يوم 9 أفريل 2003 , الاربعة متاع العشيّة :
الكلاندستان مروّح من المستير في التران , شاد الشبّاك , يتفرّج في الزيتون و الهندي ...
شعور كبير بالمرارة ... طعم الهزيمة و الخيانة المضاعفة...
قبل برشة شهور:
الكلاندستان كان يعرف بنيّة تقرى في الجامعة في المستير , بنية متربّية , عاقلة , شبابة تعمل الكيف ... وقتها كان قلبو ارهف من توة , فيسع ما يحب و فيسع ما يتكب على راسو ...
ايا تضرب فيها و تضربت فيه و قال هاذي هي,
هاذي اللي باش نكمّل معاها حياتي , هاذي اللي باش نعطيها اسمي و اسم العايلة , هاذي اللي باش تجيب الكلاندستان جنيور , هاذي اللي باش تحقق تواصل السلالة العريقة متاع الحرّاقة ...
النهار على طولو و التليفون خدّام ... نحبك و تحبني و توحّشتك و يا عزيّزة و نمشي معاك فين تحب و وقتاش تجي تخطبني يا خايب و يا قطّوسة يا عزيّزة ...الى اخره
كي يتقابلو تقولشي جماعة الكتب و قصص الحب و الغرام و الف ليلة و ليلة , علي ولد السلطان و ليلى بنت السلطان , العالم كلّو وردي و معبي بالنوار و الازهار و الفراشات و العصافير تغرّد بين الاغصان و هيا نتامل الغروب على شاطئ البحر ... شايف البحر شو كبير ... ادايش كان فيه ناس ... حبيتك تنسيت النّوم...
كادوات ماشية جايّة , قهاوي دورة تطلفيح في الكياسات و الجرد ...
ايا مشات الايامات و الاشهرة و العلاقة تتطور و الامور عال العال... للي جات القراية و يلزمها تكمل تقرى في المستير .
مشات للمستير.
البنيّة بدات تتبدّل... هذا شيء مفهوم على خاطر الحياة مراحل و لكل مرحلة متطلباتها و يلزم الواحد يتاقلم مع الظروف الجديدة.
الطفلة يا سيدي ماعادش هاك البنية الضامرة و الحشامة , و الكلاندستان ماعادش ماليلها عينيها و مافي بالوش , باقي ماشي بالنّية الصافية و مافاقش بانها المشامية تقلبت و المعطيات تبدّلت و الحسبة ولات مادية : فرق بين وحدة تقرى في شعبة متاع "استكراز " و ثراء سريع و واحد يخدم بزوز صوردي كل راس شهر.
بعد الحجج الواهية و الكذب و التمثيل و التعلات متاع التحضير و التركيز على القراية و الامتحانات قرر الكلاندستان انو يمشي للمستير في زيارة خاطفة لإعادة المياه الى مجاريها و تمتين حبال المودّة . و كان الامر كذلك و مشى للمستير .
.....
برة يا زمان و ايجى يا زمان , الكلاندستان ما تربّاش , و عاود الكرة مرة اخرى ... يلقى بنية اخرى , عاقلة متربية ....و قال هذي هي (حلوة الشامية) الخ...
المرة هاذي الامور خذات منحى اخر...
ماي 2005 في مقهى راقي باحدى الضواحي:
الكلاندستان في مع موقف تراجيدي و جدير بافلام الحب و الحنان و قصص ماء الورد :
"برّة على روحك , زايد باش تضيّعلي وقتي و الا نضيّعلك وقتك, برة تلقى الخير..."
و مشات البنيّة على روحها و هذاك نهار و هذا نهار , مشات قصص الحب و ماعادش حتشيء كيما قبل ...
و رغم الاغراءات و العروض اللي تتقدملو كل يوم : " اهو عندنا سهرية نهارة الخميس ايجا و شوفها" ... " هاي بنت فلان شقولك فيها بنية ماعادش تلقى كيفها"... " ياخي وقتاش ناوي تعرسلنا , اهي فلانة حاذقة و متربية و تخدم " ...
فالكلاندستان بقى محافظ على اعصابو من العلاقات المثيرة للاعصاب و المشاعر و مكتفي بعلاقات بودورو من النوع الجوتابل.
........
خلاصة القول انها مقولات "الراجل ما يتحقرش يبات في حال و يصبح في حال " ماعادش تاكل على بنات توة , اللي يؤمنو بنظريات يقوّي سعدك في الان و الحين و "كن فيكون" و اش عندك انتي باش تكلم بنات الناس .
و فمّة زادة مقولات الكلاندستان مستحيل يؤمن بيها او تدخل طاستو الدقة القديمة وهي مقولات على اللاموضة و تلقى رواج كبير و نجاح عملي غير مسبوق :
'المرا كي التّمرة امسح و كول " "و المرا يخطبوها ميا و تبات عند واحد " وهي مقولات ترسّخ مبدأ التعدّدية اللي ما ترباش عليها الكلاندستان و ما يعرفهاش كان في التلفزة , فالتعددية و الروح الرياضية و تفسيخ الـ إيستوريك , قيم مغلوطة و ما منها حتى فائدة ...
بالله كيفاش الواحد يجيه النّوم مع طفلة رقدت مع شطر الجمهورية , كيفاش الواحد يعتز و يفتخر بانو مرتو كانت قنبلة و سكس سمبول في الفاك , كيفاش الواحد يفرح و يقول الحمد لله اللي كانت مصوحبة فلان و فلان على خاطرهم ناس نظاف... و الا يبدى شايخ على خاطر مرتو تعملو العاب كبيرة و قوية برشة و تعملو برشة تنشيط و انيماسيون على طريقة "البنقبروس "و "الأونيون بوتي" ...
هاذم بالنسبة للكلاندستان ناس تاعبين على خاطر هو مع الوسطية و كيما هو متوسّط في كل شيء و ماهوش لا سكس ماشين لا الرجل الخارق يحب زادة بنيّة متوسّطة تتفاهم و تتجاوب معاه على قد الجهيّد اما يلزم تكون و هذا الاساس "برميار مان"
ة
25 commentaires:
Howa lehi fil 3ala9at 'jetable' w hiya yelzemha tkoun première main. Yahya el 3adl!
مالا باش راجل ؟؟
:DD
يا ولدي قلتلك من هاااااك العام يلزم نشوفولك وحدة انقليزية.. إيد أولى كيما تحب..أعصابها هادية ومخها رزين و فمها يضحك. تقوللها أسمع يا...تقولك أوف كورس دارلينغ شبيك لبيك
..
بلا زيتون بلا هندي
كلوندستان
بديت نقرى وعاملة كييييف وشايخة على المقال العزيز وفواصل الصمت اللي فيه ونقاط المسترسلة اللي اتقول أكثر من الحروف وقلت في قلبي يعطيها عزى الدنيا مازال رجال ....ومازلت ما كملتش الكلمة وتلعج علىّ يا صديقي بحكاية الجوتابل واتزيدنا بوحيد بروميار مان والله آش اتحبني انقلك بدل عنوان المقال عرض زواج وشوف آشكون يتقدملك مع انك اتحبها سباقة وجراية وما تاكلش شعير ونرجع وانقول باقي يعطيها عزى الدنيا ............
:DDD
loooooooool
يعطيك الصحّة طارق شوفلنا وحدة بنت حومتك و ما نوصّيكش على الاصل
العرض متاعك مغري على خاطر فيه اوراق و اقامة و فيزا و جنسية
سينون نرجعو ديما لحكاية السردوك العربي و دجاجة الحاكم
le 09/ avril 2003
yawm sou9oute baghdaide , 3laich hakka clando tfakker fia , hani faddit tawa , kammalt 3ala mrammti..
bon sinon le post , je dirais clando farfar metnakker :p
bon en resumé tel9a el béhi wel khayeb.. aina 3andi reflexion ces jours lorske je vois el khayeb m3a el béhi , je méditais ..chem3ajjeb el khayeb fi 3inine el béhi..
eh oui wa lennaisi fi mai ya3cha9ouna madhaheb.. il y a des raisons ke les raison ne comprends pas , haja ds ce sens..
TU ES SEUL YA CLANDO ! heuuu ..je veux dire : "wa7dék ya clando"
:p
je veux bien comprendre que tu sois tombé sur les personnes qui ne te convenaient pas ça ça arrive à tout le monde
comme je dis tjs on tombe souvent sur des crapauds avant de rencontrer le prince (pas trop) charmant ou princesse charmante (encore faut il qu'il existe cet imbécile) :)
mais de la à dire que tu veux une fille de première main( si j'ai bien compris ce que tu veux dire bien sur et si je ne fais pas fausse route) et que tu ne veuilles pas qu'elle ait un historique....
je suis un peu étonnée par ton raisonnement
toute personne a un vécu et le jour ou tu tomberas sur une fille "bien" et "bent 3aylé" comme tu dis elle aura forcément elle aussi son vécu et c'est tout à fait normal non?
le concept que tu cherches a depuis longtemps disparu clando va falloir te faire aux nouvelles donnes ;))
courage
on fait tous face un jour ou l'autre à ce genre de problème
c'est pour cela que je dis vive le célibat
p.s: c'est quoi cette idée de relation jetable, sayéb alik tu vaux mieux que ça et tes partenaires aussi, tout ça c'est du temps perdu.
brabbi dis nous si tu tombes sur la fille de tes rêves, tant qu'il ya de la vie il ya de l'espoir après tout :)
yé weldi 5outh wa7da mich machiya barcha ! walla wa7da machiya é a3mlilha révision.
joli post com d'hab clan
lfeyda mouch premiere wala deuxieme main el feyda tkoun mazzzout ou nthayfa matakelch barcha ou mahich masroufjeyya wi ki to5roj meddar tebda methenni 3liha
كلاندستينو
لوجيكمون
صعيب ياسر بش إطيح بجثة... تي بوحدة رقدت مع إشطر الجمهورية
معنتها إنت باااااااااز بش تسلكها
و راس خويا ... ما تاخدها كان بروميار مان
من يدّ الخيّاط إلى يدّك
أمّا كان بالحقّ إتحبّ إتنقزها...
نصيحة قبل ما إتلّوج إتعلّم أغزر و قيس..
إسأل روحك تحب إمراة ( بكلّ ما تحمله الكلمة من معنى)
أو جسد بروميار مان ( إنجّم أكون بلاش روح)
أمّا الحقّ الحقّ
تاخوني تربحني كيما قال صديقنا نوتسترا
:D :D :D
ربّى يعيك كلّ ما تتمنى
[...]
...
EL BLEDA LEEE!
[...]
:D
@hayy: c pas de ca faute il n en ve pas lui des relation jetables mais je suis sur que les filles doivent etres elle aussi jetables
J'aime bien ton blog et ta façon d'aborder des sujets sérieux avec beaucoup d'humeur.
Je voulais juste te rappeler que :
" الطيبون يرزقهم الله الطيبات"
Alors Clando ne Désespère pas tu finiras par trouver une fille à la hauteur de tes espérances.
@farfar:
زايد معاك انتي الوحيد اللي فقت بتطابق التواريخ .
@gouverneur:
:))
نعرف نعرف اني وحدي لازم تفكرني
@Mariouma:
la fille de mes rêves est sur le troisième commentaire en dessous du tien :p
@nostra:
mdrrrrrrr
looooooooooool
و اللي ترجّع الكنتور أ زيرو كيفاش باش نعملها , نعمل بيها دورة مع المكانيسيان :))
ما تقوليش وينو هاك العمروش زعمة لاباس عليه ؟؟
@z y e d :
:-)))
ياخي رخيص هو المازوط ؟؟
الواحد ما ذابيه على وحدة تخدم بالصولار و الا بالهواء :)
@naufrage:
توة هكة ؟؟ , عباد مخلّطة
:DDDD :))))و انتي خوذني ناخذك
و ما فماش علاش تعاودلي
انتي ديجا خطيبتي الفيرتيال
و اللي باش تحرق معايا
:)))
يا خويا الباهي،شوفت امينة اش قاتلك؟الطيبون للطيبات والطيبات للطيبون:يوفئ لحديث.
سينوان انا بيدي من رأي طارق،بمعنى انشجعك على تلاقح الحضارات،تلقى قدرك،سيرتو كيف تلقاك راجل وديكردي تولي وين انحطك يا طبق الورد.
تو مرة نحكيلك انا بيدي وقتلي كان قلبي رهيف زادة كيفاش صار فيا خوك وتقلبت عليا لمشامية،حب متع اربع سنين فاك مشى في العفس.
الله يهديك هاك حيرت مواجع العمروش.
ماهو عود شاور قبل ماتجبد مواضيع كيما هكه.
ا
3amrouch:
ريت الرجال اش صاير فيها و العربية تقول يعطيها عزى الدنيا
يا ولدي زايد انا توة عندي موضوع موش مالي منو ايدي برشة سينون انتي من شيرة و طارق من شيرة شوفولنا نسب باهي و يشرّف
و مش مشكل اذا طلعت اوكازيون
@ 3amrouch 9albik mazal rhayif é bech yo93id dima rhayif kifi :'(
7atta enti gémo ? :D
@ clan belha9 5outh soniya mazalit fil rodage :D
@nostra : LOOOOOOOL
sahitek yelli 9ALBEK erhayef
:D
Je te félicite, un très bon post!
j'arrive en retard, 5ouya tare9 choufilna k3iba chobbik loubbik hayla hathiyya surtout tijbed 3layya biddam il bared wit7adharli chay issa3a al 5amisa
اما خير وليدي انقلك يعطيها عزى الدنيا والا الواحد ينطلق ويعبر ويتكلم صدقني حتى يعطيها عزا برشة فيكم يا بشريّة
كلندو
صباح الخير أولا
اليوم الجور 'ج'خنشوفو شنو باش يصير
أما البوست متاعك هذا موش باهي ، تو المرأة الي هي نصف المجتمع ، رديتها كي الكرهبة ، اول يد و ثاني يد
موش باهي راهو ، فينهم المشاعر و الأحاسيس ،
طحت من عيني ، بصراحة، وبرة تخوها ماشية ، هاو أنا كرهبتي ، خذيتها عمرها عشرة سنين و لتوة لاباس عليها ، الفايدة في الكركاس و الباقي الكل يتصلح، أما لازم الكمتور متمسش، هذاكة الي بيه الفايدة ، خاطر الغشة موش باهية
@clando:بلحق كيما قال فرفر اليوم جور "ج"!!!!!!
اش باش يجرى اليوم؟
هاني شاد garde ونستنى؟
رد بالك بركه على روحك عيش خوي الباهي؟
@nostra:lee abadan ma3dech erhayeff,wella 9allbi kesse7,wou ma3adech enrouff.
Enregistrer un commentaire