Chanson pour Mr Abbès

عبّاس
يا حسرة على أيامات عبّاس


عباس يحبّ الخدمة ...
و يكره الخدّامة,

عبّاس ماهوش قاري
يحب القراية ,
أمّا يكره القارين...

كيف تمدّلو دوسي يقلّك شوفو انتي ... انا نسيت المرايات...
أما يطلّعهم وقت اللي يثبّت في ورقة الحضور

يموت على الهندي ... المقشّر
يطمع حتى في ....سبّاط

يحب المسؤولين,
يخاف من المسؤولين و من
المسؤولية

زنزانة كريم بن عمر * 100 ديسيبال...
عبّــاس 130 ديسيبال
طيارة البوينق 110 ديسيبال

"يعيّش ولدي"
"تبّعني تربح"
وقت اللي يبدى حاجتو بيك

سينون
شنية ها الخدمة, شنية ها الحالة , شنية ها الفوضى
و توّة نتفاهمو...


عبّاس هذا عرفي السابق و اللي مازالت انشا الله باش نزيد نعدد الخصال متاعو في بوست اخر و الا زوز

امالا لواه عاملو انا البلوق


*زنزانة متاع الار تي سي اي موش متاع الكانون و ماهياش الجيور