البارح رجع الفايس بوك يخدم من غير تعقيدات و من غير بروكسيات
و كثرت التساؤلات و تنوعت الآراء و التفسيرات...
زعمة رجع الفايس بوك؟؟ كيفاش رجع ؟؟ شكون رجّعو ؟؟ و لوقتاش باش يقعد يخدم ؟؟
و فمّة شكون قال اللي الحكاية و ما فيها انهم مزوّدي الأنترنات (الكل) نزلت عليهم الأعطاب الفنّية فرد وقت و كي العادة الصدفة كانت في الموعد ... و الاعطاب الكل جات كان مع موقع الفايسبوك...
و فمّة شكون قال اللي الزيارة اللي باش تعملها كوندي للبلاد هي السبب متاع رجوع الموقع في الفترة الحالية...
و مادام ما ثمّة شي واضح ... و ما دام انعدام الوضوح ولى سمة من سمات المجتمع...
فغريزة البقاء في الوسط الضبابي و المدخّن تملي عليا باش نخلّي كل شي كيما هو ... و نقرأ يس و في يدي بروكسي...
و نعمل كيما الذيب اللي قام مالنوم يلقى النعجة مسلوخة بحذاه , فرح فرحة كبيرة و يقال انو عينيه دمعت من قوة الاحساس الاّ أنّو ما نجّمش يقربها و قاللهم " ما نصدّق الا ما نـ*****"
ة
و كثرت التساؤلات و تنوعت الآراء و التفسيرات...
زعمة رجع الفايس بوك؟؟ كيفاش رجع ؟؟ شكون رجّعو ؟؟ و لوقتاش باش يقعد يخدم ؟؟
و فمّة شكون قال اللي الحكاية و ما فيها انهم مزوّدي الأنترنات (الكل) نزلت عليهم الأعطاب الفنّية فرد وقت و كي العادة الصدفة كانت في الموعد ... و الاعطاب الكل جات كان مع موقع الفايسبوك...
و فمّة شكون قال اللي الزيارة اللي باش تعملها كوندي للبلاد هي السبب متاع رجوع الموقع في الفترة الحالية...
و مادام ما ثمّة شي واضح ... و ما دام انعدام الوضوح ولى سمة من سمات المجتمع...
فغريزة البقاء في الوسط الضبابي و المدخّن تملي عليا باش نخلّي كل شي كيما هو ... و نقرأ يس و في يدي بروكسي...
و نعمل كيما الذيب اللي قام مالنوم يلقى النعجة مسلوخة بحذاه , فرح فرحة كبيرة و يقال انو عينيه دمعت من قوة الاحساس الاّ أنّو ما نجّمش يقربها و قاللهم " ما نصدّق الا ما نـ*****"
ة
4 commentaires:
je vient de lire l'article au journal "essarih" que c'est un ordre du president pour ouvrire facebook.alors si il donne l'ordre aussi de laisser les mosqueés ouverte toute la nuit we houwa sraf sraf
@anonyme1:
بصراحة ماريتش العلاقة بين حلان الفايس بوك و حلان الجوامع
و حسب ما فهمت انتي ماللي يعتبرو مواقع كيما الفايس بوك مواقع متاع فساد و الاولى بالسلطة انها تقوم بفتح المساجد خير من فتح المواقع
@anonyme2:
ماكانش لازم استعمال الكلام الزايد
كنت تنجم تقولو
"مالا لوجيك عندك يا سي الانونيم" و اكاهو
برشة مواطنين أدركواو تحركوا ضد لجم الألسن مع تسكيرة كتاب الفطشاطات وولات مناسبة للبعض باش يفهموا جزء من اللعبة أما لحكاية وما فيها الي بدمقرطة البروكسيات ولاو برشة من الناس ينجموا يتكشفوا على الخمج الي يلهث خونا عميرات 404 باش يخبيه عاد يرجع الفايسبوك وسيب علينا مالبروكسي
Enregistrer un commentaire