صحّة شريبتكم , اليوم أوّل شــقــّان فــطر في رمضان 2007 , الواحد ريقو شايح يستنى في الفطور ,
أذن الاذان,
بسم الله الرحمان الرحيم...
مغيرفة شربة... و بدا الشّي..
بسم الله الرحمان الرحيم ...
ايها المواطنون ايتها المواطنات ...
أيّا قلت ميسالش الرّاجل يهنّي فينا يعطيه الصحّة و بارك الله فيه على الإذاعة الجديدة ...و حق من حقوقو انو يطمان علينا و يحللنا الشاهية... ما يجيش منّو ... يلزم الشّعب يتغذى مليح و يعبّي كرشو بالشرب و المقارن باش نبنيو بيه تونس الغد ...
مبعّــد الأخبار و النشرة الجوّية جات الحصّة متاع التشنشينات و اللي يطلّع يربح (اللي و الحق يقال حصّة من الوزن الثّقيل) , اي انّو وقت اللي تبدى الحصّة هاذي ما ذابيك تكالي التلفزة مليح و تركّحها فوق طاولة صحيحة من البلنز تفاديا لما لا تحمد عقباه.
هذا بالنسبة للي عندهم تلفزة 72 صم كيف العبدو لله اما الشعب المحتحت متاع تلافز الـ21 صم و تلافز الماكسوال متاع 170د فمن المستبعد انهم يشوفو شكون يقدّم في البرنامج الاعجوبة على خاطر الشاشة تعجز عن كشف الذات المعنوية اللي تختفي وراء 170كغ من الشحوم الضارة و السلوليت .
أكيد انكم عرفتو شكون نقصد بالذات المعنوية ...و هي الممثلة القديرة كوثر الباردي اللي جاتنا لابسة روبة بيضاء متاع عروسات تكشف عن رحابة صدرها (سعة 25 لتر) و عن إمكانياتها البدنية الهائلة (الصالحة لحلبات السومو )... و قالت كليمتين في دقيقة و انتهت الحصّة على أنغام اغنية رديئة مبتذلة بصوت زوجها المحترم و الوسيم (عادل يونس).
الخلاصة انها الدنيا الكل مشاريع عائلية و ما ثمّاش فرق :
كيف اللي يخدّم مخّو على 100 مليون من ميزانية الاذاعة باش يعدّي مسلسل هزيل في رمضان كيف اللي يخدم مخو باش يلعب بميزانية الاذاعة بيدها و وزارة الثقافة و الاعلام و كل ميزانيات الوزارات و المنشآت العمومية و مداخيلها و تحويلات عمليات الخوصصة و فلوس صناديق التضامن و صناديق الاقتراع و حق مزوري الاصوات و الاصوات المأجورة و مداخيل بيع الضمائر و شهائد الكاباس و مداخيل الحفلات الخيرية و ريع الجمعيات التنموية و سيارات الليزينغ و منح الاتحاد الاوروبي و هبات الصناديق الدولية باش يرشّحوه لكأس الدوري القادم .
ذ
أذن الاذان,
بسم الله الرحمان الرحيم...
مغيرفة شربة... و بدا الشّي..
بسم الله الرحمان الرحيم ...
ايها المواطنون ايتها المواطنات ...
أيّا قلت ميسالش الرّاجل يهنّي فينا يعطيه الصحّة و بارك الله فيه على الإذاعة الجديدة ...و حق من حقوقو انو يطمان علينا و يحللنا الشاهية... ما يجيش منّو ... يلزم الشّعب يتغذى مليح و يعبّي كرشو بالشرب و المقارن باش نبنيو بيه تونس الغد ...
مبعّــد الأخبار و النشرة الجوّية جات الحصّة متاع التشنشينات و اللي يطلّع يربح (اللي و الحق يقال حصّة من الوزن الثّقيل) , اي انّو وقت اللي تبدى الحصّة هاذي ما ذابيك تكالي التلفزة مليح و تركّحها فوق طاولة صحيحة من البلنز تفاديا لما لا تحمد عقباه.
هذا بالنسبة للي عندهم تلفزة 72 صم كيف العبدو لله اما الشعب المحتحت متاع تلافز الـ21 صم و تلافز الماكسوال متاع 170د فمن المستبعد انهم يشوفو شكون يقدّم في البرنامج الاعجوبة على خاطر الشاشة تعجز عن كشف الذات المعنوية اللي تختفي وراء 170كغ من الشحوم الضارة و السلوليت .
أكيد انكم عرفتو شكون نقصد بالذات المعنوية ...و هي الممثلة القديرة كوثر الباردي اللي جاتنا لابسة روبة بيضاء متاع عروسات تكشف عن رحابة صدرها (سعة 25 لتر) و عن إمكانياتها البدنية الهائلة (الصالحة لحلبات السومو )... و قالت كليمتين في دقيقة و انتهت الحصّة على أنغام اغنية رديئة مبتذلة بصوت زوجها المحترم و الوسيم (عادل يونس).
الخلاصة انها الدنيا الكل مشاريع عائلية و ما ثمّاش فرق :
كيف اللي يخدّم مخّو على 100 مليون من ميزانية الاذاعة باش يعدّي مسلسل هزيل في رمضان كيف اللي يخدم مخو باش يلعب بميزانية الاذاعة بيدها و وزارة الثقافة و الاعلام و كل ميزانيات الوزارات و المنشآت العمومية و مداخيلها و تحويلات عمليات الخوصصة و فلوس صناديق التضامن و صناديق الاقتراع و حق مزوري الاصوات و الاصوات المأجورة و مداخيل بيع الضمائر و شهائد الكاباس و مداخيل الحفلات الخيرية و ريع الجمعيات التنموية و سيارات الليزينغ و منح الاتحاد الاوروبي و هبات الصناديق الدولية باش يرشّحوه لكأس الدوري القادم .
ذ
14 commentaires:
أية قبل كل شيئ صحة شريبتك و عافانا و عافاكم من الغدّاد اللي حظـّروهولنا لهالشهر اللي و الحق يقال ما عادش يستاهل كلمة مبارك مع القنوات "الوطنية" و الخاصة. الميسرة أو بالأحرى الميسر تحل لكل من هب و دب من أولاد و بنات معزتنا باش يلهف الملايين من ميزانية اللي أحنا قاعدين و بالسيف علينا نمولة فيها من الضريبة على عدم الفرجة على هالقنوات.و إذا كان ناوي تواصل في الفرجة نقترح تحلولنا باب قي مدونة بودورو يخص الفرجة بودورو.و ما تاخذ شيء في خاطرك
sa7a chribtik.ana mili rit lprogramation 3raftha kil 3ada TAFFEEEHHAAA.
min 9ilit inse jeybin filll y9adim fi tchanchnet wm3aha bhim ynahi9.
yitmanykou 3la ineskayina bheyim lihom.
sa77a chribtik clan :) chnouwa ra7abit sadr !!?? ti tratha3 7ouma kamla tbarkallah ! :D inchallah romdhanik mabrouk haw t5alli fina na9t3ou wenraychou fi romdhan :D
صحة شريبتك كلندو و حاول اتبدل الوجهة متاع البارابول في رمضان والله غالب
sa77a chribtek clandino:) winek ya khouya, ena depuis longtemps j'ai décidé de ne plus avaler le programme merdanesque de notre télé boudourou au moins pour éviter les maux d'estomac et ne pas vomir le diner :I
ازواو:
صحة شريبتك
شعفة و توبة كان مازلت نمد وجهي لقناة تسمي روحها وطنية
نوسترا:
:)))
ماهو قالك عندنا الاكتفاء الذاتي في مشتقات الالبان
توة فهمت علاش
عرب:
انا يظهرلي الواحد يقلب وجهو من قدام التلفزة خير من تحويل وجهة البارابول
:السيد المدير
صحيح شي يعمل الجاير و عسر الهضم
هذاك علاش انا توة باش ناخذ الدواء متاع
brulure d'estomac
بالجد مش نفذلك)
sa77a chribtek.
ayya hal 3amalt passeport ouadh3itek ouallet en règle.
malla moch lazem ta7rak
صحّة شريبتك صديقي و إنشاء اله رمضانك مبروك
أناما بين الاخبار و المسلسل تاع السبوعي ضربني الجاير من كثر الحملات الإشهارية...
أمي و ليت إنرا فيها مقرونة ولا ياغورتة...
الطف او برّا
inchalla romdankom.
echnowa clando el passeport ca y est erthineh?
desolé insit mabrouk,
hayy en3awed
inchallah romdankom mabrouk
µ
ramdhanek mabrouk clandestino :)
un conseil: sayeb 3alik kallou Tunis 7 we mahazelha ;)
Bon ya jme3a 3andkom el 7aqq
Ama ken jitou 3aychin fel kharej rakom 3raftou qimet el Tounes-sab3a fi romdhane.
Ama hedha me yemna3ech elly cette année talfzetna nebzetny nabza khayba , ba3dha tla3 mongi el 3ouni de duree 10 min , we khally 3ad mi kawther el bardy , essbou3y ken ca va , ama malla qassa 3arby 3amlouha m3a ekel mi3da mte3 essandouq (dlilek mlakk bech yzid leqmarr fi romdhane ) wel mousalsell satt7ouh fi 23H00.
Tawwa bellehy elly yekhDim (moch bi tawqit ramadhanyfel khaejj ; kifech bech yetfarrej fel mousallsil el 3ziz el ghali <:-) )
ayya annistou ye jme3a !
@citizen:
توة الواحد يطمح للحرقة المضخمة (حرقة بالطيارة):)))
@sonson:
اللطف عليك من الجاير :°))
على ذكر الاشهارات انا امي قريب نولي نعيّطلها رندة كراستي الحنينة و الوالد لندور جبن الحومة
@3amrouch:انشالله كل عام و انتي بخير
اينعم خذيتو البسبور و بـ60 دينار زادة
@snawsi:
و انتي بالامثل
و مرسي على النصيحة الغالية اللي لسوء الحظ مش باش تطبق على خاطر عندنا في الدار بقايا متاع اوفياء ت7
@julian :
ايا برجولية نبدّلو
انتي ترجع لتونس و انا نشد بلاصتك شهر رمضان و اكاهو
و ناكدلك انو مش باش تندم
Salem 3likoum et romdhankoum mabrouk, éna hani jit ba7dhakoum et nchouf fi hal lamma él 7louwa m3akoum.
w kén 3la programmation TV mté3na ya Clandestino, nsa7a7lék ma3loumaték et n9oulék élli tchanchina mahouch él programme, élli sbou3i mouch él programme, élli sandou9 mouch él programme.
El programmation élli dima y7adhrouha fi romdhane héya él publicité élli to93éd akthér mén ay 7aja o5ra, éna kima y9oulou ndéz doura et narja3 nal9a publicité tghani, hawka sé3a sé3a y7otou chwaya 7achw binét les pub kima tchanchina wélla autres.
Nba9im 3la 5ir, éna machi nétsa7ér.
Enregistrer un commentaire