالساهل ( شركة السيماد للانتاج و التلفزة التونسية و منشط الحصة)

ة

Another one bites the dust...Sofino

.

ة

The Salad Life ... عمر السلاطة

العشرية الأولى:
تسهرون الليلة...
مع توجيهات السيّد الرئيس...
بحضور السيد محمد المزالي... و ثلة من المناضلين...
نخوض اللهيب...
بروح الحبيب... زعيم الوطن

العشرية الثانية:
قولو "تحيا تونس"...
انّ شعبنا قد بلغ من الوعي و النضج ما يسمح لكل أبناءه و فئاته بالمشاركة...
اللاءات السبع...
لا مجال للظلم والقهر...
لا مكان للفوضى والتسيب...
لا مجال في عصرنا لرئاسة مدى الحياة
ولا لخلافة آلية ...
لا سبيل لاستغلال النفوذ أو التساهل في أموال المجموعة ومكاسبها...
و قل اعملوا...

العشرية الثالثة:
و إذ نعرب عن بالغ الارتياح والامتنان...فإننا
سنعمل جاهدين...لـنؤسس
مدرسة الغد...
و نبني...
مجتمع المعلومات...
و نرسي ...أسباب المناعة والازدهار
جودة الحياة ... اقتصاد المعرفة...
سليمان...قفصة...مقومات تطور ورفاه لكل الفئات والجهات والأجيال

في نفس الوقت:
غيّر الفرنسيس صور "البورتريه" من جدران مكاتبهم ... 4 مرّات
و رمى الماريكان بصور 6 من رؤسائهم... و كذلك الألمان
و يستعدون لاستقبال الصورة السابعة...