tag:blogger.com,1999:blog-7127390319567234349.post979214649348388019..comments2024-01-15T21:19:16.730+01:00Comments on Demain je brûle: عودة لموضوع الجهوية و العروشية و الخوصصة و التنمية الجهويةClandestinohttp://www.blogger.com/profile/13287249250237360397noreply@blogger.comBlogger4125tag:blogger.com,1999:blog-7127390319567234349.post-86264328874605875222008-06-02T11:26:00.000+01:002008-06-02T11:26:00.000+01:00صباح الخير كلاندو، باش نحاول نجاوب على الأسئلة وال...صباح الخير كلاندو، باش نحاول نجاوب على الأسئلة والأفكار متاعك بعجالة ولو ماهوش ساهل <BR/><BR/>أولا، بالنسبة لحكاية المدن الكبرى إلّي تكون محرّك الإقتصاد الوطني، قلت عليها إنتي: "و اللي نركزو فيها وسائل الانتاج في جميع القطاعات" وهذا ماهوش صحيح، على الأقل أنا ما قلتوش، بالطبيعة الجهات إلّي فيها الفلاحة وإلّي فيها المناجم والسياحة بأشكالها المختلفة ماناش باش نهبطو بيها لوسط العاصمة، يعني كلّ جهة تخدم، حسب الفكرة إلّي حاولت نعبّر عليها في مدوّنتي، على حسب إمتيازاتها الطبيعيّة والبشريّة، أما موش كلّ بلاد لازم يكون فيها كلّ شيء<BR/>من الصناعة للخدمات للسياحة<BR/><BR/>أمّا بالنسبة لكون سياسة الأقطاب الإقتصادية إلّي قلت أنها فشلت نجاوبك أنها الأقطاب هاذي ما تجي شيء بالمقارنة مع المدن الكبرى العالميّة، يعني نحنا عشرة ملاين في البلاد الكلّ تنجّم ترفعنا مدينة واحدة في بلاد أخرى، هذا علاوة على أنّ الحلّ هذا متاع المدن الكبرى ماهوش قابل للتطبيق الحيني ولكنّو على المدى البعيييييد، ولازمو برشة خدمة كارها تعملت من الإستقلال، يعني ما حكيتش عليه كحلّ لحكاية أزمة الحوض المنجمي بل كسؤال حول وجاهة سياسة التنمية الجهويّة في بلادنا<BR/><BR/>أما بالنسبة للإستقلالية متاع الجهات وتكريس لامركزية فعليّة في اتخاذ القرار فأنا معاك على طول الخط، ولكن هذا ما عندوش علاقة بالمسألة الأولى وإنّما يدخل في إطار التنظيم السياسي للبلاد وعندو حسابات أخرى<BR/><BR/>نفس الشيء بالنسبة لحكاية الفلوس، على خاطر فمّا فلوس بالطبيعة، وحكاية مداخيل الخوصصة هاذي زادة تدخل في إطار نحنا متفاهمين عليه ألا وهو ضرورة إعتماد الشفافيّة في التصرّف في الشأن العام ونرجعوا كي العادة للبوليتيك جينيرال متاع البلاد، موش بالذات لحكاية التنمية الجهويّة، ولو هو كي تجي تشوف كلّ شيء يصبّ في واد واحد<BR/><BR/>بالنسبة لحكاية الإستثمار في البلايص إلّي فيها مردوديّة هاذي حاجة بديهيّة، خاصّة في إطار إقتصاد حرّ، ولكن كيف حكيت عليها مانيش نقصد بالضرورة تكريس الأمر الواقع وتفضيل جهة على أخرى على أساس حساسيّات جهويّة وإنّما نقصد بيه الإعتماد في الإستثمار على معايير علميّة وعقلانيّة، إنشالله حتى نخلقوا مدن كبرى جديدة في بلايص أخرى، وهو على فكرة مشروع وارد ومطروح<BR/><BR/>بالنسبة لحكاية البرط هاذي راهي مانيش أنا جبتها من راسي، ولهنا لازم نرجعوا للدراسات إلّي تبيّن علاش المستثمر، تونسي أو أجنبي، يختار المكان إلّي باش يركّز فيه مؤسستو، وماهوش معقول باش نحمّلوا الناس إلّي جايبة فلوسها وجاية، يعني تحبّ وإلاّ تكره باش تعاوننا على تخديم الناس، إنشالله حتى بزوز صوردي، موش معقول نحمّلوهم أعباء إضافيّة متاع نقل مهما ظهرتلك يا كلاندستينو حكاية فارغة. صحيح الناس ماعادش تحمّل السلعة على البهايم وعلى ظهر الخدّامة أما الكراهب والترينوات مازالت ماهيش تخدم بماء البحر <BR/><BR/>بالنسبة للجانب المتعلق بالعروش والقبائل ماهوش ساهل أننا ننكروا دوره في أنّها الناس هاذي تنجّم تتحدّى الحاكم بالطريقة إلّي صارت، ولكن أكيد ماكانش الدافع الوحيد للإحتجاجات.<BR/><BR/>أما بالنسبة لإعتبار الفسفاط هو النشاط الممكن الوحيد في الجهة بالنسبة للبطالة فهذا ما يعنيش أنها الناس الكل لازمها تخدم في الفسفاط، صحيح لازم الخدمة تكون من غير محاباة لأبناء جهات أخرى أما زادة المشكلة الأعمق هي أنها التنمية في البلاد ككلّ ماهيش قادرة باش تشغّل أبناء المناطق هاذي في مناطق أخرى<BR/><BR/>أخيرا فيما يخصّ إقتراح الخوصصة، نحبّ نقول أنّها الخوصصة عندها برشة أشكال، يعني كاتالوج كامل تختار منّو شكل الخوصصة إلّي تحبّ تعملها، تبيع الكلّ، تخوصص التصرّف بركة، تعطي لزمة تقليديّة، تعطي لزمة من النوع الأنجلوساكسوني (لهنا موش لازم نعقّدو الأمور برشة وخلّينا نقولو إلّي الخوصصة درجات والدولة هي إلّي تختار على كيفها حسب الوضعيّة)، وزيد على هذا الدولة من حقّها في اللزمات هاذي تحطّ شروط على الخواص، وإلّي على فكرة موش لازم يكونوا أجانب، شروط تتعلّق بحماية مواطن الشغل الموجودة وظروف العمل وحماية البيئة وغيرها<BR/><BR/>يا كلاندو صدّقني راهي الناس إلّي مازالت تحكي على المؤسسات العموميّة عمرها ما خدمت نصف نهار في منشأة عموميّة وما تعرفش الواقع، ماك تعرفني خوك ما نغرّش بيك<BR/>:)<BR/><BR/>آه، نسيت: المواطنة... أنا بيدي هاني قاعد نستنّا كيفك وربّي يجيب القسمBig Trap Boyhttps://www.blogger.com/profile/09561054626252990662noreply@blogger.comtag:blogger.com,1999:blog-7127390319567234349.post-78997282142843877272008-05-31T23:21:00.000+01:002008-05-31T23:21:00.000+01:00السلام يا احلى كلندو البوست خشين برشة وشامل ويطرح ...السلام يا احلى كلندو <BR/>البوست خشين برشة وشامل ويطرح عدة جوانب مهمة نتفق في البعض منها معاك ونختلف في البعض وباش نعرج في نقاط الاختلاف <BR/>اولا حكاية الجهوية راو زايد نحبو ولا نكرهو تونس دولة مقاطعات يعني زايد باش نحكيو على الوحذة الوطنية وكل واحد يضرب على دربوه و المسؤول الساحلي يضرب على حومتو و هكذا دوليك بالنسبة لبعد المناطق الداخلية لازم نفهمو انو قفصة وغيرها متصلحش فيها الاستثمرات لا الخارجية ولا الداخلية وصدقني يا كلندو راو المستثمر تأثر فيه حكاية البعد عن المواني و البنية التحتية حتى ولو كانت ب 1 كلم ونشا الله نجيبلك عروض استثمار رفضوها الاجانب على الحكاية هاذي <BR/>و بنسبة لتحرير الاقتصاد كيما حكيت في مدونتي <BR/> ي<BR/> و بالنسبة لي الحل الطيارة نزرعو البلاد زطلة كيما سبق وقلت <BR/>تو بربي كان جات دنيا دنيا المدونين يقدمو الحلول و الله عيب و يوفىtitofhttps://www.blogger.com/profile/10670318482147435189noreply@blogger.comtag:blogger.com,1999:blog-7127390319567234349.post-70835340610043889132008-05-31T17:46:00.000+01:002008-05-31T17:46:00.000+01:00bravo clando tres beau postynajmou el gfassa yekhd...bravo clando <BR/><BR/>tres beau post<BR/><BR/>ynajmou el gfassa yekhdmou 7awata fi el sahra ...comme dans le post qui a le meme nom :)<BR/><BR/>j attends toujours ton mail fi hek el 7kaya et cela fait plus de deux semaines que j'attends.<BR/><BR/>le fait de m ecrire et de me faire part de ta decision est , a mon avis, la moindre des choses b7oukm, au moins, el 3ichra<BR/><BR/>ou la touaajel 3amala el yaoum ila el ghadi ... walla ajjal amma mouch fou9 deux semaines<BR/><BR/><BR/>aya nharek tayebGouverneur de Normallandhttps://www.blogger.com/profile/00488817904168119353noreply@blogger.comtag:blogger.com,1999:blog-7127390319567234349.post-23262736497320966812008-05-31T13:55:00.000+01:002008-05-31T13:55:00.000+01:00شي يعمل الكيف كلام هو تبني أعمى للنيولبرالية الجد...شي يعمل الكيف <BR/>كلام هو تبني أعمى للنيولبرالية الجديدة الي تعطي الأولوية لرأس المال على حساب الجانب الاجتماعي بكل مشمولاته<BR/>هي موش حتمية انو يلزم نكونو غيفاريين أو نيوليبراليين (ترابوييين) يلزم التوفيق بين النجاعة الأقتصادية و البعد الاجتماعي و هذي مسؤولية الدولة عائدات الخوصصة كانت تنجم تكون فيها الأولوية للمشاريع في المناطق الداخلية و نخلو المناطق الساحلية لرأس المال باعتبار الجاذبية الاقتصادية الي فيها المشكل في سياسات التنمية منذ الاستقلال و الحاجات الي نعيشوها تو جهوية و عروشية افراز طبيعي للسياسات هذي و الحل في معالجة المشكل موش النتائج<BR/>romdhaneAnonymousnoreply@blogger.com