كيما قلت في العنوان ، هاذية تدوينة موجّهة للمدوّنين دون غيرهم لذلك نعتذر لقرّاء المدوّنة من غير المدوّنين
انا في التدوينة هاذية باش نعبّر على رأيي الشخصي في التدوين و المدونات بذكر الأسماء (المستعارة) متاع المدونين...(موش كيما (جرت العادة ) في السبّ الافتراضي ، و لو انو التدوينة هاذي مافيهاش سبان )
يزّي من اللغة الغير مباشرة ، و اللغة متاع رميان المعنى من بعيد لبعيد ،المرة هاذية باش نقول رأيي بكل وضوح ...اللغة اللي عادة نلجألها باش نتجنّب مقصّ عمار موش باش نستعملها لا لشيء الا لأنو يكفينا رقيب واحد و موش لازم نعيّشو بعضنا في خوف مستمرّ من رقابة بعضنا البعض .
ملاحظة اخرى تهم التعليق :باب التعليق باش يكون كان للمسجّلين في بلوقر ، اي لا مجال للانونيم ومرحبا بالجميع.
ملاحظة اخيرة : انا مانيش نتبّع بالقدى في اللي يصير في البلوقوسفار و خاصة المدونات الجديدة و المعارك الافتراضية الجانبية و باش نحاول نتحدّث على الشي اللي ريتو و اللي تبّعتو.
توة كي قريت التدوينة متاع سمسوم ( البلوغسفار : التّغيير ) و كذلك نصّ ولادة ( هل وصل الإرهاب للبلوغسفار ؟؟؟ ) في نفس السياق تذكرت البلوقوسفار في السنوات الماضية و العادات (الحميدة ) اللي تكونت لدى المدونين كيما تنظيم الايام التدوينية (لحرية التعبير و غيرها)... المستوى الراقي للحوار ، التضامن بين المدونين ، الاحترام ، الفهم الصحيح لعملية التدوين ، الحرية اللامحدودة ، الرغبة في التخلص من الرقابة الذاتية و تحدي رقابة الرقيب ، هاذية كلها كانت تميّز البلوقوسفار و المدونين في الفترة الماضية.
توّة تحل تي آن بلوقس ، شنوة تلقى ؟؟ عاشور ناجي يمجّد في وفاء سلطان و اسرائيل و ديمقراطية اسرائيل و حكومة اسرائيل ... و في جرّتو مجموعة من الشخوص الافتراضية معظمها من العربية السعودية و من مصر ، قال شنوة علمانيين ، نهار كل و هوما يعديو في الدعاية للفيديوات المسيحية و متاع الميميري تي في ... من جهة اخرى العيّاش قالك القرآن غالط و الاسلام راهو حكاية فارغة ... براسطوس رجع و كيف كيف ، يحكي على الصحيحين و عايشة زوجة الرّسول و اغتصاب مقنن ...
ويني الحرّية ؟؟ وينو الرأي الحرّ ؟؟ ويني التعددية ؟؟؟ نفس الموضوع و نفس النقاش و نفس النصوص تعاد و تكرر من نفس المصادر... و اللجوء للتصويت الوهمي في التي ان بلوقس للظهور دائما في صفحة النصوص الاكثر شعبية و اعطاء فكرة خاطئة عما ينشر في البلوقوسفير التونسي، و الحرص على استعمال وسائل (بيداغوجية) في نصوص التدوينات ، كيما الحروف الكبيرة و الملوّنة باحجام مختلفة ، منعرفش للتأكيد و التلقين و إلا لانعدام الثقة في المستوى متاع المتلقي اي قارئ المدوّنة اللي ربّما تفوتو المعاني الكبيرة متاع النص التدويني.
المجموعة المذكورة لفوق ولات متخصصة في التدوين التفاعلي ، و يكفي انو تظهر تدوينة جديدة في مدونة النضال ضد الطابور الخامس او مدونة طارق الكحلاوي باش تقوم القيامة و يمرّ اسبوع تدويني تعيس مافيه كان السبّ والشتم و النصوص الضحلة اللي لا نفع من ورائها...حرب غزّة ... الاسلاموفوبيا ... الطابور الخامس ... الارهاب الفكري...عقلية رئيس القبيلة و الفرس...و لغة اخرى كثيرة مقرفة (مثيرة للاعصاب)...
مانيش عارف علاش الاصرار و الاستماتة على التدوين التفاعلي ؟؟؟ و تضييق الخناق على بقية المدوّنين ؟
التدوين تحوّل الى عملية إعتياش (كيما النباتات الطفيلية) من نصوص الآخرين، و ولى فنّ في مضايقة و قمع الرأي الآخر و محاصرته (مخطئا كان او على صواب)...
فإذا كان تشوفوا اننا جهلة و سقط متاع و أشباه أميين اعذروا جهلنا و خلوّنا كيما كنا جاهلين...
اذا كان تحبّوا تحلّولنا عينينا و تفيّقونا بحقيقة اننا نعيشو في بلاد خوانجية (كيما ايران و افغانستان) و يلزم نوليو علمانيين كيفكم ، مارسي ، تونس منذ الاستقلال و هي خوانجية ، و باش تبقى كيما هكة لمبعد ما تموتو ...زايد تعبو في ارواحكم
إذا كان تحبّوا تدخّولنا كيما عاشور لنادي المعجبين (فان كلوب) متاع اسرائيل و ديمقراطية اسرائيل ...كيف كيف ...مارسي هو عنّا الدروس متاع الدعاية القزوردي ... نكمّلو دروسنا و مبعد نقراو عندكم ما فيها باس.
خلاصة القول اللي يعتقدو انو المدونة هي منبر و بوق من ابواق (الدعاية) للتأثير في القرّاء و احداث تغييرات اجتماعية فكرية كبيرة راهم غالطين و ماهمش فاهمين التدوين
و اللي يتصوّرو انهم بحساب مجاني في البلوقر ولاو من الشخصيات العامّة (بأسمائهم المستعارة) و ربما دخلو التاريخ...زادة يغلطو ياسر
المدوّنين اللي في بالهم انو كيف تكتب عليهم صحيفة ذات توجّه سياسي معين كيما صحيفة الطريق الجديد متاع حركة التجديد ولاو يتبعو الشأن العام للبلاد و نساو انو مافماش قطوس يصطاد لربي ، و انو الصحيفة المذكورة تعدّي في التدوينات اللي تخدم توجّه الحزب متاعها ضمن حدود معينة و محاذير مفروضة من رقابة عمار 4004.
المدوّنين اللي يعانيو في الدنيا من العزلة (الفكرية) (لهنا مانيش نقصد الزبراط لأنو عندنا حكاية خاصة حول موضوع مشابه على الفايس بوك لذلك باش ما يوقعش الالتباس نقول اللي الزبراط غير معني بكل ما ورد في هذه التدوينة ) و يتبنى افكار بعيدة ياسر على الواقع التونسي و فشلت منذ عشرات السنين في ايجاد قاعدة كبيرة في المجتمع ، فكان المجتمع الافتراضي بالنسبة ليه بمثابة الدواء ، اللي خرّجو من العزلة و خرّج برشة اخرين كيفو ، و كانت فرحة اللقاء و التضامن الكبير و محاولة تلافي الخيبات في الواقع .
انا لهنا نحكي على جماعة اليسار (موش كيما قال البي تي بي يميني يجبد شوية على اليسار ) نحكي على اليسار التونسي اللي على عكس الحركات الراديكالية في العالم قعد في بلاصتو و مانجمش يتطور و يمشي لقدام...في العالم طلعت حركات تطالب بالتنمية العادلة و حركات تنادي بمصالحة التنمية مع البيئة و اقامة شروط عادلة في التجارة بين البلدان...في حين اليسار التونسي الكل كبّش في موضوع واحد هو الحرب على الإسلام ... و هذا موضوع آخر.
بحيث انا في نهاية الامر مانيش ندافع على تيار فكري محدد،و او دين محدد ... بالعكس ، انا ندافع على روحي من الدمغجة و الدعاية و لغة "لن يمرّو يا صديقي " (هاذية قالها مرة براسطوس او ارتيكولي لأحدهم نسيت اشكونو ههه الجماعة يتصوّرو رواحهم في حرب حقيقية و مواقع و خنادق و جيوش فرانكو دزّت عليهم هههه)... انا يا سيدي ندافع على حرّيتي...على اعصابي من سياسة القمع...نحاول نحقق اللي عجزت عليه (و عجز عليه الجميع) في الدنيا وهو التعبير بكل حرية و التعبير بدون قيود و لا حدود و لا محاذير .
وصل الواحد في فترة من الفترات انو كي يجي باش يكتب حاجة يتفكر الرقابة (موش متاع الرقيب) لكن نتفكر رقابة المدونين متاع قمع الرأي الآخر و خاصة المدوّن عاشور ناجي اللي يسمّيه قصّة اونلاين (حلبودة) نقلك فكّني و اخطاني و نبطل ما نعبـّرش.
و هذا موش شعوري وحدي بل شعور اغلب المدوّنين الأخرين اللي اختفاو في الفترة الحالية و كانوا يمثّلو ثراء و عمق و تنوّع البلوقوسفار , كيما زياد المحيرصي و طارق الكحلاوي و طارق الشنيتي و سمسوم و و القوفرنور و فريرايس .
لهنا تذكرت كيفاش الجماعة المذكورة اعلاه او واحد منهم (اظنه براسطوس او أرتيكولي) طلع بحكاية النعجة و لية الكبش , حول انضمام المدونين لطارق الكحلاوي و مساندته في آرائه حول الاسلاموفوبيا ...و كانّ تقاسم الافكار و الآراء و المشاغل مع شخص آخر هو بالضرورة الولاء و التبعية ... كانّ العلاقة ماتنجم تكون كان عمودية حتى في المجتمع الافتراضي ...ثمّ لو افترضنا انو فمة تأثر و اعجاب بأحد المدوّنين ...ويني المشكلة ؟؟؟
طارق الكحلاوي و زياد المحيرصي و طارق الشنيتي و العديد اللي نسيتهم يمثّلوا قصص نجاح و هذا حبينا و الا كرهنا...قصص نجاح لشباب توانسة آمنوا بقدراتهم و وصلوا لمستويات مشرّفة (تشرّف البلاد ككل) ...وينو العيب في الاقتداء بيهم (هذا لو افترضنا دائما ان نظرية عاشور ناجي متاع شيخ القبيلة صحيحة) ؟؟
و السؤال اللي يطرح نفسو ...هل انّ السيّد هذا (عاشور او براسطوس او ارتيكولي و البقية اللي نسيت اسماؤهم ) يرتقي لمستوى طارق الكحلاوي المدوّن و طارق الكحلاوي الدكتور في جامعة روتجرز...
صعيب ياسر الاجابة على هذا السؤال لأنو التخفّي وراء اسماء مستعارة يأكد عكس ذلك ، و اذا كان فعلا فمّة نظريات جديدة و افكار في الفلسفة و العلوم و تفسير النصوص الدينية و تفكيكها فمن غير المعقول نشر هكذا افكار بإسم مجهول .
في الجهة المقابلة نلقاو زوز مدوّنات هوما مدونة النضال ضد الطابور الخامس و مدوّنة قصّة اونلاين . و باش نكون واضح و صريح ، اذا كان باش نختار بين الجهتين فإني باش نختار الجهة هاذي.
مدوّنة ضد الطابور الخامس جات كتنفيس عن غضب العديد و كحركة طبيعية للتعبير على رفض القمع الفكري و سياسة (ماكش معانا راك خوانجي و اعتماد البعبع الاسلامي لإيصال مضامين مشبوهة في معظمها كتمجيد انجازات الاحتلال في العراق و ابداء الاعجاب بديمقراطية اسرائيل ) و اللي يقول العكس فهو ارهابي بالضرورة و خوانجي.
و بالمناسبة برشة مدونين كالبي تي بي و الزبراط و عاشور ناجي و ازواو الصومنديل اوراغ و ولادة و فررر صاحب مدونة المطرقة محتارين حول هوية عبرات و علّيسة و تانيت (المشرفات على مدونة النضال ضد الطابور الخامس) و فيهم شكون قال اللي هوما من جنس الذكور و لهنا نسأل شنوة الفرق ؟؟ ذكور او من اناث او من كائنات مرّيخية اين الاشكال ؟؟ اش يغيّر في الموضوع ؟؟ اشكون قال اللي شخصيات المدونين باسماء مستعارة هي على نفس الجنس المذكور في البروفيلات متاعهم ؟؟؟ ياخي اللي يحل حساب في البلوقر يلزم يمدّ مضمون ولادة (عندو اقل من 3 اشهر) ؟؟ ما فهمتش علاش الاصرار هذا الكل على معرفة الواقفين وراء المدونة المذكورة ، و رغم التخمينات العديدة فما تجرّا حتى واحد منهم باش يقدّم اسماء لمدونين او غير مدوّنين ينجمو يكون هوما مدونات النضال ضد الطابور الخامس ...
مانيش فاهم علاش الستراس هذا الكل ، خصوصا انو مدونين كيما البي تي بي و الزبراط و ولادة و المطرقة ليسو معنيين بتدوينات النضال ضد الطابور. وهو في نهاية الامر خيار، كل حدّ يختار الحفظ على سرية هويتو و معلوماتو الشخصية من عدمها ، و اللي يحب يعرف هوية عليسة و تانيت و عبرات ماعليه كان يبدأ بنزع قناعه اوّلا.
انا با ننهي التدوينة نقول للجميع انو التدوين راهو موش خدمة ناخذو عليها في الشهرية ، و اذا كان ولّات فيها وجيعة راس و قلق وفمن الاجدر انو الواحد ينسحب كيما عملوا برشة مدونين و نخليوها واسعة و عريضة للاستحقاق 2009 و المدون نوفل المصري و المدونين الوطنيين الشرفاء .و المستفيد الوحيد هو عمار الرقيب اللي ارتاح مالهرج من غير ما يستعمل المقص ..البركة في مقص المدونين
و ماذابية كذلك انو الغائبين و المغادرين (ازواو الصومنديل الاوراغ ، مريومة ، طارق الكحلاوي ، طارق الشنيتي، سمسوم ، فرفر ، زيزو و اللي نسيتهم ) يرجعو خلي تصفى القلوب و تتنحى الخلافات الكل خاصة انو الاكيد انو نقاش كيما هذا يلزم يكون بصفة مباشرة موش بطريقة التعليقات و النصوص المختصرة باش يتم تجنب الفهم الخاطئ و حصر مواضع الاختلاف و مناقشتها بطريقة متحضرة من غير حساسيات و من غير احكام مسبقة و من غير قمع
انا في التدوينة هاذية باش نعبّر على رأيي الشخصي في التدوين و المدونات بذكر الأسماء (المستعارة) متاع المدونين...(موش كيما (جرت العادة ) في السبّ الافتراضي ، و لو انو التدوينة هاذي مافيهاش سبان )
يزّي من اللغة الغير مباشرة ، و اللغة متاع رميان المعنى من بعيد لبعيد ،المرة هاذية باش نقول رأيي بكل وضوح ...اللغة اللي عادة نلجألها باش نتجنّب مقصّ عمار موش باش نستعملها لا لشيء الا لأنو يكفينا رقيب واحد و موش لازم نعيّشو بعضنا في خوف مستمرّ من رقابة بعضنا البعض .
ملاحظة اخرى تهم التعليق :باب التعليق باش يكون كان للمسجّلين في بلوقر ، اي لا مجال للانونيم ومرحبا بالجميع.
ملاحظة اخيرة : انا مانيش نتبّع بالقدى في اللي يصير في البلوقوسفار و خاصة المدونات الجديدة و المعارك الافتراضية الجانبية و باش نحاول نتحدّث على الشي اللي ريتو و اللي تبّعتو.
توة كي قريت التدوينة متاع سمسوم ( البلوغسفار : التّغيير ) و كذلك نصّ ولادة ( هل وصل الإرهاب للبلوغسفار ؟؟؟ ) في نفس السياق تذكرت البلوقوسفار في السنوات الماضية و العادات (الحميدة ) اللي تكونت لدى المدونين كيما تنظيم الايام التدوينية (لحرية التعبير و غيرها)... المستوى الراقي للحوار ، التضامن بين المدونين ، الاحترام ، الفهم الصحيح لعملية التدوين ، الحرية اللامحدودة ، الرغبة في التخلص من الرقابة الذاتية و تحدي رقابة الرقيب ، هاذية كلها كانت تميّز البلوقوسفار و المدونين في الفترة الماضية.
توّة تحل تي آن بلوقس ، شنوة تلقى ؟؟ عاشور ناجي يمجّد في وفاء سلطان و اسرائيل و ديمقراطية اسرائيل و حكومة اسرائيل ... و في جرّتو مجموعة من الشخوص الافتراضية معظمها من العربية السعودية و من مصر ، قال شنوة علمانيين ، نهار كل و هوما يعديو في الدعاية للفيديوات المسيحية و متاع الميميري تي في ... من جهة اخرى العيّاش قالك القرآن غالط و الاسلام راهو حكاية فارغة ... براسطوس رجع و كيف كيف ، يحكي على الصحيحين و عايشة زوجة الرّسول و اغتصاب مقنن ...
ويني الحرّية ؟؟ وينو الرأي الحرّ ؟؟ ويني التعددية ؟؟؟ نفس الموضوع و نفس النقاش و نفس النصوص تعاد و تكرر من نفس المصادر... و اللجوء للتصويت الوهمي في التي ان بلوقس للظهور دائما في صفحة النصوص الاكثر شعبية و اعطاء فكرة خاطئة عما ينشر في البلوقوسفير التونسي، و الحرص على استعمال وسائل (بيداغوجية) في نصوص التدوينات ، كيما الحروف الكبيرة و الملوّنة باحجام مختلفة ، منعرفش للتأكيد و التلقين و إلا لانعدام الثقة في المستوى متاع المتلقي اي قارئ المدوّنة اللي ربّما تفوتو المعاني الكبيرة متاع النص التدويني.
المجموعة المذكورة لفوق ولات متخصصة في التدوين التفاعلي ، و يكفي انو تظهر تدوينة جديدة في مدونة النضال ضد الطابور الخامس او مدونة طارق الكحلاوي باش تقوم القيامة و يمرّ اسبوع تدويني تعيس مافيه كان السبّ والشتم و النصوص الضحلة اللي لا نفع من ورائها...حرب غزّة ... الاسلاموفوبيا ... الطابور الخامس ... الارهاب الفكري...عقلية رئيس القبيلة و الفرس...و لغة اخرى كثيرة مقرفة (مثيرة للاعصاب)...
مانيش عارف علاش الاصرار و الاستماتة على التدوين التفاعلي ؟؟؟ و تضييق الخناق على بقية المدوّنين ؟
التدوين تحوّل الى عملية إعتياش (كيما النباتات الطفيلية) من نصوص الآخرين، و ولى فنّ في مضايقة و قمع الرأي الآخر و محاصرته (مخطئا كان او على صواب)...
فإذا كان تشوفوا اننا جهلة و سقط متاع و أشباه أميين اعذروا جهلنا و خلوّنا كيما كنا جاهلين...
اذا كان تحبّوا تحلّولنا عينينا و تفيّقونا بحقيقة اننا نعيشو في بلاد خوانجية (كيما ايران و افغانستان) و يلزم نوليو علمانيين كيفكم ، مارسي ، تونس منذ الاستقلال و هي خوانجية ، و باش تبقى كيما هكة لمبعد ما تموتو ...زايد تعبو في ارواحكم
إذا كان تحبّوا تدخّولنا كيما عاشور لنادي المعجبين (فان كلوب) متاع اسرائيل و ديمقراطية اسرائيل ...كيف كيف ...مارسي هو عنّا الدروس متاع الدعاية القزوردي ... نكمّلو دروسنا و مبعد نقراو عندكم ما فيها باس.
خلاصة القول اللي يعتقدو انو المدونة هي منبر و بوق من ابواق (الدعاية) للتأثير في القرّاء و احداث تغييرات اجتماعية فكرية كبيرة راهم غالطين و ماهمش فاهمين التدوين
و اللي يتصوّرو انهم بحساب مجاني في البلوقر ولاو من الشخصيات العامّة (بأسمائهم المستعارة) و ربما دخلو التاريخ...زادة يغلطو ياسر
المدوّنين اللي في بالهم انو كيف تكتب عليهم صحيفة ذات توجّه سياسي معين كيما صحيفة الطريق الجديد متاع حركة التجديد ولاو يتبعو الشأن العام للبلاد و نساو انو مافماش قطوس يصطاد لربي ، و انو الصحيفة المذكورة تعدّي في التدوينات اللي تخدم توجّه الحزب متاعها ضمن حدود معينة و محاذير مفروضة من رقابة عمار 4004.
المدوّنين اللي يعانيو في الدنيا من العزلة (الفكرية) (لهنا مانيش نقصد الزبراط لأنو عندنا حكاية خاصة حول موضوع مشابه على الفايس بوك لذلك باش ما يوقعش الالتباس نقول اللي الزبراط غير معني بكل ما ورد في هذه التدوينة ) و يتبنى افكار بعيدة ياسر على الواقع التونسي و فشلت منذ عشرات السنين في ايجاد قاعدة كبيرة في المجتمع ، فكان المجتمع الافتراضي بالنسبة ليه بمثابة الدواء ، اللي خرّجو من العزلة و خرّج برشة اخرين كيفو ، و كانت فرحة اللقاء و التضامن الكبير و محاولة تلافي الخيبات في الواقع .
انا لهنا نحكي على جماعة اليسار (موش كيما قال البي تي بي يميني يجبد شوية على اليسار ) نحكي على اليسار التونسي اللي على عكس الحركات الراديكالية في العالم قعد في بلاصتو و مانجمش يتطور و يمشي لقدام...في العالم طلعت حركات تطالب بالتنمية العادلة و حركات تنادي بمصالحة التنمية مع البيئة و اقامة شروط عادلة في التجارة بين البلدان...في حين اليسار التونسي الكل كبّش في موضوع واحد هو الحرب على الإسلام ... و هذا موضوع آخر.
بحيث انا في نهاية الامر مانيش ندافع على تيار فكري محدد،و او دين محدد ... بالعكس ، انا ندافع على روحي من الدمغجة و الدعاية و لغة "لن يمرّو يا صديقي " (هاذية قالها مرة براسطوس او ارتيكولي لأحدهم نسيت اشكونو ههه الجماعة يتصوّرو رواحهم في حرب حقيقية و مواقع و خنادق و جيوش فرانكو دزّت عليهم هههه)... انا يا سيدي ندافع على حرّيتي...على اعصابي من سياسة القمع...نحاول نحقق اللي عجزت عليه (و عجز عليه الجميع) في الدنيا وهو التعبير بكل حرية و التعبير بدون قيود و لا حدود و لا محاذير .
وصل الواحد في فترة من الفترات انو كي يجي باش يكتب حاجة يتفكر الرقابة (موش متاع الرقيب) لكن نتفكر رقابة المدونين متاع قمع الرأي الآخر و خاصة المدوّن عاشور ناجي اللي يسمّيه قصّة اونلاين (حلبودة) نقلك فكّني و اخطاني و نبطل ما نعبـّرش.
و هذا موش شعوري وحدي بل شعور اغلب المدوّنين الأخرين اللي اختفاو في الفترة الحالية و كانوا يمثّلو ثراء و عمق و تنوّع البلوقوسفار , كيما زياد المحيرصي و طارق الكحلاوي و طارق الشنيتي و سمسوم و و القوفرنور و فريرايس .
لهنا تذكرت كيفاش الجماعة المذكورة اعلاه او واحد منهم (اظنه براسطوس او أرتيكولي) طلع بحكاية النعجة و لية الكبش , حول انضمام المدونين لطارق الكحلاوي و مساندته في آرائه حول الاسلاموفوبيا ...و كانّ تقاسم الافكار و الآراء و المشاغل مع شخص آخر هو بالضرورة الولاء و التبعية ... كانّ العلاقة ماتنجم تكون كان عمودية حتى في المجتمع الافتراضي ...ثمّ لو افترضنا انو فمة تأثر و اعجاب بأحد المدوّنين ...ويني المشكلة ؟؟؟
طارق الكحلاوي و زياد المحيرصي و طارق الشنيتي و العديد اللي نسيتهم يمثّلوا قصص نجاح و هذا حبينا و الا كرهنا...قصص نجاح لشباب توانسة آمنوا بقدراتهم و وصلوا لمستويات مشرّفة (تشرّف البلاد ككل) ...وينو العيب في الاقتداء بيهم (هذا لو افترضنا دائما ان نظرية عاشور ناجي متاع شيخ القبيلة صحيحة) ؟؟
و السؤال اللي يطرح نفسو ...هل انّ السيّد هذا (عاشور او براسطوس او ارتيكولي و البقية اللي نسيت اسماؤهم ) يرتقي لمستوى طارق الكحلاوي المدوّن و طارق الكحلاوي الدكتور في جامعة روتجرز...
صعيب ياسر الاجابة على هذا السؤال لأنو التخفّي وراء اسماء مستعارة يأكد عكس ذلك ، و اذا كان فعلا فمّة نظريات جديدة و افكار في الفلسفة و العلوم و تفسير النصوص الدينية و تفكيكها فمن غير المعقول نشر هكذا افكار بإسم مجهول .
في الجهة المقابلة نلقاو زوز مدوّنات هوما مدونة النضال ضد الطابور الخامس و مدوّنة قصّة اونلاين . و باش نكون واضح و صريح ، اذا كان باش نختار بين الجهتين فإني باش نختار الجهة هاذي.
مدوّنة ضد الطابور الخامس جات كتنفيس عن غضب العديد و كحركة طبيعية للتعبير على رفض القمع الفكري و سياسة (ماكش معانا راك خوانجي و اعتماد البعبع الاسلامي لإيصال مضامين مشبوهة في معظمها كتمجيد انجازات الاحتلال في العراق و ابداء الاعجاب بديمقراطية اسرائيل ) و اللي يقول العكس فهو ارهابي بالضرورة و خوانجي.
و بالمناسبة برشة مدونين كالبي تي بي و الزبراط و عاشور ناجي و ازواو الصومنديل اوراغ و ولادة و فررر صاحب مدونة المطرقة محتارين حول هوية عبرات و علّيسة و تانيت (المشرفات على مدونة النضال ضد الطابور الخامس) و فيهم شكون قال اللي هوما من جنس الذكور و لهنا نسأل شنوة الفرق ؟؟ ذكور او من اناث او من كائنات مرّيخية اين الاشكال ؟؟ اش يغيّر في الموضوع ؟؟ اشكون قال اللي شخصيات المدونين باسماء مستعارة هي على نفس الجنس المذكور في البروفيلات متاعهم ؟؟؟ ياخي اللي يحل حساب في البلوقر يلزم يمدّ مضمون ولادة (عندو اقل من 3 اشهر) ؟؟ ما فهمتش علاش الاصرار هذا الكل على معرفة الواقفين وراء المدونة المذكورة ، و رغم التخمينات العديدة فما تجرّا حتى واحد منهم باش يقدّم اسماء لمدونين او غير مدوّنين ينجمو يكون هوما مدونات النضال ضد الطابور الخامس ...
مانيش فاهم علاش الستراس هذا الكل ، خصوصا انو مدونين كيما البي تي بي و الزبراط و ولادة و المطرقة ليسو معنيين بتدوينات النضال ضد الطابور. وهو في نهاية الامر خيار، كل حدّ يختار الحفظ على سرية هويتو و معلوماتو الشخصية من عدمها ، و اللي يحب يعرف هوية عليسة و تانيت و عبرات ماعليه كان يبدأ بنزع قناعه اوّلا.
انا با ننهي التدوينة نقول للجميع انو التدوين راهو موش خدمة ناخذو عليها في الشهرية ، و اذا كان ولّات فيها وجيعة راس و قلق وفمن الاجدر انو الواحد ينسحب كيما عملوا برشة مدونين و نخليوها واسعة و عريضة للاستحقاق 2009 و المدون نوفل المصري و المدونين الوطنيين الشرفاء .و المستفيد الوحيد هو عمار الرقيب اللي ارتاح مالهرج من غير ما يستعمل المقص ..البركة في مقص المدونين
و ماذابية كذلك انو الغائبين و المغادرين (ازواو الصومنديل الاوراغ ، مريومة ، طارق الكحلاوي ، طارق الشنيتي، سمسوم ، فرفر ، زيزو و اللي نسيتهم ) يرجعو خلي تصفى القلوب و تتنحى الخلافات الكل خاصة انو الاكيد انو نقاش كيما هذا يلزم يكون بصفة مباشرة موش بطريقة التعليقات و النصوص المختصرة باش يتم تجنب الفهم الخاطئ و حصر مواضع الاختلاف و مناقشتها بطريقة متحضرة من غير حساسيات و من غير احكام مسبقة و من غير قمع
35 commentaires:
برافو كلاندو
ظهور مدونة ضد الطابور الخامس زادة، خلى العديد م المدونين يصاب بحالة هستيرية... ههههههههههه
بعيدا عن الشخوص الواقفة وراء المدونة، و الافكار و القناعات اللي تحاول القايمات عليها التعبير عنها... فإنو ضربهم في مقتل (اللي هو انوثتهم، على حسب اعتقادهم) أصبح الهاجس الوحيد للعديد م المدونين.
نتذكروا عمناول ش صار جرة هاك الحملة متاع 15 جوان أدوّن من اجل الإسلام، و كيفاش كان السعي لإفشالها عبر السعي لضرب الشخوص الواقفة ورائها و تم التركيز على شخصية تيتوف الإفتراضية كداعي للحملة... كيف تتفكر الحكاية هذيكة وقتها، تظهر لعب ذراري قدّام الشي الصاير توة
كلاندو ،أشكرك على طرح هذا الموضوع الذّي اضحى مقرفا في تن -بلوغ حيث أضحى السّب والشتم في حضور دائم وتقريبا يوميّا ،كما أن نوعيّة المواضيع تقريبا لا تهمّ الواقع التونسي المعاش إجتماعيّا ،سياسيّا، فكريّا...ورغم اختلافنا قي بعض النّقاط فقد
آلمني جدّا مغادرة عمّ علي سعيدان لفضاء التّدوين فهو قيمة معرفيّة وفكريّة لا تضاهى. نتمنّى من التدوين أن يسمو قليلا ويطرح المشاكل والحلول إن امكن التي تهم واقعنا اليومي بجميع نواحيه
هذا بوست خطير برشة خاتر فيه دعوة للحجب الذاتي يمكن ماتتشافش طول، إذا المواضيع المتداولة في البلوغوسفير متداولة معناها راو ثمة حاجة لطرح المواضيع هاذي، و مش على خاترها تقلق وحدين لازم نبطلوا ما نحكيوش فيها (كيف مكانة المرأة في الإسلام مثلا) ، آنا كي نشوف العياد تجاوب في بعضها من مدونة لمدونة ببوستوات و حجج و تعلّق عند بعضها نفرح ماغير حتى اعتبار للموضوع، خاتر تلإختلاف حاجة صحية، و العباد لي كيف كلاندو لي يلوجوا على بلوغوسفار لعباد الكل تمسّح على بعضها تذكرني في بعض برامج قناة سبعة وين لعباد الكل وسطيّة و متفاهمة. ليوم لازمنا ثقافة حوار تتبنى، و مافيها باس تضحّيو و تقبلوا آراء راديكالية خاتر هاذاكا لي يصنع الوسطية الصحيحة، تحبّوا مدونين فوتوكوبي على بعضهم؟؟ و سامحني شكونك انتي باش تقول شنوة التدوين و كيفاش لازمو يكون؟؟؟ عالأقل كنت تنجم تقول "نظرتي آنا للتدوين كذا و كذا" أما طريقتك متاع عطيان دروس للمدونين أقل مانجم نقول عليها مغرورة و غير محترمة للمدونين هاذم حتى طرف. و زيد تحب تحدد للعباد على شنوة يحكيو إذا هوما بإسم مستعار، شمعناها بربي تقول إذا عندك أفكار فلسفية مالازمكش اسم مستعار؟ إذا عندي أفكار فلسفية و ظروفي ماتسمحليش باش ندوّن باسمي باش نبطّل على خاتر سيادتك؟؟ و تحكي على مدونة الطابور تقولش عليهم زادوا فكرة جديدة، و هوما أغلب تدويناتهم انتقاد للصهيونية و الامبريالية (لي هوّا حاجة باهية) كتعويض لعجزهم نقد بعض أفكار الطرف المقابل، تقولش علينا ما فيبالناش باسرائيل ، ولّي كي نفهموا الأعمال الصهيونية باش نوليو ماعادش يسار ههههه.. و زيد قصّة أون لاين علماني، و نتصور شتيمة ليه و لمستواه أنك تحطّوا فرد مجموعة مع الثلاثي المرح. أخيرا، حبيت ننتقد نظرتك للبلوغسفار المتأثرة بالشخصيات، أنو طارق الكحلاوي أستاذ جامعي قي أمريكا ما يعطيهش حق فيتو ولاّ مكانة زايدة عالعباد في البلوغوسفار (رغم مستواه التدويني العالي)، و المقارنة من أصلو بين شخصيّات المدونين حاجة زايدة و باطلة و ماعندها وين توصّل.. أخيرا نحب نقول لي وافقتك في بعض النقاط، أما ماعجبنيش الخوف من المواجهة، ماو كيما قلت تونس خوانجية و باش تبقى خوانجية و احنا عباد معزولة فكريا، علاش تحب تحرمنا مالتعبير لهنا زادة؟؟؟ عمري لا كنت نتصوّر يا كلاندو لي عندك عمّار متخبّي في وسطك، شكرا على كل حال
هههههههه
أ أعلنت الحرب ؟ تبا ... أعطني سيفي
هههه
أنا العام الي فات و قت الي بدى يزدهر التدوين التفاعلي حبيت ننسحب ... جاو تفاعلوا مع التدوينة متاعي و أتهموني بالترهدين
المشكل حسب رأي الي انزاد الى التدوين التفاعلي هو ظاهرة المدون النجم ...بأعتبار تزايد قراء المدونات و باعتبار فايس بوك الي خلى المدونين يحسوا بأهميتهم في العالم الافتراضي
الى انجر عن هذا هو أنوا برشة جماعة جدت عليهم و قريب بش يجيو يدونوا بكرافات و هكة تفاقم الايقو .. و تفاقم الشعور بالدور الحربي و الاستراتيجي لدى البعض و جاب ربي مش الكل
تلقاهم يحكيوا عالبلوقسفار تقولش عليها طريح غميضة وقالك جماعة الطابور يحيبوهم يحيبوهم
هو بالله , خليني نعرج عالطابور و الا الصف ... خليني بش نكون موضوعي نقول (كلام قلتوا على مدونة الطابور) أن أسم و فلسفة المدونة يعتمد على المحاكمة ... و أحنا مش ناقصين محاكمات
أما البوليميك متاع ذكورة و الا ايناث ..و الا حتى ترافستي .. ما فهمتش شنوة الي بش يغير ؟ اللهم فم احتقار دفين للمرأة و قدرات المرأة .. و هذا مش غريب عالبعض ...مثلا عاشور ناجي وقتها صديقة علقت على مقال كتبوا .. اتهمني أنا بأنتحال شخصية مرأة ...ههه ...الجمل ما يشوفش حدبته
خليني نختم بالمستوى الحضاري متاع عدة مدونين ماعادش نشوفوهم برشة لأن رغم الاختلافات الايديولوجية بيناتهم قعدوا يقدروا بعضهم و يحترموا بعضهم .. مش كيما البعض ..توة نجي نسلم عليه و الا نحكي معاه يبدى يحكي معايا بطريقة باردة اذا مش حادة تقولش عليا قتلتلوا بوه و الا أموا
Je voulais rendre hommage aux blogs en qui j'ai cru .. j'en oublierait des tats .. mais je pense a Temeraire, a Infinity a zizou from djerba, sydonica, Psynaj,arabicca,Chanfara, clandestino, Barbech, tonton Jacob , petit beure, Free race, Belmalwene,Kissa Online, Azwaw, Walid Ben Omrane, Tarek Kahlaoui , Samsoum, Orchea, Amrouch, Kmaira, Wallada, abou Nadhem, Adam Salhi, Tarek cheniti, stupeur, BTB,Meriouma de paris, Bent Ayla , Bechir, chiheb..etc etc
c'est biensur pas une liste exhaustive .. tout ceux là et d'autres on fait le printemps de l'écriture blogospherique ... et on a apprecié leur style leurs écrits .. et non pas en quoi ils pourraient insulté un tel ou entrer en guerre avec un tel
a bon entendeur , salut !
ya ..nsit las number one .. et surtou ...SONSON
:p
يعطيك الصحة على التّدوينة يا كلندوا ! انا يضهرلي المشكل بدا نهار اللّي المدعوّ عاشور واللّي معاه بداو يحاسبوا في اللّي يخالفهم الرّأي ومشاو الى ابعد من هذكا بالتّهجّم والاستفزاز... يعني بلغة اخرى يا معانا والاّ انت مْكشّط ورجعي وظلامي واخوانجي...يعني كان عندنا آراء مخالفة رانا ما انّجموا نكونوا كان اعداء وهذا اللّي ما كانش موجود قبل في البلوغسفار... ثمّ نوافقك في حكاية العزلة الفكرية واللّجوء للمجتمع الافتراضي بالنسبة بمثابة الدواء... امّا في ما يخصّ مدونة النضال ضدّ الطابور الخامس فهي ردّ طبيعي ولازم بعد الاسهال اللّي اصاب بعد المدوّنات وهاكم تشوفو هالنّهارين بعد تدوينات قصّة اون لاين ومدونة النّضال حلبودة (شهر قصّ/الصق) بدا يرجع لمكانتو العادية بعد ما ركبتلو وجدّت عليه حكاية النّجومية!
على كلّ انشاء الله يرجعوا الاخوة اللّي قصّوا على التّدوين والاختلاف لا يفسد لنا في الودّ قضية (مع احترام الآخر)
أهلا برباش، تقول في تعليقك الي ظهور مدونة الطابور اصابت البعض بحالة هستيرية، اذا كان هذا رايك، السماح، شخصيا ما ريت في نصوص هالمدونة كان شتم مخالفي الرأي (ارجعلها و ثيت) اطلاق نعوت من نوع قطط و حمفى الخ، و ما ريت في هامدونة كان نصوص متاع ، تلميذ متوسط اذا هذي ندوينات تسبب الهستيريا السماح، بصراحة ما تسبب شي
من فضلك ماعادش تجيب سيرتي في محلك
نقطة
@3ayech:
عاود ثبّت توة تلقى اني اشرت عديد المرات اللي هذيكة ارائي الشخصية و ماهياش دروس و مانيش مالنوع اللي يعطي في الدروس
و انا بالعكس مانطالبش بالرقابة الذاتية
اما زادة مانحبش شكون شادلي خناقي ، قاعد في راس النهج ما يسيّب حدّ ، اللي يقول حاجة يجي في رقبتو
يزيونا بربي الناس فدّت
ما يزيش مقص الرقيب تزيدونا رقابة اخرى منا فينا
@زبراط:
نعتذر ...خطأانشالله ماعادش يتكرر
@frrrr:
صحيح فمة سب في مدونة النضال ضد الطابور
لكن السب كان في معظمه ردا على سبّ مدونين اخرين
كيما البي تي بي اللي وصفهم باوصاف مخجلة و كذلك ازواو الصومنديل اوراغ
حق الرد من ابسط الحقوق
@gouverneur:
من قواعد الحروب الافتراضية انو الجميع يحط موديراسيون على التعليقات
يفسّخ العدو الافتراضي من قائمة الاصدقاء في الفايس بوك
و من قائمة الروابط في المدوّنة
و يشدّ الخندق متاعو وراء شكاير الرمل
و يشد السلاح
أم16 و الا آي كاي 47 و إلا رشاش عوزي ....ماهو حتى الاسلحة انواع حسب الخنادق و المعسكرات ههههههه
و عمار من غادي جابد علينا الشتاير ههههه
@gouverneur:
sonia !!!!!!
ya hassra je ne sais même pas si elle se rappelle du bon vieux temps
@calandestino :
مانسيتش وما ننساش
اما وليت محايدة ملّي تقسمت البلوغوسفار الى زوز فرق غير قادرة على التعايش بسلام
@sonny:
7atta esmi wallit tektbou belghelt !!!
:'(
@^3ayech :
توة عاودت قريت التعليق متاعك
اللي تحكي عليه , تنجم تعملو في نطاق منتدى متخصص على خاطر المنتديات تتلاءم اكثر ببرشة لهذا النوع من النقاش
خير من احتكار فضاء كامل كيما التي ان بلوقس
clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino clandestino
désolée chéri c t just une faute de frappe
"اللي تحكي عليه , تنجم تعملو في نطاق منتدى متخصص على خاطر المنتديات تتلاءم اكثر ببرشة لهذا النوع من النقاش
خير من احتكار فضاء كامل كيما التي ان بلوقس"
!!!!!!!!!
Si ce n'est pas de la censure ça !!
Pour que TN Blogs change, ce n'est pas à moi de changer, c'est à vous d'innonder la blogosphère de posts différents! C'est ça la diversité! Je ne suis pas contre, au contraire, moi aussi je suis nostalgique ! Mais je ne vais pas me mettre à écrire ce que je ne sais pas écrire parce que certains ont une certaine image de Tn Blogs! Je suis prêt à faire des efforts, bien sûr, mais il ne faut pas exagérer...
لا موش صنصرة
هذاكة رأيي الخاصّ
خاصة انو المنتدى يوفّر اطار تفاعلي اكثر ببرشة من المدونات
باقي مافهمتش انا مقتلكش بدّل
انا ماذابية كل حدّ يدوّن افكارو و اراؤو و يعبّر كيما يحبّ من غير استعمال اسلوب الدعوة أو اسلوب الدعاية
و قمع الرأي المخالف
و فمة فرق بين التعبير (الحرّ) و بين الاعتياش من تدوينات الآخرين
و راجع التدونات السابقة خاصة مدونة عاشور ناجي و ساعات مدونتك و مدونة براسطوس توة تلقى العديد و العديد من التدوينات تعملت في السياق هذا
ثمّ انو النقاش هذا و (مقارعة الحجة بالحجة و البرهان ) توّة عندو اشهرة واقف في بلاصتو
مئات التدوينات تكتبت في الموضوع و مافمة شي
تنجم تقلي وين المشكلة ؟؟؟ زعمة النقاش هذاية ماعندوش نهاية ؟؟ و اذا كان متنتظرش منو نتيجة علاش القلق ؟؟؟
تي
القضية موش في اغراق الموقع بالتدوينات
يا خويا دوّن خوذ راحتك
اعمل الف تدوينة يوميا، المهمّ ما تقمعنيش و ما تفرضش عليا رأيك
على خاطر هذاية هو الارهاب بيدو و هاذي هي اساليب الدعوة اللي يعتمدوها الخوانجية
مافماش فرق بين الخوانجي و الدعاة نوع عاشور ناجي
كلّو ارهاب
كلّو قمع
و انا بصراحة نقعد باهت في حسين مؤسس الموقع
لأنو في الوقت اللي قام فيه بفسخ عضوية العديد كيما نادر (المدون الحر) و قاسم (جمهورية قاسم) و تيتوف , و المواطن
يخلي امور كيما هكة تتواصل في الوقت اللي يلزمو يتدخّل
حاجة اخرى انا نقترح انو تتعمل شروط يلزم كل من يحب ينضم للموقع يوافق عليها
و هاذية ماهياش صنصرة بقدر ماهي نقطة تنظيمية هامة باش يتم تلافي اللي صاير
أهلا فررر
السماح يا خويا... أما هذاكة رأيي راهو
ما قصدتكش بمن أصابتهم الحالة الهستيرية، لكن لو ريت انك معني أو مقصود بكلامي، هذيكة امورك
مصر على كلامي، في ما يخص الحالة الهستيرية اللي أصابت البعض، بغض النظر عن الشتم و النعوت و الرّد و حق الرد... مانيش بش ندافع على أي طرف، لكن اتنجّم تلاحظ بعض ردود الأفعال لبعض الإخوة المدونين في الفترة اللي تلت ظهور مدونة ضد الطابور، تو تفهم كلامي من خلال إصرارهم على إقحام المدونة هذيكة و القايمات عليها في أي حاجة، و إصرارهم على أنهم ذكور متخفيين وراء شخصيات أنثوية في نفس الوقت اللي يتعمدوا فيه نعتهم بصفات مخزية أقل واحدة هي العهر...
بالله مجرّد تساؤل... هل هناك ما يثبت أنو عاشور الناجي مثلا، ماهوش انثى متخفّي في شخصية ذكر؟؟؟؟
مجرّد تساؤل بسيط و بريء... بساطة و براءة إلحاق صفة الذكورية بالقائملت على مدونة ضد الطابور الخامس
كيف تختم كلامك و تقول بصراحة ما تسبب شي (نحكي ع الحالة الهستيرية)... نقوللك بصراحة يا خويا، ماكش قاعد اتّبع مليح في اللي قاعد يجرى... و موش عن غرور بل عن قناعة، نأكّدلك زايد تناقشني في حكاية كيف ما هذي لأنّي مانيش نحكي من فراغ و نجيبلك في عوض الدليل (الرابط) ميا و نزيد لو كان لزم
تحياتي
@ clandestino
j'ai lu que parmi les blogs censurés il ya le blog de mouaten.
il s'agit du mien? :p
كلامك يا هذا في النافخات زمرا....
احنا يا سيدي لازمنا ازمات توحدنا
هذه الامة لابد لها ان تاخذ درسا في التخريب كيما قال مظفر ...طبعا نظرة عدمية للاشياء هذي اما يظهرلي بديت نومن بيها اليوم ..وقت اللي يبدا الجوا راكح تتفكر العباد مواجعها وكل واحد يغني لليلاه ...وهذا من حق كل واحد ..العلماني يسب الدين والاسلامي يعملحملات وفتاوى والقومي يعمل طابور ويشد الوسط باش ما يطيح عند هذا او الاخر ...واشكونو اللي يستميل اكثر اصوات في التدوينة متاعو....موش اشكون اللي يقنع ؟؟؟كان البلوغسفير عندو خط واضح يجمع الناس الكل في الخملات الاولى اللي افتتحناها ...واستمرت وساعات تكون اعتباطية وبنت وقتها كيما متاع الفيضانات ...والتضامن مع المدون السعودي فرحان او الحرب على غزة او حرب بيروت او ..او...والامثلة ياسر طويلة للي مازال عندو ذاكرة ....اما اللي يتصور انو التدوين بدا فعلا بديل اعلامي حقيقي وانو قاعد يوصل للعباد وممكن يستقطب بيه ناس لحزب او فكرة او مذهب فهو غالط بالضرورة ...يا جماعة شوفو اش كان نتيجة نضالكم ضد عمار اللي قهركم الكل بالصنصرة ومن بعد شايخ عليكم وانتم متعاركين وكل يوم مازالت تتسكر مدونات ...اش عملتو من سنتين واكثر لا شئ على الاطلاق ....واغلب حتى اللي كانوا يكتبوا بامتياز كيما البيق والا اللص والا ازواو او طارق او ادم او فريراس ...علاش استقالو وانا واحد منهم على فكرة ...تسالهم يقولك قينية ولعب فروخ ووووووكلام اخر مانحبش نقوله ...يمكن حسين عمل مزية كي نح التصويت لاحسن مدونة ...وكان يزيد يكمل مزية يسكر الاقريقاتار جملة وخلي وقتها اللي عندو حانوتة يلوج وين يحلها ....
وكل عام تدويني وانتوما ملتمين هكة ..على العرك ؟؟
انستو
si tout le monde veut donner des leçons à tout le monde, alors là sans commentaire
un seul mot clendestino, qui t'a dit qu'on est stréssés à propos des personnages des blogueurs du Tabour ? et souviens toi que j'étais la première qui les a défendu contre les grossièretés qu'elles ont subie .
et à tes gouverne, personnellement je me cache pas derrière quoi que ce soit dailleur je publie mes articles sur face book avec mon vrai nom pas sous le même profil de Tn blogs
Une des raisons pour lesquelles j'ai quitté Tn-blogs...
Bizarre, Clando a répété qu'il ne donne aucune leçon a personne, qu'il expose son propre avis sur une situation de plus en plus désagréable; sauf que qques bloggeurs, mécontents sans raison, trouvent q c trop??? Ayech comme d'habitude cherche la petite bete, zabrat et azwaw crient comme des gamins" ne parlez pas de moi" ils tiennent des blogs et interdisent aux autres de les invoquer ( quelle liberté ) wallada donne tjrs des leçons ce qu'elle interdit aux autres( apres tout c'est elle l'enseignante supposée inculquer l'esprit crtique a nos enfants)... je me demande comment continuer a rester neutre dans cette "chakchouka" et continuer a blogguer et écrire ce que bon me semble???
نظن انك نسيت مجبدتش واحد مهم برشة وكان عندو دور كبير في تعكير الاجواء وبث الفرقة والكراهية بين الناس وذلك من خلال بعض مداخلاتو وعن طريق الايميلات التحرضية الي بعثها للناس لتاليبهم
الاسلاموفوب اون شاف الي عامل عقصة حصان في راسو( ننتهز الفرصة باش نحييه اكيد هو عارف نفسو كويس)
هذا بالنسبة للجو العام
بالنسبة للحركات التضامنية وبعض المساندات الي كانو عفويين وتلقائين فقدو اهميتهم وقيمتهم لعدة اسباب:
دخول بعض الصحافيين المحترفين على الخط واستغلالهم للوضع
نشر بعض التفاعلات والتدوينات على صحف المعارضة واظهارها كمعادية للنظام وهذا ما افقد العملية تلقائيتها
واخر حكاية التضامن مع الصحافي زياد ويوم 4 نوفمبر وكيفاش خدم مخو وجبد الحبل بالناس الكل وضحك عليهم(لاحظ من وقتها ماعاد صار شيء جماعي)
وختاما نتوجه بالشكر لمدونة نظال ضد الطابور والقائمين عليهم ونقلهم حظ سعيد وسوف (لن يمرو...) ههههه متاعهم هاذي هههههه تقعد قالو لن يمرو ياصديقي .
@3amrouch:
شكونو هذا ؟؟
تي يزيونا الزحححح من لعبة الغميضة
شكونو كان عندو اسم صحيح و الا مستعار ؟؟؟
سينون موش لازم جبدانو من اساسه
كان تقصد خميّس الخياطي قول خميس الخياطي
اما معندوش مدوّنة
mouaten:
اينعم مدونتك انتي و لو انو حسب ما نعلم عملت مدونة جديدة و مقيّدة في التونيزي بلوقس ... ماذابيك تعرّف الجمهور الكريم بيها
@wallada:
انا قلت اللي شطر المعلقين لفوق يحبّو يقولوه
انا على كل حال لاني مترشّح لانتخابات التشريعية لا طامع في انتخابات بلدية
نقول رأيي و مايهمنيش
كلندو
تي اشبيك اتدز
كان لظهور الخياطي على الساحة وربطان علاقات صداقة مع البعض(اهداء كتب ..) الاثر الكبير في بروز ظاهرة التدوين التعاطفي كيما تشوف لهنا في التعاليق المتعاطفة هههه
تي ايه ماهو هذاكة ماعون الخدمة و متنساش المقالات الكبيرة في الطريق الجديد
و موش الخياطي وحدو ... فمّة تشكيلة كبيرة هاني نعملهم في ليستة
متاع (فرسان الظلام) يخدمو من تالي في الكواليس و يحركو في الجماعة كي الشوالق
je n'ai pas fait d'autre blog, mais je viens de vérifier il y a des articles qui ont été censurés sur tuniblogs si non sur tn blogs a chaque fois je publie un message je le vois sur le site.
il y a un autre moyen pour vérifier?
merci
ملاحضة صغيرة ( و شوية إشهار :-) ) : من الحوايج إلي تنرفزني في تن بلوغز السيستام متاع الإنتخاب .. هذاكا علاش نفضل القهوة .. قهوة تحت السور
@عميرات:
ايه نعرفو الموقع هذاية
موقع متميّز و من عديد النواحي خير من التونيزي بلوقز
@Amrouch
Vous n'avez et n'aurez nullement honte de citer des personnes par des termes qui vous salissent... Vous montrez ainsi que vous n'êtes nullement capable ni d'esprit tolérant ni d'esprit de dialogue... Pour paraphraser la chanson je vous dirai "Est-ce ainsi que les islamistes empierrés vivent"...
@Clandestino
Si vous n'aimez pas mes "longs papiers" en langue arabe in al-Tariq al-Jadid, je n'en ai cure... ça ne me fait ni chaud no froid.
Dommage que vous donniez une mauvaise image de votre pensée, si jamais vous en avez une... Dommage, Venez vivre en Tunisie, sur le terrain vous verrez que personne ne vous prendra au sérieux... Vous n'êtes que des clowns.
Et si quelqu'un veut m'écrire, voici mon mail : khakhem@yahoo.fr
يرحم والديك عالهالكلام الي يترجم بالضبط واقع التدوين في هالربوع
@nekhlet wed el bey:
نشكرك صديقي
مرحبا بيك
بصراحة شيء مؤسف و شيء ينطّق
يقلك ميسالش خلي البلاد تمشي بالنهب و بالسرقة ...المهم ما توليش خوانجية
ملى منطق و ملى لغة
(للتوضيح الكلام هذاية ورد في سياق نقاش بين نخلة واد الباي و ازواو الصومنديل قبل ما يفسّخ ارشيف مدونتو)
@el khayati:
راك غالط
انا مانيش من المعارضة ، و مانيش عايش في الخارج
و الوضعية في البلاد مطلع عليها اكثر من برشة (مثقّفين)
و نعرف بالضبط شكونهم القلابس و شكون المهرّجين
هذا هو النقاش التونسي، كل ما واحد يحب يطرح موضوع للنقاش لتنقية الجو، اتولّى فيها عركة ومعروك ، وشكونك انت؟ واش تخساب روحك، واتلهى بل؟ى يهمّك، وما عدتش تجبدني على لسانك، والحريّة والديمقراطيّة الناس الكل اتنادي بيها وهو لا واحد يعمل بيها
وحاصيلو حالة حليلة، وزايد هالبلوقسفار هي صورة للمجتمع التونسي إلّى لا يعرف كان "أشكونك انت؟؟؟؟" و " آش تحساب روحك؟؟؟" و ما تعرقنيش أنا شكون؟؟؟؟" ووووو وربي يهدي وينعم علينا بالعقل والكلام الحلو.
قلتلكم من النهار لول راهي التكتّلات موش باهية (أشكوني أنا باش انقول هالكلام؟ أنا هناني(هههههه
Enregistrer un commentaire