صحيفة الصريح (اللي بالمناسبة تمر بمصاعب مادية كبيرة هذه الايام و عندها مشاكل متاع ورق و قاعدة تخرج في اعداد صغيرة) حاولت تشتثمر لأقصى حد البلاغ الهزيل متاع وزير العدل و حقوق الانسان و نشرت جزء منو كعنوان في الغلاف , و البقية كخبر في الصفحة الثالثة (عدد السبت 8 جوان 2008)
اما صحيفة الشروق اللي -مقارنة بالبقية - تعتبر من الجرائد اللي تحقق في ارباح كبيرة و ما يهمهاش شكون يشريها طالما هي رابحة من قبل ما تتباع , و نجمو نقولو انها تنشر في الاخبار باش تسوّق الاشهار ... موش تلتجئ للاشهار لتمويل السعي للخبر و المعلومة...
و حكاية كيما حكاية قفصة بالنسبة ليهم حكاية فارغة و ما تجيبش قرّاء, بالعكس خبر منقّل من الجزيرة او العربية على مقتدى الصدر او حسن نصر الله ينجّم يصلحلهم عنوان غلاف اما حكاية قفصة فهي هرج لا فائدة منو... و لكن بما انو بلاغ رسمي فمن واجبهم انهم ينشروه ..............
و نُشر البلاغ في صفحة المحاكم...(عدد السبت 8 جوان 2008)
ة
2 commentaires:
يلزم نرشحو الشروق و الصريح للبودورو الدموي..
tawa chniyya el7ala y7ottou elkhbar fi la Une mouch 3ajbek y7ottouh eldakhel non plus :)). wallahi ach bech en9ollek si c t moi qui etait directeur de journal je vais le mettre en petite police dans un petit coins pour que le moins de gens puissent le voir. C'est pas du tout parce que le sujet est pas intéressant PAS DU TOUT j'aurais tellement HONTE de la version officielle que je vais essayer qu'elle passe inaperçue faute de pouvoir décrire les fait objectivement et Honnetement. Apres tout c un article kif bih ki blech donc pkoi la une ?
Enregistrer un commentaire