في القرن 23 , و بعد اقامة اولى المستوطنات البشرية على كوكب المرّيخ... كثرت المشاكل على الارض, مشاكل متاع التلوث و ارتفاع درجات الحرارة العالمية و ذوبان الجليد القطبي و الزوال النسبي لطبقة الاوزون و نفاذ موارد الطاقة , الشي اللي خلىّ ظروف الحياة صعيبة للغاية و حوّل العالم الى مكان لا يطيب فيه العيش.
فقرر سكان اوروبا و امريكا و الدول المتقدمة باش يهجّو للمريخ و يخليو الدنيا باللي فيها و يبداو من جديد (كيما عملو قبل في امريكا و استراليا و برشة مناطق مكتشفة حديثا)... و بدأت حركة نزوح هائلة, الاف الصواريخ و السقن و المركبات الفضائية هازة ملايين البشر باولادهم و بناتهم و كلابهم و قطاطسهم و كتبهم و ثقافتهم و نجوم الموسيقى و الكورة متاعهم و حتى من اسرائيل هزوها معاهم على خاطر يخافو عليها تقعد وحدها, شكون يعرف على البلاء, بالكشي يتكتّلو عليها العريبة ( ياذنوبي)...و قعدت بلدانهم و مدنهم فارغة تطبطب , الا من بعض النخب المتثقفة و رجال الدين اللي مازالو مكبّشين في الارض ...
شعوب العالم الثالث و خاصة منها الشعوب العربية و المغاربية ما صدّقت سمعت الخبر...
في ظرف 24 ساعة تحوّلت الشعوب هاذي الكل (في سباق ضد الساعة) الى اوروبا و امريكا , زعمائها من قدّام ....يتعاركو شكون ياخذ الايليزي و شكون يسكن في فرساي و شكون يسكّن مرتو في موناكو و شكون يسكّن صاحبتو في البندقية ... و ركحت المشطة و المجلّغة في حديقة البيت الابيض , الناس الكل تحب تشد بلاصة رئيس امريكا.
اما الشعب الكريم و العامة , فـ شاخ في باريس و لندرة و مدريد و روما و نيويورك, طلعو لـلـ "تور ايفال " وتشعبطو في تمثال الحرية و عامو في الـ "سان" و كلاو الدلاع و الهندي في الـ "كوت دازور" و شطوط ميامي و كاليفورنيا( و خلاو الدنيا معبية بالقشور) و قشّرو القلوب في الـ "سنترال بارك" و قلّعو السبابل الذهب متاع قاعة الاستحمام متاع الملكة اليزابيث ... و علا صوت المزود في الـ"هايد بارك" و شرقع صوت الهادي حبوبة في قاعات اوبيرا فيانا و برلين و عبر توفيق الغربي و لمين النهدي و نصر الدين بن مختار في مسارح الـ"برودواي" و حتى من النوري بوزيد ولى مولى ستوديوهات في هوليوود ...
و يقال انو فمّة شكون مشى طير الماء -حاشاكم- في مبنى الامم المتحدة اللي طالما غلّبت عليهم ...
اما جماعة الخير متاعنا فنقزو على معامل البيرة الالمان و معامل المرلبورو و الميريت (باش يبيعوهولنا مارشي نوار) و حوّلو معامل الاربيس الى معمل متاع طماطم و هريسة و استحوذو على دور الفيراري و اللمبورقيني و المازيراتي و احتكرو كراهبها باش ما يسوقها حد معاهم في البلاد.
و تحققت الاماني و اللي يحلم ببلاصة ولّى ينجّم يمشيلها من غير اوراق و لا فيزا, و تم احراق مكاتب منح التاشيرة و تم هدم مبنى الـهجرة و الجنسية الامريكي, شماتة في سنوات القهر...
اما قادة الجيوش فانطلقو يلوّجو على الصواريخ النووية العابرة للقارات, لكن يا حسرة... الماريكان و الاوروباويين ماهمش بهايم للدرجة هاذي...
و مرّت سنوات هكاكة , جو كبير و شيخات موش نورمال, الفلوس موجودة , الماكلة, البيرة , الدخان, الكراهب ...
لكن فمّة حاجة ناقصة... فمّة عنصر هام ناقص...
فين تمشي تلقى عرب, فين تدخل تلقى عرب, وين تقبّل تعرضك فوقيرة عربي, حتى مالكلاب ما قعدت كان الكلاب العربي...ملا حالة مكربة...
و بدات الامور تلزّ لبعضها , و بدات الموارد اللي خلاوها سكان المريخ توفى... و ولّى فمة شكون يفركس يحب يخدم...
لكن فين باش يخدمو ؟؟ شكون باش يخدّمهم؟؟؟
البلاد قدامهم و بين ايديهم...بمعاملها و بمطاراتها و بطرقاتها السيارة و بنوكها و اداراتها ... لكن مافماش شكون ينجّم يمشّيها...
فاكتشف العريبة وقتها انو ما فماش شكون باش يعطيهم الخدمة و ما فماش شكون باش يخلصهم و ما فماش شكون باش يمارس عليهم العنصرية و يحايل عليهم في مجلس الامن...
و اتضح انو أوروبا بدون اوروبيين حكاية فارغة و امريكا من غير ماريكان ما تسوى شي...
و كانت صدمة قاسية مسّت العرب في الصميم.
انتظروا الجزء الثاني غدوة و الا بعد غدوة و الا وقت اللي يسهّل ربي.
ة
فقرر سكان اوروبا و امريكا و الدول المتقدمة باش يهجّو للمريخ و يخليو الدنيا باللي فيها و يبداو من جديد (كيما عملو قبل في امريكا و استراليا و برشة مناطق مكتشفة حديثا)... و بدأت حركة نزوح هائلة, الاف الصواريخ و السقن و المركبات الفضائية هازة ملايين البشر باولادهم و بناتهم و كلابهم و قطاطسهم و كتبهم و ثقافتهم و نجوم الموسيقى و الكورة متاعهم و حتى من اسرائيل هزوها معاهم على خاطر يخافو عليها تقعد وحدها, شكون يعرف على البلاء, بالكشي يتكتّلو عليها العريبة ( ياذنوبي)...و قعدت بلدانهم و مدنهم فارغة تطبطب , الا من بعض النخب المتثقفة و رجال الدين اللي مازالو مكبّشين في الارض ...
شعوب العالم الثالث و خاصة منها الشعوب العربية و المغاربية ما صدّقت سمعت الخبر...
في ظرف 24 ساعة تحوّلت الشعوب هاذي الكل (في سباق ضد الساعة) الى اوروبا و امريكا , زعمائها من قدّام ....يتعاركو شكون ياخذ الايليزي و شكون يسكن في فرساي و شكون يسكّن مرتو في موناكو و شكون يسكّن صاحبتو في البندقية ... و ركحت المشطة و المجلّغة في حديقة البيت الابيض , الناس الكل تحب تشد بلاصة رئيس امريكا.
اما الشعب الكريم و العامة , فـ شاخ في باريس و لندرة و مدريد و روما و نيويورك, طلعو لـلـ "تور ايفال " وتشعبطو في تمثال الحرية و عامو في الـ "سان" و كلاو الدلاع و الهندي في الـ "كوت دازور" و شطوط ميامي و كاليفورنيا( و خلاو الدنيا معبية بالقشور) و قشّرو القلوب في الـ "سنترال بارك" و قلّعو السبابل الذهب متاع قاعة الاستحمام متاع الملكة اليزابيث ... و علا صوت المزود في الـ"هايد بارك" و شرقع صوت الهادي حبوبة في قاعات اوبيرا فيانا و برلين و عبر توفيق الغربي و لمين النهدي و نصر الدين بن مختار في مسارح الـ"برودواي" و حتى من النوري بوزيد ولى مولى ستوديوهات في هوليوود ...
و يقال انو فمّة شكون مشى طير الماء -حاشاكم- في مبنى الامم المتحدة اللي طالما غلّبت عليهم ...
اما جماعة الخير متاعنا فنقزو على معامل البيرة الالمان و معامل المرلبورو و الميريت (باش يبيعوهولنا مارشي نوار) و حوّلو معامل الاربيس الى معمل متاع طماطم و هريسة و استحوذو على دور الفيراري و اللمبورقيني و المازيراتي و احتكرو كراهبها باش ما يسوقها حد معاهم في البلاد.
و تحققت الاماني و اللي يحلم ببلاصة ولّى ينجّم يمشيلها من غير اوراق و لا فيزا, و تم احراق مكاتب منح التاشيرة و تم هدم مبنى الـهجرة و الجنسية الامريكي, شماتة في سنوات القهر...
اما قادة الجيوش فانطلقو يلوّجو على الصواريخ النووية العابرة للقارات, لكن يا حسرة... الماريكان و الاوروباويين ماهمش بهايم للدرجة هاذي...
و مرّت سنوات هكاكة , جو كبير و شيخات موش نورمال, الفلوس موجودة , الماكلة, البيرة , الدخان, الكراهب ...
لكن فمّة حاجة ناقصة... فمّة عنصر هام ناقص...
فين تمشي تلقى عرب, فين تدخل تلقى عرب, وين تقبّل تعرضك فوقيرة عربي, حتى مالكلاب ما قعدت كان الكلاب العربي...ملا حالة مكربة...
و بدات الامور تلزّ لبعضها , و بدات الموارد اللي خلاوها سكان المريخ توفى... و ولّى فمة شكون يفركس يحب يخدم...
لكن فين باش يخدمو ؟؟ شكون باش يخدّمهم؟؟؟
البلاد قدامهم و بين ايديهم...بمعاملها و بمطاراتها و بطرقاتها السيارة و بنوكها و اداراتها ... لكن مافماش شكون ينجّم يمشّيها...
فاكتشف العريبة وقتها انو ما فماش شكون باش يعطيهم الخدمة و ما فماش شكون باش يخلصهم و ما فماش شكون باش يمارس عليهم العنصرية و يحايل عليهم في مجلس الامن...
و اتضح انو أوروبا بدون اوروبيين حكاية فارغة و امريكا من غير ماريكان ما تسوى شي...
و كانت صدمة قاسية مسّت العرب في الصميم.
انتظروا الجزء الثاني غدوة و الا بعد غدوة و الا وقت اللي يسهّل ربي.
ة
32 commentaires:
شنو كلندو كنت في زحل..ايا الحمد الله علي سلامتك.. ما ثماش بوليس متاع هجرة غادي ؟..
انتضر نلقي وقت نقرا البوست متاعك ليوم و الا غدوة و الا يوما ما ههه.. وتوة نعلق عالمضمون ..
طيارة
رائع
برافو
في الحقيقة آنا عجبتني وقتلتني بالضحك
حتى مالكلاب ما قعدت كان الكلاب العربي...
mdr
Bravo, bessouri zeda
بوست فيلسوفي اخ كلندو صحيتك، يفكرني في البداية متاعو بقصة
mellassine story
متاع طاهر الفازع
تقصد انت الي الاختلاف لا يفسد للود قضية و مخيبها الدنيا كي الناس لكل تشبه لبعضها..
شخصيا منراش لمور من نفس الناحية..لكن اهوكة بوست يدعو للتفكير يعطيك الصحة..واصل..
ومن ناحية اخري..كلندو راهم الأحلام الي كيف نهكة ميصيروش و كان باش اتبعهم راهو عمرك ما تحرق..
ومن نا حية أخري.. حكايتك تجبد شوية لقصة كوكب القردة و من بعد في ىخر القصة ..يطلع المريخ ..الرديف في قفصة بعد متين سنة ههه
فرفر
بربي استنى البقية وما تأثرش على تسارع الأحداث
@zied:
مرحبا بيك
الكلاب العربي اللي حكي عليها فيها برشة انواع و اخطرها اللي يمشي على زوز سيقان
@farfar:
القصة متاع الفازع ما نعرفهاش و بعمري لا ريتها و لا قريتها
انت ريت اللي فمة شبه , معقول ياسر على خاطر توارد الافكار و الخواطر موجود
و نقولو بوست فلسفي موش فيلسوفي
:pppp
ما تفضحناش عاد قدام الناس
يا فسيفساء
اهوكة أنا أعطيتو جميع النواحي و كلندو يختار الناحية الي تعجبو هههه
كلاندو
أكيد أنها أخطرها. ولكن حسب نوعية ها الحيوانات 'حاشاك) تطورها البيولوجي يأدي بيها في النهاية باش تولي تمشي على أربعة والفاهم يفهم
فرفر
هكاكة يمكن تأثر. اشكون قلك النواحي اللي قلتهملو انت كانوا هوما النواحي اللي خمم فيهم هو م البداية
كلندو
برة أعمل عليها طلة حلوة بلحق..و بنتها في النهاية متاعها ..فيلسوفة برشة ههه.. تنجم تاخو منها باش تكمل بقية البوست ، و متخليناش نستناو برشة ههه
:p
فسيفساء
موش المشكلة يتأثر ..المهم يعمل بقية محترمة ههه
clando
winek?
far far
ti haww mechi el entej ces jours -ci j'ai vue que tu ecrit 3 posts.
عمروش
بكل تواضع لبوستوات الي كتبتهم ليوم..كوا نقلتهم.. من أحسن ما أنتجت البلوقسفير علي مدي عامين للي يفهمهم ههه
بينسير حتي بوست كلندو الحالي مزيان
:p
وبوست فسيفساء ههه
mdr
شكار روحو
ريتوه؟
mdr
تحب فازات التصاور في المفكرات فرفر؟
هواية من جملة الهوايات
بصراحة يا فسيفساء البوست متاعك ناقص..
نورمالمون تدعمو بتصويرة من مفكرة..
أي شكون قال لحكاية لكل تطلع اشاعة..
و الا كاتبينو في غرة افريل..
far far
tawwa kif yebniou l'hopital yab3ethoulek les photos
ayya 5alini nelchi nastad ejran
mdrr
بر ربي يسامحك
فرفر، جاتني فكرة
حسب رايك، الجميعة اللي حكينا عليهم بكري وقلنا لو كان يدزوا فازتهم ويعملوا كيما طالبات كلية الطب بليون، زعمة سوم المفكرة كي نثبتوه في 5 مليمات، دورو، تتباع؟
خمسة فرنك؟
ياذنوبي ماك تعرف الطالبات المصونات متاعنا بكسكروت ودبوزة ماء تهز شقف وسلعة
بصراحة يتباعو..أما الزوالي ما يخلطش عليهم ..
يصدروهم مباشرة لليبيا هههه و الا يلقاولك أسواق أجنبية تخلص بالعملة الصعبة ههه..
احنا يبقالنا كان الفوتوكوبي ههه
لا
فاتت الدورو عمروش
تقييمك متفائل برشة
أولا: مايجويش لا شقف . هوما سلعة ويال ذنوبي
ثانيا: سي فرفر، ليبيا يا حسرة. ما عادش دغف كيما قبل.
ثالثا: نرجع للكورة، مولاها ربي. تنبيرة. اليوم فينال ذهاب كرة يد. وباش تاكل بعضها بالرسمي
a propos des photos mouch 3amlou marra(les chiens et compagnie) un award des meilleures photos ou un truc de ce genre??? je n'ai pas suivi l'affaire apres ....yeri ech sar emba3ed??
femma wa9tha echkoun 9atlou donne moi ton e mail pour en parlé h h h h
التصوية لولا فجعت
بطلو
على ما يبدو
آنا بيدي ما تبعتش
تصاور الميتابات تكفي
سامحنا كلاندو
قلقناك
أي بربي كان صاحبكم عسل...
mosqiue
c vrai tu a raison hani emchit a3lla rou7i.
clando
desolé 3add ama rana mesta7jinek c pour ca
lol
دخلت بعضها
المهم، مرة أخرى سامحنا كلاندو ع القلق آما والله البوست متاعك خلانا نفرغوا قلوبنا عندك
الى اللقاء يوم الاثنين
خوذو راحتكم لولاد
الدار داركم
:))))
c pa sympa de t'absenter autant! content de te lire.
Tu penses qu'il y aurait un Neo ou Skywalker dans la deuxième partie!!! ce serait super.
on est impatient.
Allah ma3ak
at'm
@clando aya timmen wal ,imenou billet nes5aybek 7ra9t we3maltha...ti win 7ayyek ya moumahmech lmodawinin wal modawinet willy ya3mlou fi dwena jemla we 7seb
nestanew swit mta3 lpost wataw na3mlou ta3li9 kesse7
@atm:
عيّشك و بارك الله فيك
لا توة كل شي مريقل
انشالله ماعادش نغيب على البلوقوس
حتى انا استاحشت الاجواو الكبيرة متاع المدونات
@ùandela:
اخي لوكان حرقت توة ماعادش ندوّن
و الا حسب رايك الانترنات عدنا كان لهنا في تونس
:pp
هذوما العرب يلحقو كان على الفضلة و يموتو على الماكلة البايتة
ما تزيدش تعاود هذ الغيبة يا كلندو
تحفة
انت فعلا خيالك واسع ودمك خفيف
انا بجد بفرح لما بشوفك عندى فى البلوج بتاعى
C bien d'appréhender ça avec humour. Mais franchement j'en ai parfois plein les burnes de cette histoire d'arabes sous-hommes. J'ai l'impression d'entendre ces petites crapules sur aljazeera qui se cassent la tête à démontrer par a+b que nous sommes la merde de ce monde. (En mm temps, ils arrivent à démontrer que nous sommes "5ayra ommatin o5rijat linnas"!! cherchez l'erreur.) Je sais que ce n'est ni l'endroit ni la tribune appropriés mais j'avais juste ça sur le coeur en lisant ce post.
Je voudrais qu'on aprenne à nos fils un peu de "self respect".
Enregistrer un commentaire