Demain je brûle: الحفرة Le Trou

mardi 2 octobre 2007

الحفرة Le Trou

ماهو قالك فمّ حفرة كبيرة ... حفرة رهيبة جات في قلب الكياس .....اللي متعدي طايح فيها , لا تسيّب لا الماشي لا الجاي كانو راجل و لا مرا , حاصيلو سكان البلاصة هذيكة حياتهم و لات جحيم و عيشتهم امرارت في جرّة ها الحفرة الحرفة ... كل مرة و و احد كرايمو مكسرة كل مرة و واحد ماكل راسو في قاعها ... فــــ رصّاتلهم يعسّوا ليل و نهار و يتفقدو في صغارهم باش ما يقربوش من الحفرة...

أيا وصلت الاخبار لأعلى هرم (من أهرام الجيزة ) و ابو الهول بيدو انشغل بالحكاية و عمل اجتماع طارئ لبحث و دعم و ارساء و تطوير و ترسيخ و التصدي و الحيلولة و المبادرة بالحلول الكفيلة بمجابهة الحفرة....

واحد قالهم نجيبو بحذاها سيارة اسعاف باش اللي يطيح نهزوه للسبيطار.
الاخر قاللهم ماهو نبنو بحذاها سبيطار مرة وحدة و هكة اللي يطيح نعديوه في اقرب الآجال للـ

urgence

الثالث قاللهم علاش الخسارة ؟؟ سبيطار و امبيلانس و خدامة و مازوط و مصروف زايد ... ماهو نردموها الحفرة
(مبعد لا خمم شوية و جات قدامو برشة اعتبارات) و نحفرو حفرة اخرى بحذاها.
ة

17 commentaires:

3amrouch a dit…: وينو البوست متاع المساطر...؟; 2 octobre 2007 à 12:39
3amrouch a dit…: فمى شكون يقول انها بمناسبة الذكرى المباركة باش يردو ها الحفرة كلاسى باتريموان ناسيونال تحت اشراف اليونسكو.
20 ans يابوقلب واحنا طايحين; 2 octobre 2007 à 12:49
Clandestino a dit…: LOOOOOOL
مساطر؟؟
باهية هاذي

فيما يخص البوست كيف قمت اليوم نلقى الظروف غير ملائمة للحديث عن ادوات الهندسة
خلي مرة اخرى; 2 octobre 2007 à 12:51
Clandestino a dit…: اشبيك يا ولدي ؟؟
انتي هاك تعيش في الابعاد و مسلكها و انا شكون بية لهنا
ايا حد حد المسقي خليلنا ذكرى محمد رايضة
و نعلمك انو نحكي على حفرة اخرى بعيدة على اللي تخمم فيه; 2 octobre 2007 à 12:55
Anonyme a dit…: هو إنت ما فبالكش؟
الحفرةُ سَدُّوهَا، أما خَلَّاو عُود حديد خارج ؤوحلت فيه أنا

Merci Monsieur; 2 octobre 2007 à 13:19
3amrouch a dit…: عذرا صديقي ليس من عادتي الخروج عن النص و لكني اصبحت مفلقط اليوم،ماهو الحس متاع التتطبيل وصل حتى لهنا و قبل بشهر زادة.قالك ييحبو يعملو مسامرة رامضانية للتذكير بالأنجازا; 2 octobre 2007 à 13:35
Clandestino a dit…: @massir:
اولا نقولو بار حديد موش عود حديد
على خاطر عود تتقال على الحطب و الخشب

ماعدى ذلك صحيح المشكلة مش في الحفرة بيدها و لكن في بيران الحديد المصدد اللي ما مسيبين لا الماشي لا الجاي

انا نقترح مول آديسك لكل مواطن باش يحمي روحو; 2 octobre 2007 à 13:36
FREE-RACE a dit…: فما تطور حاصل: أبو الهول شاور المفرعنيين اللي دايرين بيه... هذي نقطة أيجابية تستحق التنويه...كنت نتصورو باش يتصرف بشكل فردي و بأذن ببعث بنك الحفر ...; 2 octobre 2007 à 14:06
Anonyme a dit…: صبااااااااااااح الخير شبيكم على الحفر فر فر فر فر فر فر .........ازح لتوة ما استانستوش توش توش توش توش اي باركولنا المبادرات ات ات ات ات وفكو علينا من ها الهدرات ات ات ات ات محدثكم من القاع اع اع اع; 2 octobre 2007 à 14:14
CITIZEN a dit…: نسدُّو الحفرة هاذيكة و نحفرو حفرة أخرى تكون قريبة للسيبطار

ça sera plus commode pour les victimes et plus économique.; 2 octobre 2007 à 14:29
Unknown a dit…: chid 7ofirtik le dji 7ofra akbir minha; 2 octobre 2007 à 16:07
Anonyme a dit…: @ mils lé chid 7ofrtik lé tji ma achwam :D; 2 octobre 2007 à 22:19
Clandestino a dit…: @mils:
esme3 klem 3ammek nostra
c'est un fin connaisseur fi domaine el7for wa mochta9atha; 2 octobre 2007 à 22:45
Anonyme a dit…: c'est pas une blague sur les lybiens ca ?; 4 octobre 2007 à 11:56
Anonyme a dit…: @arabica: femmmaa 7ofrararara intiii??, là ou je suisss y a kkkke déééés minminables, boudourourou, boon j'imaginnne keke c pareileil chééz toioi

sinon lou7four anwe3, famma elli ya7fer el rou7ou biyedou o famma elli ya7feroulou, et dans les deux cas c pas drole,; 5 octobre 2007 à 01:01
Clandestino a dit…: @nostra
افرح سي الشباب ,اهو ما طلعتش وحدك خبير في الحفر
عندك سي الدولتشي فيتا تنجم انتي و اياه بيرو متاع اكسبرتيز في الحفر; 5 octobre 2007 à 07:43
Anonyme a dit…: Visitez le blog de kmr : http://kmrsworld.blogspot.com/; 5 octobre 2007 à 12:14